Нурмат Садыров.
 Слушать песни исполнителя и скачать онлайн

Керме каштуу селкилерге сунуп урматын, «Кыргыз кыз» деп жар салат ырчы Нурматың. Жыгылсам таяган, жалооруп аяган, Жылдыздуу пери кыз болчу курдашым. Кайырма: Жүрөгүмдүн ооругансып турат туш жагы, Жетпей сага көңүл чиркин канча сыздады? Ажары ченелбес, айга да теңелбес, Ааламда эң сулуу кыргыз кыздары. Каректери таң сыяктуу атса кылайып, Кылыгынан эркелеген таппайм бир айып. Кайыңдай суналган, кымча бел, буралган, Кыргыздын бир кызы мага ылайык… Кайырма: Сен жылмайсаң уялгансыйт көктө күн дайым, Ууртундагы уячаңа сүйүүм сунайын. Козгогон сезимди, кыргыз кыз өзүңдү, Апама алпарып келин кылайын. Кайырма:

Сенсиң менин торгоюм, Суук көздөн коргоюн. Ысыгыңа жылытчы, Суугуңа тоңбоюн. Сенсиң менин торгоюм, Суук көздөн коргоюн, Ашык болдум жалындап, Калпы болсо оңбоюн. Сенсиң менин торгоюм, Гүлдөй болуп соолбоюн. Ысыгыңа жылытчы, Суугуңа тоңбоюн. Сенсиң менин торгоюм, Күндөп-түндөп ойлоюн. Ишенип кой сөзүмө, Калпы болсо оңбоюн. Менин ырчы торгоюм, Жолугууну болжоюн. Алтынчы күн — кадыр түн, Карап күтөм жол боюн. Сен торгоюм — сүйгөнүм, Арнап өмүр гүлдөрүн. Бир басалы гүл бакта, Тыңшап торгой үндөрүн. Ырахат го жаш кезде, Күлүп-ойноп жүргөнүң. Саймалайлы жылдыздай, Жашообуздун түндөрүн. Жалын болуп жаркылда, Чагылгандай чартылда. Көл үстүндө ойногон, Ак булуттай калкылда, Канат күүлө, күү чалып. Ойноп-күлүп жаркылда, Кадырлашып өтөлү, Көңүлгө кир калтырба. Көңүл куруп, күү чалып, Күлүп-бийлеп, үн салып. Менин сүйгөнүм торгоюм, Эмгек жолун бир чалып. Айыл ичин гүлдөтүп, Обон созуп ырдашып. Жаркылдаган жаштык кез, Кете электе кырды ашып. Өмүр суусун кечели, Жабык сырды чечели. Ак таң болуп нурданып, Аппак гүлдү терели. Ак нан болсо ыр болот, Сүйүп дайым жешели. Ден соолукта каткырып, Соо жүрөлү дешели.

Мен сүйгөн менен пайда жок, Кантейин, жаным, айлам жок. Көнбөдүң сүйүүң барчудай, Көңүлүм болду калчудай. Кайырма: Балбылдап көздөрүң кара-кара, Айта албайм сүйүүмдү сага гана. Айтайын, башканын кереги жок, Жылмайып жылуулук берчи мага. Сүйдүрдүң мени, сүйүктүүм, Сүйүп мен үзбөйм үмүтүм. Өзүңсүз өтсөм өмүрдөн, Арманым айтчы, ким үчүн? Кайырма:

Табышмак сыңдуу, Таанышсак сулуу. Тилегим жалгыз, Таанышсак сулуу. Дарегиң издеп, Сураган жанмын. Дүйнөмдү бүтүн, Сен уялап алдың. Күлкүң, сүйкүм, Өзгөчө угулат. Күнүм, сүйүүм, Бир сага сунулат. Бир сага жүрөктөр чымырап, Жүргөнүң башкача, Жомоктой туюлат. Кайырма: Сен дедим сен дедим, Төгүлгөн нурдай, Көркөмүң сунган. Көздөрүң тартат, Көл болуп турган. Ал кыз сулуу перидей, Аны менен бирге жүрүүдөн эринбейм. Жүрөгүмдүн бөлүгүндө көрөм теңиндей. Бир болобуз айрылууда жеңилбей. Биздин сүйүү дайым ысык, Биз экөөбүз бирге бийлеп жайы-кышы. Белиңден кармап жан дүйнөмө жакын кызсың. Жыпар жыттуу, жүрөгүмдүн айыгышы. Сага махабатым белек. Өмүрүм сага берем. Мага сылык сөзүң менен, нурлуу көзүң керек. Көңүлүңдүн ачкычын ал, Алыс катып терең. Сен үчүн дүйнөдөгү кооз гүлдөрдү терем. Төгүлгөн нурдан, Көркөмүн сунган. Көздөрүң тартат, Көл болуп турган.

Биз барганда ээрчишип Айгүл тоого, Ай тийиптир эми эле аркы зоого. Ай алдында шамалга ыргалышат, Айга тосуп жүздөрүн өйдө боло. Кайырма: Айгүл гүлү өзүңдөй ачылыптыр, Ар бир сабы мончоктой гүлгө толо. Ааламдагы гүлдөрдүн ханышасы, Арнагым бар өзүңө ырга кошо. Айгүл дагы бизге окшоп сагынгандыр, Мээрим чачкан асманда жылдыз толо. Жоодураган көздөрүң гүлдөй жайнайт, Менин колум белиңе оролгондо. Кайырма: Биз өткөргөн кадыр түн Айгүл тоодо, Биринчи эмес миң ирет дагы болсо. Берер элем өмүрдү өзүң үчүн, Айгүлүмдөй тунугум керек болсо. Кайырма:

Ак жамгырда сени издедим, Жаным, үнүң угулат. Көздөрүңө байланганмын, Көргүм келет ар убак… Ыйлаба, жүрөк, Өкүнгөн менен пайда жок. Ыза толгон күйүтүм бар, Сен сезбейсиң, а бирок… Ыйлаба, жүрөк, бүл күндөр өтөт, Азыр жол таппай адашып жүрөт. Ыйлаба, жүрөк, өзүңдү күтөт, Өмүрүн арнаган жан… Эсиңдеби эркем менин, Эң алгачкы сезимдер? Мезгилинде гүлүн ачкан Жаным деген эриндер…

Жактырдым сизди мугалим эже, Көргөнү келем сизди мектепке. Жашым жетпейт сизге сүйүү арноого, Ай, билбейм эжеке, кантип айтам сүйүүмдү сизге? Кайырма: Мугалим эжекем ай, мугалим, Алайын өзүңүздөн мен билим. Дептериме жазайын мен сыялап, Жүрөгүңүздө турайын мен уялап, эжеке… Айырмаңыз жок экен го кызыл гүлдөн, Суктанам го ууртуңузга сиздин күлгөн. Сиздин берген сабагыңыз — сүйүү сабак, Ай, кыялданам эжеке, жалгыз жигит мен сизди сүйгөн.

Аллахым кечиргин, кечиргин, Атың билбей канча эсирдим… Аллахым — кечиргин кемдигим, Кулу болгом арсыз сезимдин. Кайырма: Ырыскыны берүүчү жалгыз — Алла, Касиети Курандын азык жанга. Кетсе дагы атагым алыстарга, Ыйманы жок дүйнөдөн жанымды алба. Аллахым — кабыл кыл тилегим, Алсыз жанмын аны билесиң. Аллахым ар күнүн сүйөмүн. Атын айтып соксун жүрөгүм

Күмүшүм элең, Күлүшүң менен, Күйүткө салып кетип калдың. Үмүтүм элең, Жүгүнүп келем, Бир арманга. Кайгы тарткан мендей барбы жан? Ойлор ээрчип калбай артыңан. Жүрөк ээси, эркесиң, Көңүл ыйын сезбедиң, Айтчы кайтып качан келесиң? Жүрөк ээси, эркесиң, Көңүл ыйын сезбедиң, Айтчы качан кайтып келесиң? Аныгын билип, Жаңылып сүйүп, Адашып, мен ишенип алып. Жазыксыз дүйнөм, Жалындап күйгөн, Сени табып. Кайгы тарткан мендей барбы жан? Ойлор ээрчип калбай артыңан. Жүрөк ээси, эркесиң, Көңүл ыйын сезбедиң, Айтчы кайтып качан келесиң? Жүрөк ээси, эркесиң, Көңүл ыйын сезбедиң, Айтчы кайра качан келесиң?

Алтыным ак сүйүүңдү кимден катасың, Сезимдердин тазасын, жүрөгүмдөн табасың Башка жандарга алдаба алыс болсом дагы жанындан, Арзуум өчпөйт табынан ай жүзүңдү сагынам, сени сагынам алтыным Кайырма: Күттүм мен келбейт жаным дебе Айласыз жалгыз калдым дебе Бактыңды башка жанга байлап колуң бербе Түбөлүк болуп бир дайыма Аз калды барам бил жаныңа Үмүттү мага болгон үзүп жообун бербе. Алтыным, жолугушчу биздин күндөр бар, Капалыкка алдырба, жазда жааган жамгырдай Сүйүп жүзүңдөн мен барамын, сөздөрүңдөн кубат аламын Өчпөй күйүп жанамын, сезсең менин абалым Алтыным

Жүрөктөн кеттим бир көрүп Күндөрүм турат өзгөрүп Сулуу кыз бизге шаардан келдиңби Эрчидиң калбай артымда Сендейдин миңи жактырган Сулууну жигит эми көрдүңбү Кинодон көргөм сендейди Жактырабы мендейди Жактырсам эгер сендейди Курбу кыздар күлбөйбү Кайырма: Өзгөчө болуп бөлүнбөй Ай нуру болуп төгүлбөй Айылда мурда көрүнбөй Сулуу кыз кайда элең Айылда өскөн кыз элем Ааламда сүйүү издегем Адашпай таптым жарымды Ал кезде шаарда элем Апандан жумуш талашпай Айылдык турмуш жарашпай Байкасам жүдөп калган окшойсуз Уйларды саап эртелеп Тез үйгө чыкчум эркелеп Балалык кезди унуткан окшойсуз Тырмагын сынып калбасын Кетүүнүн таппай айласын Мен деле өскөм айылда Дайым келем жайында Кайырма: Шаардыкбыз биз деп бөлүнбөй Жасалма күндөй көрүнбөй Айылга келип турсак сонун да Бейишин тоонун борунда

Жүрөгүм, аячы мени мүрөгүм, Кусага сенсиз соолуп баткандай, Арзуусун айтып жаткандай… Алыстасын, жолукканга ашыга берем, Жаныңдан чыга албай келем. Дем,күч берген өмүрүмө сыйкыр күч белең? Өзүң деп мен жашап келем. Кайырма: Жүрөгүм, аячы мени мүрөгүм, Кусага сенсиз соолуп баткандай, Арзуусун айтып жаткандай… Сенсиз күндү элестете албаймын жаным, Сага мен теңебейм баарын. Сезим күчөп, алоолонуп каптады жалын, Таталы сүйүүнүн балын. Кайырма: Жанымдан эми кетпечи деги, Бир болуп дайым, көрүп баарын. Карааның келсе,кайгы жок менде , Деп жүргөн сөзүңдү эстеп…

Ак Сардал кыз, Сардал кыз, Сен да жалгыз мен жалгыз. Берейин десем мал таңгыс, Бере албадым, Сардал кыз. Өтүгүңдүн өкчүүсү, Кылдан бекен Сардал кыз. Экөөбүздүн ортобуз, Зымдан бекен Сардал кыз. Көк боз аттын куйругу да, Күмүш десем кылга окшойт. Экөөбүздүн ортобуз, Күнчүлүк десем айга окшойт. Ак боз аттын куйругу, Алтын десем кылга окшойт. Экөөбүздүн ортобуз, Айчылык десем жылга окшойт. Көк өгүздү кубалап мен, Оолукканмын, Сардал кыз. Көк белестин жанынан, Жолуккамын, Сардал кыз Ак өгүзүм кубалап, Оолукканмын, Сардал кыз. Ак белестин жанынан, Жолукканмын, Сардал кыз. Кашка сулуу булактан, Суу аласың, Сардал кыз. Карала да моюн катардай, Чубаласың, Сардал кыз. Ак мөңгүлүү дайрадан, Суу аласың , Сардайл кыз. Ашыктыгым ансайын, Бураласың , Сардал кыз.

Кара чачың, карындашым, өзгөчө татынасың, Улам сырдуу көз карашың, өзүңө тартып алдың. Назданып күлгөнүңдү сүйүп калдым. Кайырма: Мага жагат көздөрүң, Балдай ширин сөздөрүң. Кирпиктериң, Кичинекейим менин. Байкабадың, балапаным, жаныңа бара албадым, Жамгыр сымал салааладың, Жарыгым, жараладың. Назданып күлгөнүңдү сүйүп калдым. Кайырма:

Жаңы жыл келди жаркырап, Мөлтүрөп жалтырап, баягы. Аяз ата белек тартуулап, Эсте калтырат. Кел, Жаңы жыл, Бөбөктөргө белек тартуулап. Аяз кыз ар убак, Жылдар узап. Өмүрлөрдү берсин Жаңы жыл, Күлкү-шаттык, ыр, Ар бир үйдө. Кезигели батыраак, Жакшы тилек айтылат, Жаңы жылга тартуулап. Кайырма: Жаңы жыл жаңырган, Жүзүңөргө себелесин нурун. Жаңы жыл, Жаңы жыл, Кайгыдан айрылган. Жакшылыгын Жаратканым берсин, Жаңы жыл, Жаңы жыл, Бөбөктөргө белек тартуулап, Аяз кыз ар убак. Жылдар узап. Өмүрлөрдү берсин Жаңы жыл, Күлкү-шаттык, ыр Ар бир үйдө. Жаңы жыл келди жаркырап, Мөлтүрөп жалтырап, баягы. Аяз ата белек тартуулап, Эсте калтырат, кел, Жаңы жыл. Кайырма:

Ансайын жетпей убакыт, Өзгөчө нурун чубалтып. Өзүңдү сүйүү миң бакыт, өмүр. Алоолоп жалындайт, айланып табылбай. Асмандагы куштайсың, өмүр, Жолуңду каратып, жүз жылды саматып. Жүрөктү кыстайсың, өмүр. Ансайын жетпей убакыт, Өзгөчө нурун чубалтып. Өзүңдү сүйүү миң бакыт, өмүр. Кээ бирде жыргал сунасың, Кээ бирде чалып жыгасың, Антсе да ыйык тумарсың, өмүр. Ак-кара жанашкан, Алыстап бараткан, Шараккан суудайсың, өмүр Адамга каш керек, ашыкча жаш керек. Түбөлүк турбайсың, өмүр. Ансайын жетпей убакыт, Өзгөчө нурун чубалтып. Өзүңдү сүйүү миң бакыт, өмүр. Кээ бирде жыргал сунасың, Кээ бирде чалып жыгасың, Антсе да ыйык тумарсың, өмүр.

Сенсиз сезилет күнүм жалгыз калгандай, Жүрөк согушу эми токтоп калгандай. Жакшы көрөм өзүңдү билесиңби, Жанып турган сүйүүмдү сен сездиңби? Кайырма: Оо-оо, көздөрүң сенин, Ээ-эй, ак сүйүүм сага арнайм. Мен издеп келем сүйүү пайдасын, Сен табаласың анын айласын. Жакшы көрөм өзүңдү билесиңби, Жанып турган сүйүүмдү сен сездиңби? Кайырма: Оо-оо, көздөрүң сенин, Ээ-эй, ак сүйүүм сага арнайм.

Жүрөктү сууруп алдың, Жашоомду буруп алдың. Тартылып сыйкырыңа, Туруп калдым. Каректе күйүп кеттиң, Каныма кирип кеттиң. Күмүштөй шыңгыр этип, Күлүп өттүң. КАЙЫРМА: Сенин жүзүңдөгү сулуу меңиң, Сүйүүмдү козгоп менин, “Сүйөмүн” дедим. Сенин анар сымал бышкан эрдиң, Сезимимди козгоп менин, “Секетим”- дедим. Алтыны ашык жандын, Асманда басып калдым. Көзүңө бир жалт карап, Катып калдым. Балыктай туйладың го, Байкеңди кыйнадың го. Тутанган махабатым, Туйбадың го…

Кол жетпеген көктөгү, Көздөрүңдүн көркөмү. Кыялдарым дайым жарышта, Ай да нурун төккөнү, Ак булутту өпкөнү, Бийик учам сага барышка. Кайырма: Гүлүм, сага көңүлүм сенде гана, Кызганып турат кабагың түйүп мага. Жайна-жайна, ачылып гүлдөй жайна, Сүйүп баратат жүрөгүм сени гана. Өзүң болдуң эргиткен, Таңдан кечке ээрчиткен. Жан дүйнөмө сүйүү тартуулай, Балдай ширин сөздөрүң Эриндериң, көздөрүң Сени көрүп мен да өзгөрдүм. Кайырма:

с: Жылдызбек Турсунбаев о: Нияз Абдыразаков Капилет кез келип, Карашып туруп калдык чектелип. Карадым үн катпай, Каректен өткөн күндү эскерип. Каалоого жетпедик, Кантейин кетиптирсиң өзгөрүп. Биз тапкан сүйүүбүз, Бир кезде калган эле тепселип. Сен бактылуу, бактылуу жаша! Тагдырдын сыноосуна жараша… Бир сага, бир сага болгон, Мендеги махабат — дагы эле таптаза. Балалык убагым, Бар эле сени менен кыялым. Байкабай олтурсам, “Биз бирге бололу?”,- деп сурадың… А бирок ынагым, Бактыңды башка менен курадың. Алданган чагыңда, Билбепмин маңдайымдан чыгаарың.