Береке чачып, берметин төккөн,
Борборум Бишкек жап-жашыл көктөм.
Жигит –кыз жандай, кумарлар канбай,
Гүл бакчаң таза кулбуруп көчөң.
Бишкегим сүйкүм,
Бишкегим көркөм, көктөм.
Заңгырап үйлөр салынат күндө,
Фонарлар жарык, жаркырап түндө.
Күн санап өсүп, күмүшүн төгүп,
Күлкү, шаң гана көрүнөт көзгө.
Бишкегим гүлдө,
Бишкегим өргө.
Достукта жашап ар улут келет,
Ала –Тоом коштоп күч, кубат берет.
Ай, күнгө жетип, ааламга кетип,
Атыңды сенин жокко дейм билбес?
Өркүндөп,өскүн шаарым Бишкек,
Гүлдөй бер күндө борборум Бишкек.
