Ар ким айтат сүйгөнүн
Акылына түйгөнүн
Ашык бир болуп жете албай да
Арасат күндө жүргөнүн
Мен да айтып берейин
Ашыглыктан бир сабак
Дак салдыңыз жүрөкө да
Дартизал гүзал ак тамак
Дүрдөөлү жаштын иши экен
Күсөдүм сүйүү чарбагын
Аманат жанга белек деп мен
Ашыглык гүлүн кармадым
Ана ошол гүлдү беришке мен
Гүзалдиң издеп баргамын
Булактан көрүп чак түштө мен
Булбулдай абаз салгамын
Көрдүм далай урууну
Кечтим дайраң улууну
Издеп бир келдим гүзал кыз да
Ышкыдар сендей сулууну
Тааныбайсың сен мени
Тарпи кылат эл сени
Таанышалы ушул жерден да
Тартиптүү гүзал кел бери
Кыйланы көрдүм кыдырып
Карасуу менен чарбактан
Каш кирпиги төгүлүп даң
Карасаң кумар таркаткан
Көкүрөкө өрт коюп даң
Көк жылдызын саматкан
Жана да көптү көрмөкмүн мен
Жаралган болсом канатчан
Кал калыңдан калыңдан
Кайкалап бүткөн далыңдан
Безеленген белиңден да
Беш талдап өргөн чачыңдан
Чачың көлдүн камышы
Өзүңүздү сурасам да
Эмгектүү элдин калысы
Сураганым себеби
Сүйбөй бир киши келеби
Сыпайының жайындаң а
Билбей бир киши келеби
Зыяда болсоң кулак сал сен
Зарымды угуп гүлүмдү ал
Керек болсо гүзал кыз сен
Көрө турган күнүмдү ал
