Жамгыр майда майда болуп себелеп жатты,
Жүрөгүмдү аруу сезим тебелеп атты.
Автобустун арткы ордунда жанаша олтуруп,
Кыялыма түркүн түркүн ой келди татты.
Кайырма:
Узун жолду кыскартыңыз,
Ким болот атыңыз.
Тартынчаактык кылып жатам,
Сөзгө тартыңыз.
Деген сөздү айталбастан уурдана карайм,
Көзүм менен саамайыңды суктана тарайм.
«Таанышалы ысымың ким карындашым» деп,
Сезимимде ушул сөздү эчен кайталайм.
Кайырма:
Жүрөгүңдү ээлеген бекзадаң барбы?
Жүдөп кеттим сүйлөй албай сөз чыкпай калды.
Бул бакытың түбөлүгүң куттуу болсун деп,
Угулгансыйт ак жамгырдын шыбыраганы.
