Сени сүйөм жүрөгүмдөн,
бир өзүң сен өзгөчөм!
Сени гүлүм, кызгалдагым,
кызганамын өзгөдөн.
Сага берсин түбөлүктүү бакытты,
самаганым бул көздөгөн.
Сени менен канат байлап,
учкум келет асманга.
Сени менен кандай бакыт,
күндү көрүү ак таңда.
Мага бакыт жолуктуруп өзүңдү,
Махабатымды тапканга.
Кайырма:
Экөөбүз, бөлүнбөгөн эгиз жандарбыз,
Сүйүүбүз түбөлүккө калсын сакталып.
Өзүң барда жарык түн да,
жанып күн да ар качан.
Өзүң барда жылдыз толот,
түндө асман жайнаган.
Карап бүтпөйм сууктанамын садагам,
карегиңен мен айланам.
Сенин барың,менин багым,
экенин мен билемин.
Сенин барың,менин барым,
жашап сен деп жүрөмүн.
Сени жаным балбылдаган от болуп,
Көздөрүңдү мен сүйөмүн.
