Биз досбуз достукту ардактаган
Байлыкка бийликке алмашпаган
Ишенич жылуу сөз так мамиле
Ошондон башталган алгачкы кадам
Кайырма:
Жарашып жүрөбүз жаркылдап күлөбуз эй достор
Жакшы өмүр сүрөбүз ишке ашсын мүдөбүз эй достор
Өксүбөй өтөлү өмүрдө түз жашап
Алдыда эчен жол ар дайым эсен бол эй достор
Айттырбай оюңду билип турган
Акыйкат достордо бийик турган
Кээде түгөнүп түтөгөндө
Жалындап жаныңда күйүп турган
Жол тапкан дайыма кысталыштан
Кыйындык күндөрдө куткарышкан
Күнү — түн турабыз сыноолорго
Мейличи ай мейли кыш ызгар учкан
