Киргизские песни

Турналар учуп өтсө, жаз келсе кайтып келер, Жаштышгың өтүп кетсе, кайтарып кимге берер. Толгонуп буулугамын бир собол жүрөк эзер, Өмүрлөр өтүп кетер… Негедир жылдан жылга, саамайлар агаргансыйт, Жаштыгым жаздай эле, күз келип саргайгансыйт. Өмүрдүн барактары бат-баттан айрылгансыйт, Байгеде бараткансып… Өкүнүп күткөн менен өткөн күн кайтмак беле? Табигат табышмагы жалынсаң да, сырларын ачмак беле? Билинбей мезгил менен, кошулуп агабызбы? Анын да чеги болор жээгине барабызбы? Убакыт токтой турчу, гул терип алайынчы, Сагындым балалыкты… Өкүнүп күткөн менен өткөн күн кайтмак беле? Табигат табышмагы жалынсаң да, сырларын ачмак беле?

Алдадыңбы, алдандымбы, Билдирбедиң кабарыңды. Таштадыңбы, ташталдымбы, Сагындым го жамалыңды. Кайырма: Сагынам, сагынам, сагынам дагы да, Жүрөмүн, жүрөмүн, жалгыз кайгыда. Элесиң көрүүгө, көрүүгө зар болуп, жаным, Берекем, берекем, жүрчү жанымда. Таарындыңбы, таарынттымбы, Балким, өзүм жаңылдымбы. Бактым менин, кайрыл деймин, Сени сүйөм, жаным менин. Кайырма: Сагынам, сагынам, сагынам дагы да, Жүрөмүн, жүрөмүн, жалгыз кайгыда. Элесиң көрүүгө, көрүүгө зар болуп, жаным, Берекем, берекем, жүрчү жанымда.

Көлдүн жээгин бойлогон Ар бир мүнөт мени сүйүп Мени ойлогон Сүрөтүң кана Толкун менен ойногон Күлкүң кана шыңгыр булак Мен сүйүп тойбогон Ошентип мен уктап ойгоном Кайырма: Мен сени сүйөм Мен дагеле сени сүйөм Мен азыр жаштыгымдын аска зоосун Айланып жүрөм Мен кеталбай жүрөм Мен сени келет деп жүрөм Ыраа көрбөй сени башкага Кыялбай сени башкага Мен сени сагынып күтүп жүрөм Көздөрүң кана Көктөм жаздай жайнаган Жүрөк туйлап бир караштан Сезим кайнаган Сөздөрүң кана Мени жипсиз байлаган Балыкчынын шамалындай Жүзүм аймаган

Сары-Челек көлдүн боюнда, Сен экөөбүз түндүн коюнунда Бирге отурсак арман жок эле. Канат күүлөп калкып турам, Чоң бакытка балкып турам, Кээде түшүп сүйүү жалынга. Жан дүйнөмө батпай келет, Эмне дешти таппай келем Бизди кошкон ушул тагдырга. Тагдыр берген энчим менин, Элжиретип эзбе мени, Жаралдыңбы менин бактыма? Токою бай, жер-жемиши, Асыл жери, жер бейиши — Жүрчү, жүрчү кеттик Аксыга. Сары-Челек көлдүн боюнда, Сен экөөбүз түндүн коюнунда Таңды күтсөк арман жок эле. Элинин да пейили сонун да, Касиеттүү Аксы коюнунда Өмүр сүрсөк арман жок эле. Кашка-Суунун суусун кечип, Бозбу-Атанын гүлүн терип, Оюн салсак кечки адырда. Жан кейиткен жамандардан, Тажап бүттүм ушактардан, Кетеличи жүрчү айылга. Сары-Челек көлдүн боюнда, Сен экөөбүз түндүн коюнунда Таңды күтсөк арман жок эле. Элинин да пейили сонун да, Касиеттүү Аксы коюнунда Өмүр сүрсөк арман жок эле, Бир карысак арман жок эле.

Сүйгөн кызым кошунам эле Бир көчөгө бөлүнүп турчу Күн өткөрбөй жолугат эле Каш-кирпигиң төгүлүп турчу Кайырма: Айсанам айсанам Мөлтүр-мөлтүр көздөрүңдү көргүм келет Ошол кезге бир кайрылып баргым келет Дарактар да жылаңач эле Аркы көчө көрүнүп турчу Жолугушуу кыямат эле Апам көрсө сүйлөнүп турчу

Көп элес өчпөстөн эсте баары, Көңүлдүн калса да бөксө жагы. Мен сени сагынган бойдон жүрөм, Мезгилдер карматпай өтсө дагы. Жүрөктүн буйругу башкачабы, Жүрсө да тагдырдын канча тагы. Мен сени сагынган бойдон жүрөм, Жашынып жаштыгым калса дагы. Өлчөмдүү бул өмүр тура кыска, Өткөнгө өкүнүч кылабыз да. Мен сени сагынган бойдон жүрөм, Баладай багынбай убакытка. Жыргатпай бул турмуш сонунуна, Жылдарды койсо да орунуна. Мен сени сагынган бойдон жүрөм, Тумардай тагынып моюнума.

Бак тиктик, дарактар да куурап калды, Тамыры сууга жетпей кургап калды. Үйрүлүп мээримиңди төксөң дагы, Көңүлүм жакшы сөзгө суусап калды. Кайырма: Мен сенден кетейинчи, кетейинчи, Жаныңда өзүмдү-өзүм жебейинчи. Бактымды бир өзүңө байлаганча, Кыдырып дербиш болуп кетейинчи. Мен сенден кетким келди, кетейинчи, Баарын ал, каалаганың берейинчи. Бүт өмүр бир өзүңө байланганча, Кыдырып дүйнө кезип кетейинчи. Көңүлгө бир муздактык уюп алды, Сезимдер өз-өзүнчө тунуп алды. Койнуңа чакырбачы, эркелетпе, Жан дүйнөм сенден качып туруп алды. Кайырма: Сөздөрүң мурдагыдай жакпай калды, Бүркөлүп ар бир күнүм муңга айланды. Тумчугам кучагыңда түндөр узун, Өчөшүп таңдар дагы атпай калды. Кайырма:

Өмүргө келесиң баарына көнөсүң Жыгылып ыйлайсың айла жок чыдайсың От болуп жанасың алоолоп өчөсүң Маңдайга жазганын бары бир көрөсүң Жашоого жаралып эх байоо балалык Чоңойсом экен деп улам бир таянып Жаштыкка жетесиң жалын от сезесиң Балалык айылынан алыстап кетесиң Буйруп койгон тагдырыма неге анча кайрырам да Жаңы күндөр жаңы жашоо үмүтүмдү жандырам да Жалбырттап күйөсүң жар бала сүйөсүң Жаш бойдон калчудай жайдаңдап жүрөсүң Жайылып кулачың дос тууган курасың Тирилик деп жүрүп жешилет кубатың Ай жылдар агылып байкатпай камынып Жолуңан жолуугар буюрса карылык Бул өмүр бир келген көз ирмем ирмелген Аттиң ай жалганга ким кетип ким келген

Сагынтасың мени айылым, Кусалыктан келет ыйлагым Бир күч бар го сага байлаган Бейиш жерим, мекен, турагым Жыл айланбай келем айылга, Сенде калган мөлтүр курак. Кылымдарга жол улап, Ага берчи ар убак, Соолубачы ыйык булак. Кайырма: Биздин айыл керемет Сага кай жер тең келет. Качан келсең берет кубат, Биздин айыл жапжаш турак Ага берчи ыйык булак. Биз чоңойдук жигиттик убак, Чуркап келип суу ичкен чулак Балалыгым сенде катылган, Сен болосуң ыйык булак Жыл айланбай барам Аксыга, Сенде калган бала курак. Кылымдарга жол улап, Ага берчи ар убак, Соолубачы ыйык булак. Кайырма: Жыл айланбай келем Мукурга, Сенде калган мөлтүр курак. Кылымдарга жол улап, Ага берчи ар убак, Соолубачы ыйык булак. Оюн карак бала элем, Эркелеткен таенем, Алар кеткен менден узап. Жигит эле, акелер чачтарында бүгун бубак. Сен карыба, ыйык булак.

Ассаламу алейкум арыба Москва Баягы тааныш Домодедово Кайрылып келдим мен сага Көп эле жүрдүм окшойт айылда Сагынып сагынып кетким келе берет Чакырып чакырып узун тарта берет Эх Москва Кээде ачуу кээде балым дебе Бирде түйшүк бирде бакыт келет Эй Москва Ал-ахывал кандай айтчы Москва Нечен тагдыр көрдүң экен тарыхта Замандаш болдум мен сага Дагы канча суулар агар алдыда Чын эле чын эле ыразымын сага Сүйүү таптым бүлө таптым бала Эх Москва Ачылбайсың такыр былк этпеген Арман айтсаң эч бир кенебеген Эх Москва Сүйүшүп сүйүшүп жаштар жүрө берет Төгүлүп төгүлүп жаштар ага берет Эх Москва Сагынып сагынып кетким келе берет Сенде жашап өмүр өтө берет Эх Москва

Бүгүн эстедим, биз өткөргөн сүйүү кечтерин, Биз табышкан студенттик жаштык кездерим. Кумар канбай махабатка мас болуп, Бирге тосуп, ар бир түндүн эртеңин Кайырма: Сен дегенде ичкен ашым калчу эле, Сен деп жаным канча азап тарты элем. Жолугушуп коштошо албай экөөбүз, Сүйүүбүзгө күбө болуп канча таңдар атты эле Көзгө жаш алып, аралаймын сейил бактарын, Аягансып мажүрүп тал ийип шактарын. Эстейсиңби ушул бактан тосчу элек, Эркелетип сылап коюп чачтарың Кайырма:

А балким, башка бирөө таптың беле? Өзүңчө качып эле… Өзгөрдүң эми неге? Сөздөрүң жаным эле, А балким, башка бирөө сүйдүң беле? Көздөрүң сүйкүм эле, Сөздөрүң ширин эле, Бири жок бүгүн неге? Болушум ушул болсо не кыл дейсиң? Дилимди же билбейсиң, А өмүр өтөр-кетер, Бир келген көз ирмемсиң. Жашоодо өкүнбөгөн адам барбы? Сыйрыдың жараттарды, Бактылуу күндөр келет, Бардыгы жаңы, жаңы. А балким, башка бирөө жакты беле? Жолуңа тартып желе, Кош эми, ыйлайт дебе, Кааларым бакыт эле, Кааларым бакыт эле.

Жаңырган айды көрсөм сени эңсеймин Ачылган гүлдү көрүп аны сен деймин Оо, гүлүм кыйнадың го мени мынчалык Сагындым саргайдым го неге келбейсиң. Алты тоонун тескейи алты куш аны эңсейби, Алсырадым-аздым го алтыным эрте келбейби, Алсырадым-аздым го алтыным эрте келбейби. Жети тоонун тескейи жети куш аны эңсейби, Жетимсиреп калдым го жейреним эрте келбейби, Жетимсиреп калдым го жейреним эрте келбейби. Өзүң бил максатыңа эми жеттиңби, Өзүң бил биротоло менден кеттиңби. Оо, гүлүм кыйнадың го мени мынчалык, Же гүлүм сагындырып келем дедиңби. Тогуз тоонун тескейи тогузу аны эңсейби, Томсоруп калдым го тоо гүлүм эрте келбейби, Томсоруп калдым го тоо гүлүм эрте келбейби. Бугусуз тоонун тескейи бугулар аны эңсейби, Буулугуп калдым го булбулум эрте келбейби, Буулугуп калдым го булбулум эрте келбейби. Алсырадым-аздым го Ардагым эрте келбейби, Томсоруп калдым го Тоо гүлүм эрте келбейби.

Жубайыма же койсомбу айтып чынымды, Угуп алгын эртең кеч го азыр ырымды. Акыр бир күн билинер, Канча жүрөм катып сырымды. Кайырма: Бир күн Бишкек, бир күн Ош, Жинди болуп каламбы? Колду шилтеп баарына мен Ошко кетип каламбы? Тентип кетем жетелеп, Али жашсың эркелеп. Эзип бүттүң го, Жубайымды такыр чанамбы. Биротоло Ошто каламбы? Өкүмдарым дейсиң мени, Хюрремим менин. Сен түбүмө жетесиң го, Күйдүрдүң мени, күйдүрбө мени. Атың өчкүр, сүйүү а, Аста-секин алабы кегин. Кайырма: Атың өчкүр, сүйүү а, Мына ушинтип алабы кегин Бир күн Бишкек, бир күн Ош, Жинди болуп каламбы? Колду шилтеп кайра эле мен, Чүйгө кетип каламбы? Тентип кетем жетелеп, Али жашсың эркелеп. Билип бүттүм го, Жубайымды дагы чанамбы? Кайра эле Ошко барамбы?

Билем жаным, таарынасың мага дайым, Айтпасаң да, көздөрүңдөн туям баарын. Билген жоксуң жүрөгүмдүн эзилгенин, Жалгыз сага жан дүйнөмдүн ийилгенин. Мейли кеттиң, коштошбодуң, кош дебедиң, Түшүнбөймүн, тарынычың не себебин. Сезген жоксуң жүрөгүмдүн оорууганын, Сезимдердин тоо гүлүндөй соолуганын. Төгөт жамгыр, коштошуунун көз жашыдыр, Кеч болсо да, калыстыгын кылар тагдыр. Билген жоксуң жүрөгүмдүн эзилгенин, Аста басып, кете бердиң, кете бердиң.

Барбы өзү бул дүйнөдө бакыт деген, Мөмөсүн кандай жандар татып жеген? Таң эрте ойгоном да бакыт тилеп, Кызарып күнгө кошо батып келем. Кайырма: Себелеп, себелеп, Себелеп жамгыр жааса. Бакыттай, бакыттай, Бакыттай сезилет да. Келээрсиң, келээрсиң мага да, Балким жазда. Негедир ал күндөр, Ал күндөр кечигет да. Барбы өзү, кандай неме сүйүү деген, Жете албай канча жандар өксүп келген. Саргайып тагдырымдан сүйүү күтүп, Мен эми жашап калдым үмүт менен. Кайырма: Себелеп, себелеп, Себелеп жамгыр жааса, Сүйүүдөй, сүйүүдөй, Сүйүүдөй сезилет да. Келээрсиң, келээрсин мага да, Балким жазда, Негедир ал күндөр, Ал күндөр кечигет да. Себелеп, себелеп, Себелеп жамгыр жааса, Менин да көз жашым тамчылайт да. Кечикпе! Күтөмүн, күтөмүн ушул жазда, Күтүүдөн жан дүйнөм, Жан дүйнөм жанчылат да. Себелеп, себелеп, Себелеп жамгыр жааса, Менин да көз жашым, Көз жашым куюлат да. Күтөмүн, күтөмүн, Каректер толуп жашка, Негедир ал күндөр келбестей туюлат да. Сизге балким булар жагат?

Бүт дүйнөм арман болуп, Карекке жаштар толуп. Жаш менен агып барам, Эсимден танып барам Армандарга, күйүттөргө, Кайгыга батып барам Ишенбеймин, ишенбеймин ал сөздөргө, Кантип эле, кантип эле башка бүлөө? Чокту салып, такты салып жүрөктөргө, Тагдырга баш ийип, турмушка баш ийип, Жашайбыз бул өмүрдө, Жете албай сүйгөнүңө. Токтобой жаштар улам, Кайгынын жигин улай. Асманым көчүп барат, Көз жашым төгүп барам, Армандарга, күйүттөргө, Кайгыга чөгүп барам Ишенбеймин, ишенбеймин жалгандарга, Кантип эле, кантип эле ал башкага? Жолдош кылып, курдаш кылып армандарга, Жүрөккө кайгыны, көңүлгө кусаны калтырып кеттиң мага Кош болгун, эх, садага. Бактылуу болгун деп, Таалайлуу болгун деп Ак тилек арнайм сага, Кош болгун эх, садага.

Кечээ тиккен дарагым, мөмө берет дедиңби, Жерге көмгөн данегим өнө берет дедиңби. Мына ушинтип базарым өтө берет дедиңби Айтканымдын баарын эп көрүп Бул бечара жүрө берет дедиңби Кайырма: Үй-бүлөсүн ал кечип тентип кетти дейсиңби, Мени чанып башканы ээрчип кетти дейсиңби, Күйүтүнө чыдабай ичип кетти дейсиңби, Эми, эми мага баары бир Жоктугума шүгүр дейсиңби Кеч түшүнүп аттиң дейсиңби Байчечекей чилдеде гүлдөй берет дедиңби Ырыскысын кудайым үзбөй берет дедиңби Акыл айтсам мен сага сүйлөй берет дедиңби Айтканымдын баарын эп көрүп Бул селсаяк түтө берет дедиңби, Үй-бүлөсүн ал кечип тентип кетти дейсиңби, Мени чанып башканы ээрчип кетти дейсиңби, Күйүтүнө чыдабай ичип кетти дейсиңби, Эми, эми мага баары бир Куйрук эмес буйрук жейсиңби Кеч түшүнүп аттиң дейсиңби Кемибестен ырыскым толо берет дедиңби, Бакыт кушу күндө эле коно берет дедиңби. Эмне кылсам мен булга боло берет дедиңби Айтканымдын баарын эп көрүп Бул бечара жүрө берет дедиңби Көнө берет дедиңби Кайырма:

Түшүндүрүп кантип айтам,айтылгыс арман. Түшүнбөйсүң билем аны, сен үчүн жалган. Түйшүгүн да азабын да өзүм тартайын, Чындап сүйүп калдым кызды сага бир тууган. Кайырма: Чечилбес арман, чечилгис арман, Адамзаты көтөрө алгыс, көтөргүс арман. Сен өмүр жалган, сен сүйүү жалган, Адамзаты чыдай алгыс, чыдагыс арман. Кайырма: Ишенбесең бул сүйүүмө Ысык-Көл күбө, Ишенчи сен ак сүйүүмө Ала-Тоо күбө. Сүйөмүн деп айтып жүргөн бала кыялдуу, Чын сүйүүнү билбей жүргөн менде го күнөө. Кайырма: Түшүндүрүп кантип айтам, айтылгыс арман, Түшүнбөйсүң билем аны сен үчүн жалган. Түйшүгүн да азабын да өзүм тартайын, Чындап сүйүп калдым кызды, сага бир тууган. Кайырма:

Тумчугамын, түбү жок санааларга батамын, Бийиктерге жетелейт ак батасы атамдын, Издеп жүргөн бейишим таманында апанын. Азаматты эр кылган бата болот турбайбы, Жашоодогу дөөлөтүң ата болот турбайбы, Жаман жүрсөң ичинен капа болот турбайбы. Түгөнбөгөн берекең апа болот турбайбы, Үйүңдөгү базарың бала болот турбайбы. Көзүңдү ачып-жумганча кеч кирет да, таң атат, Сыйлашалы кел, досум, өмүр өтүп баратат, Тирүүлүктө адамдар бири-бирине аманат. Бешик көркү бөлөнгөн бөбөк болот турбайбы, Агасына иниси жөлөк болот турбайбы. Бир туугандар бир үйдө өзөк болот турбайбы, Бой жеткенде үй-жайың бөлөк болот турбайбы, Карыганда неберең эрмек болот турбайбы. Ташы менен урганды, ашың менен тосуп ал, Турмуш деген татаал жол, жакшы чөйрө күтүп ал. Түбөлүктүү жарыңды алып качпай, сүйүп ал. Жалынсаң да токтобос өмүр болот турбайбы, Назиктердин назиги көңүл болот турбайбы. Тууганыңдан жакыны коңшу болот турбайбы, Акыретте жаныңда досуң болот турбайбы. Балалыгың жомоктой эсте калат турбайбы, Өмүр өтсө бул денең жерде калат турбайбы. Өмүр өтсө бул денең жерде калат турбайбы, Бектер кетип, кайра эле элдер калат турбайбы.

Жаралдың кайдан өмүргө, Жараткан барбы көңүлдө. Тирүүлүк жолун улаган, Ырдайлы өмүр чөлүндө. Төгүлбө өмүр төгүлбө, Ар күнү ойно төрүмдө. Жүз жылга жете жашайлы, Буюрсун аны көрүүгө. Кайырма: Жакшыдан жашыл бак калып Жамандан жүрөк так калып Мезгилдин улам төрүнө Барабыз чогу акканы Жараткан берген белеги Денеме өмүр шериги Сен барда жыргап жашайлы Бир күнү таштап кетериң Мезгилиң жетсе кезекке Турарсың бир күн бекетте Берген го өтө жакшылык Өмүргө ошол береке

Козгобо жүрөк жарасын Дарысын кайдан табасың Дартыма даба сен болуп Алтыным мага жагасың Жолуксак күндө эле, күндө эле Жүрөгүң муз беле Кыйнадың сен неге, сен неге Кыйнадың сен неге, сен неге Аай, Айзирек Кайырма: Айзирек, Айзирек Кыйнадың алтыным Жолубуз кайчы деп Аа, Айзирек От болуп күйүп жанамын Жообуңду качан аламын Өзүңдү тагдыр буюруса Өмүрлөш кылып алайын Сыр болуп мага да, мага да Кыйнадың садага, садага Кетпечи башкага, башкага Чылаба арманга, аа, Айзирек Кайырма: Жолуксак күндө эле, күндө эле Жүрөгүң муз беле Кыйнадың сен неге, сен неге Кыйнадың сен неге, сен неге Аай, Айзирек Кайырма:

50 жаш, келдиңби? келген болсоң бери бас. Демиткен, туйлаган боз жоргомдун демин бас. Эй демин бас. 50 жаш, төгүлгөн көз жашымды күтпөгүн. Кучактап, жайдары тосуп алам керип каш. Эй 50 жаш Мен кээде жаштыгымды сагынсам, Таарынбайсыңбы 50 жаш? Бал күндү балалыкка алдырсам, Кайрылбайсыңбы 50 жаш? Жашмын деп мүдүрлүп чалынсам, Таяп бир койчу 50 жаш? Же эрте карылыкка алдырсам? Аяп бир койчу 50 жаш 50 жаш, билчүмүн алыс жакта бардыгын. А бирок, туйбапмын ылдамдыгын шардыгың. Эй шардыгың. 50 жаш, алдастап шашып калдым чынында. Анткени билдим мен убакыттын тардыгын. Эй тардыгын. Эй 50 жаш Мен кээде жаштыгымды сагынсам, Таарынбайсыңбы 50 жаш? Бал күндү балалыкка агылсам, Кайрылбайсыңбы 50 жаш? Жашмын деп мүдүрлүп чалынсам, Таяп бир койчу 50 жаш? Же эрте карылыкка алдырсам? Аяп бир койчу 50 жаш Таяп бир койчу 50

Билбесең ак сүйүүмдү, Не кылам сунуп гүлүмдү Сагынып келдим эле, Көрсөм деп, көрсөм деп Айдай жүзүңдү Сагынып келдим эле, Уксам деп, уксам деп Иииий шыңгыр күлкүңдү Кусанын өттү азабы, Жүзүмдүн өчүп ажары Кездешпей кетет экем да, Алыстан, алыстан келсем атайын Жолукпай кетет экем да, Алыстан, алыстан Иииий келсем атайын Алыстан келдим жол журуп Айлыңдын итин урдуруп Келсем бир гана чыкпайсың Адамдын, адамдын ичин куйдуруп Келсем бир гана чыкпайсың Адамдын, адамдын, Иииий ичин күйдүрүп.

Оо менин Чолпонум Күтөм сени дайыма Түбөлүктүү ыр болуп Жүрөктө эле калдың да Кайырма: Оо менин Чолпонум Бир өзүңдү сүйгөнмүн Сүйүп жүрүп жете албай Не кылайын сүйгөнүм Кечиндеси келчи элем Терезеңди чертчи элем Жаным мени көргөндө Күлүп жайнап чыкчу элең Таанышкан күн эсиңдеби Алма бакта бир жүрүп Көргөндө эле арбалыпмын Көздөрүңдү мен сүйүп

Мен келгенде эстен кетпейт эч эле, Жезде дечүң мени жалгыз сен эле. Бара-бара эркелигиң жоголуп, Бой жетилип, сен чоңойдуң, Бой жетилип, сен чоңойдуң, Тез эле… Кайырма: Балдыз, балдыз, неге жалгыз, Ыйлайсың сен күн алыс? Тандап терген, белестерден, Сага жездең гүл карыз. Эстейм, аттиң, баары күндөй кеч эле, «Сүйүү эмне?» деп сурганың эсимде. Сүйүнчүлөп тыя албастан күлкүңдү, Кадам койдуң сен, секелек, Кадам койдуң сен, секелек, Сезимге… Кайырма: Мен келгенде эстен кетпейт эч эле, «Кел, жезде» деп чай сунганың эсимде. Эми сен да төктүң сүйүү көз жашын, Мезгил, чиркин, өтөт тура, Мезгил, чиркин, өтөт тура, Тез эле… Кайырма:

Кат жаздым жан адамга окутпадым, Болду эми жүрөгүмдү оорутпагын. Сүйүүдөн көңүл калды, сенден дагы, Кайрадан күлүмсүрөп жолукпагын. Кайырма: Сага да, махабатка таарынамын, Бактылуу күндөрүмдү сагынамын. Буулугуп ыйлай бердим өткөндү эстеп, Бир тамчы көз жашыма арзыбадың. Мен сага алданыпмын, алданыпмын, Бал ширин сөздөрүңө арбалыпмын. Ыйык деп махабатты, сени дагы, Ишенип бир өзүңө байланыпмын. Кайырма: Сага да, махабатка таарынамын, Бактылуу күндөрүмдү сагынамын. Буулугуп ыйлай бердим өткөндү эстеп, Бир тамчы көз жашыма арзыбадың. Көңүлсүз күндөр өттү, күндөр өттү, Жүрөктө сага деген сезим өчтү. Кирпикке жашыра албай тамчыларым, Каректер жамгыр сымал жашын төктү

Түгөнбөйт өмүр кызыгы Табышмак болот миң сыры Чын сүйүү келди Жашоонун Оорутуп койду бир кызы Көздөрү башка караган Көрүшсөк экен саламат Сүйлөшөт көздөр сөзү жок Баралык жаным махабат Сезимдин айдап кемесин Жылуулук мага бересиң Жаралып калган өмүргө Керемет асыл экенсиң Бир келип калган дүйнөгө Ой өзгөчө бир жан экенсиң Жашоонун бүгүн жазы экен Сүйдүрүп эми койдуң берекем Жетеби кайдан акылым Кошуп бир турса тагдырым Тирүүлүк жана махабат Жүрөктүн жарымы сенде экен Карасам көздөр кадалат Жүрөктү койдуң жаралап Каректин батып ичине Жан дүйнөң кетсем аралап Кирпиктин кирип ичине Эй дүйнөңдү кетсем аралап

Баратабыз, багытыбыз Ош тарап, Жаным секет, күттүң бекен жол карап. Сапарымда неге сага шашылдым, Куса болуп, жолугууну мен самап. Кайырма: Күтчү жаным, Бишкек жолу узак да, Мына-мына баратамын Сузакта. Сагынычтар көкүрөккө толдубу, Жаным секет, тосуп алчы Фуркатта. Узун жолдо зымыраса мерседес, Кыялымда тилеп келем жетсе тез. Телефондун шыңгыр үнүн тындырбай, Улам-улам жөнөтөсүң СМС. Кайырма: Күтчү жаным, Бишкек жолу узак да, Мына-мына келип калдым Куршабка. Сагынычтар көкүрөккө толдубу, Жаным секет, тосуп алчы Фуркатта. Сапарыбыз эч бир койду арбыбай, Айдоочу да өчөштүбү шашылбай. Келатабыз Отуз-Адыр аралап, Артта калып Жны-Аргы, Садырбай. Кайырма: Кантем анан, Бишкек жолу узак да, Мына-мына келип калдым Фуркатка. Кусалыктар көкүрөккө толдубу, Сүйүү кушу сени издей учат да. Сени дегдеп, самап келдим узактан, Мына-мына жолугуштук Фуркаттан. Тараганча бизде болгон кусалык, Жаным, эми чыгарбаймын кучактан.