Ай чыкты нурун төгүп,
Аймалап жүзүң өбүп,
Айлуу түн бизге жарашып.
Түн турат ойго чөгүп,
Түн чүрөк сени көрүп.
Сүйөмүн сени жанымдай,
Кетиргим келбей жанымдан.
Жүрө албай мен сагынбай,
Күн санап күтөм.
Кайырма:
Асыл тумарым, канбай кумарым,
Асыл тумарым, көздөрүңө мен багынып,
Сени сагынып.
Асыл тумарым, айтчы угайын,
Сырың жашырбай.
Асыл тумарым, канбай кумарым,
Асыл тумарым, көкүрөккө мен тагынып,
Сага жалынып.
Асыл тумарым, тартам убайың,
Менден жашынба.
Жүрөгүм сен деп согуп,
Жүрөмүн куса болуп,
Жүзүңдү бир көрө албай.
Карап кой көңүл коюп,
Калбайын сенсиз соолуп.
Сүйөмүн сени жанымдай,
Кетиргим келбей жанымдан.
Жүрө албай мен сагынбай,
Күн санап күтөм.
