Кыздардан бөлөкчө кылыгы,
Кыйалкеч бийкечпи чыныгы.
Көп күлгөн көздөрүм уялып,
Күлгөндө көңүлүм жылыды.
Күлгөндө төгүлүп нуруңуз,
Жүрөктү ээлеген сулуу кыз.
Көп көрдүм сизге окшогон жигитти,
Көздөгөн дайыма бийикти.
Жаныман сүрдөнүп калбаңыз,
Жадырап таң калбай үмүтү.
Ачылбайт тез эле сырыбыз,
Агатай ашыкпай туруңуз.
Махабат деген бул кубулуш,
Маңдайдан жазылсынчы нурубуз.
Сүйүүнү гүнүнө жетели,
Ырдалсынчы бирге ырыбыз.
Орууса жигитим жүрөгү,
Ал үчүн сулуу кыз күнөөлү.
Анчалык наздана бербеңиз,
Белгилүү сизди сүйөрүм.
Сулуу, назик жүрөгү,
Султанда жетпей жүдөдү.
Өзүңүз себебин табыңыз,
Кыздарга артпай көңүлдү.
Кайырма:
Кыздардан бөлөкчө кылыгы,
Кыйалкеч бийкечпи чыныгы.
Көп күлгөн көздөрүм уялып,
Күлгөндө көңүлүм жылыды.
Күлгөндө төгүлүп нуруңуз,
Жүрөктү ээлеген сулуу кыз.
Көп көрдүм сизге окшогон жигитти,
Көздөгөн дайыма бийикти.
Жаныман сүрдөнүп калбаңыз,
Жадырап таң калбай үмүтү.
Ачылбайт тез эле сырыбыз,
Агатай ашыкпай туруңуз.
Махабат деген бул кубулуш,
Маңдайдан жазылсынчы нурубуз.
Сүйүүнү гүнүнө жетели,
Ырдалсынчы бирге ырыбыз.
Карагат сыяктуу көздөрүң,
Кадалган болбойт сөздөрүң.
Сүйкүмдүү пери экенсиң,
Сүйбөймүн эми өзгөнү.
Сүйбөйм деп менден өзгөнү,
Бир гана максатты көздөдү.
Сөзүмдү артка ала албай,
Күтпөңүз менден өзгөрү.
