Азыркы мезгилде баардыгы бирдей
Деп айта албайм жок жок жок
Бири бай, бири кедей экөөнүкү тең
Жашаган жер - топтоголок топ!
Сенин ойуң башка, меники башкада
Бираз башкача!
Заматта кулап кеткидей тике турган аскада
Жол жок жок аркада!
Карасаң эркин учуп келет дайым адамдар
Кандай болбосун жолобосо жаманга!
Жайнаган мүмкүнчүлүктөрүң бар
Бир дагы жаман жагы жок азыркы заманда!
Бери кел, бери тур, меники чын
Деп кайталаган саясатчыларга алданба!
Жакын тур дайыма сендей сага дагы
Жүгүрүп баргандарга жардамга!
Эми мен дегенчи, эми мен дегенчи
Болот кээде алданып каламын бирөөнө
Эми не кылайын, алардын ылайын
Мен тазалагыдай ким элем күнөөңө!
Канчалыкка чейин илимпозмун?
Билип койсоң, эркекче көп деле эмес!
Илимпоз деле эмесмин мен
Азыркы мезгилде эл менен бирге
Учуп келет бийикте менде демилге!
Учуп келип бийикте жетем теңирге!
Улам улам улантып келгенимде!
Азыркы мезгилде
Көрө электериң сыр сандыкта бекитилген
Заматта ач албайсың, маа демектен санжыраңды оозеки билсең!
Кызарбай туруп чын жүрөктөн таранчыларды кооз экен десең?
Жан чыгар, жалган чыгарбай
Сүйлөсөң деле жүз он эки тилде
Билем баарыңардын кулагыңарда жаңырганым учур чактай!
Аралашып араңарда мендей жарандарга эч адашпаган адаттай!
Мага бирөө тийишкенде чакпайм
Сабыр менен бийиктеп кетем учактай!
Кээбирлерге теңелгенде эмне энеңерге мен жаман сөз узатпайм!
Кыргызымды алыска узатпайм!
Биз БИРДЕЙ!
Ар кандай турак жай!
Биз БИРДЕЙ!
Бириккен урпактай!
Биз БИРДЕЙ!
Жибиткен булактай!
Биз БИРДЕЙ!
Эми биздин элибизди
Бөлбөй, бириктирип эне тилдей
Жылдар өтүп баратса дагы эки миңдей
Кыргызымдан жакыныраагын билбейм!
Азыркы мезгилде эл менен бирге
Учуп келет бийикте менде демилге!
Учуп келип бийикте жетем теңирге!
Улам улам улантып келгенимде!
