Сөзү, обону Бек Борбиев
Мен сени сагынамын
Экөөбүз эки башка
Мен сени ойлой берем
Билбеймин дагы канча
Түнөрүп күн батканча
Түрүлүп таң атканча
Мен сени сагынамын
Билбеймин дагы канча
Кайырма:
Күз келгенде учушпайт көпөлөктөр
Жаздагыдай гүл байлап канатына
Махабаттын кышына көнөлектер
Бурганакта жол издейт бакытына
А биз болсо бөлүнүп эки жакта
Жолдорубуз кайчылаш эки башка
Жомогубуз өзгөргөн эми башка
Сен дагы сагынарсың
Көп жакшы күндөр өткөн
Ичинден сызыларсың
Уктатпай түндөр өктөм
Күтөөрсүн сен да көктөм
Жамгырды жаба төккөн
Издейбиз сезимдердин, калган изин
Күнөөсүз көпөлөктөн
50 жаш, келдиңби? келген болсоң бери бас.
Демиткен, туйлаган боз жоргомдун демин бас.
Эй демин бас.
50 жаш, төгүлгөн көз жашымды күтпөгүн.
Кучактап, жайдары тосуп алам керип каш.
Эй 50 жаш
Мен кээде жаштыгымды сагынсам,
Таарынбайсыңбы 50 жаш?
Бал күндү балалыкка алдырсам,
Кайрылбайсыңбы 50 жаш?
Жашмын деп мүдүрлүп чалынсам,
Таяп бир койчу 50 жаш?
Же эрте карылыкка алдырсам?
Аяп бир койчу 50 жаш
50 жаш, билчүмүн алыс жакта бардыгын.
А бирок, туйбапмын ылдамдыгын шардыгың.
Эй шардыгың.
50 жаш, алдастап шашып калдым чынында.
Анткени билдим мен убакыттын тардыгын.
Эй тардыгын. Эй 50 жаш
Мен кээде жаштыгымды сагынсам,
Таарынбайсыңбы 50 жаш?
Бал күндү балалыкка агылсам,
Кайрылбайсыңбы 50 жаш?
Жашмын деп мүдүрлүп чалынсам,
Таяп бир койчу 50 жаш?
Же эрте карылыкка алдырсам?
Аяп бир койчу 50 жаш
Таяп бир койчу 50
Жайлоонун төрү кенен,
Өрдөсө өрү кенен.
Өзөндү бойлоп барат,
Бир жигит кызы менен.
Жарк этсе кокус чагылган,
Жигити сылап чачынан,
Кызды сүйдү.
Дыбыр, дыбыр,
Жаады го жамгыр.
Шыбыр, шыбыр,
Айтылды го сыр, ачылды го сыр,
Чачылды го сыр.
Бул махабат, жаралды махабат,
Бул махабат, бул ыйык махабат.
Бул махабат, жаралды махабат,
Бул махабат, бул ыйык махабат.
Шаарымдын өзү кенен,
Аралайт сүйүү деген.
Көчөнү бойлоп барат,
Бир жигит кызы менен.
Жарк этсе кокус чагылган,
Жигити сылап чачынан,
Кызды сүйдү.
Дыбыр, дыбыр,
Жаады го жамгыр.
Шыбыр, шыбыр,
Айтылды го сыр, ачылды го сыр,
Чачылды го сыр.
Бул махабат, жаралды махабат,
Бул махабат, бул ыйык махабат.
Бул махабат, жаралды махабат,
Бул махабат, бул ыйык махабат.
