Популярные азербайджанские песни.
Страница 76

Кайырма: Махабатым, махабатым, Гүл болуп ыргаласың. Күн болуп нурданасың, Жашоодо жакшы обондой. Татынам, жылмаясың, Талпынтып ыр канатың. Байланып кирпигиңе, Бакыттай бир карашың. Кайырма: Алтын чач мөл булагым, Тамчыдан көл курадым. Кумарлуу көл жээгинде, Кубанып мен турамын. Кайырма: Сен үчүн жандырамын, Сезимдин шам чырагын. Ыйбалуу наздыгымды, Ырыма калтырамын. Кайырма:

Убакыт зымырыктай учат экен алга Байкасан омурдун кучу кетет жокко барга Достошуп колдошуп турчу адам керек жолоп турганга сага Бир тууган болуп ал сен достуктун касап чертини чалба анда Кайырма: Тилегеним достугубуз дайым бекем болсун Суранарым досторумду жараткан колдосун Бир туугандай жакын болуп алар эстен кетпейт Журоктосун менин курбум достугубуз очпой Колдогун колдон келсе достукту коппой барга Жакшылык кылсан милдет кылба ага айтпа Сен бугун гулдопсун жакшылык келет кийин сага кайра канда Досунду ийгилик коштойт бугун аны сен да жолоп тая чалба Кайырма: Тилегеним достугубуз дайым бекем болсун Суранарым досторумду жараткан колдосун Бир туугандай жакын болуп алар эстен кетпейт Журоктосун менин курбум достугубуз очпой

Мен күткөн ханзадам, Сени көрсөм кубанам. Жашоомо көрк берген, Бакытым — сен. Кайырма: Сен менин — ачык асманым, Сен менен атсын ак таңым. Соолубас бейиш көлүндөй, Сүйүүбүз биздин жашасын. Сагынам зарыга, Алыстасаң жанымдан. Өмүрүм сен менен, Жүрөгүм — сен. Кайырма: Баал тилдүү, шириним, Сөзүң мени жибитет. Жүрөккө сөзү өткөн, Жалгызым – сен. Кайырма:

Жаным сүйүп, жандай көргөн жар элең, Маңдайымда күйүп турган шам элең. Сен бир булбул бутагында сайраган, Сен бир мага көлөкөлүү жар элең. Кайырма: Өткөн күндү сен эстедиңби, Жүрөгүмдү эзбедиңби сен. Көрбөй калсам сени, Сагынчу элем, мен күтүп сени. Сүйүү оту жанбай калды бизде эми, Балким, анда жок күнөөбүз, билбейм деги. Махабаттай арман барбы бул дүйнөдө? Эске салып өкүнөбүз биз да эми. Кайырма: Жалындап өзүң, Ортодо жайнап турду көзүң. От болду сезим, Сырымды билбей сен кеттиң. Жалындап өзүң, Ортодо жайнап турду көзүң. От болду сезим, Сырымды билбей сен кеттиң, Жылдар өтсүн арадан… Жаным сүйүп, жандай көргөн жар элең, Маңдайымда күйүп турган шам элең. Сен бир булбул бутагында сайраган, Сен бир мага көлөкөлүү жар элең. Кайырма:

Турдуң да мага сүйкүм күлүп, Арначы назик махабатың. Мен да арнайын өмүрүмдү, Алтыным менин, сен кымбатым. Кайырма: Сен жөнүндө ойго курчалдым, Жүрө албаймын жаным тынч алып. Тынч уйкумду уурдап кеттиң го, Садагасы, кетем зарыгып. Сен жөнүндө ойго толгонуп, Айлуу түндө кетем ойгонуп. Сени жоготкондон коркомун, Сагынамын дале ойлонуп. Тартынбачы, келчи, келсеңчи, Арзуу деген нурун сепсеңчи. Өмүр бою сүйүү дастаны, Болсун бизге өмүр белеги. Кайырма:

Көңүлдө көптөн бери жашап, Жүрөт жакшына бир жигит. Кетпей койду түшүмдөн, Махабатым ал билип. Негедир баарынан кызганат, А кыздар мага суктанат. Арзуунун ырын ырдап берет, Сезимди кытыгылап. Кайырма: Таптаза сезимиң мөлтүр булактай, Таарынычың таңкы бубактай. Көздөрүң жайнаган, жанган шам чырак, Көңүлүм сага тартылат. Керемет сезим бар мени арбаган, Бир жакшы сөзүм бар сага арнаган. Сырдуу жигит, сендик менин жүрөгүм, Сени гана сүйөмүн. Тымызын мен да жактырамын, Айтпайм, бирок сүйүүмдү жашырам. Тик карабай көзүңө, Көздөрүмдү качырамын. Бир сезим көңүлдү шат кылат, Кыялым сен жакка азгырат. Арбалып көңүл, Сен ырдаган ырларды жактырамын. Кайырма:

Сага гана айтамын жан сырымды, Сага гана арнаймын жакшы ырымды. Салтанаттуу жашоонун сереси дейм, Сага гана байланган тагдырымды. Кайырма: Сени менен басканда, Серпилемин асманга. Махабатым мен сени, Ыраазымын тапканга. Сезимимде сел жүрөт, Салам айтам ак таңга. Арбалам, ай, кармалам, Сүйүү деген дастанга. Көктөмдөргө бөлөнгөн көңүлүмдү, Көп айтамын, колдо деп Теңиримди. Жылдыздарга окшотом, жылдыздарга, Сага гана арналган өмүрүмдү. Кайырма: Ырыскымды ыйгарган ыр дүйнөдөн, Ыраазымын миң ирет Жаратканга мен. Асыл ойду беттеген аруу тилек, Ак нур жааган жолумду сен деп билем. Кайырма:

Бала кезде балдай таттуу сүйлөптүрмүн, Бала таттуу экенин эч билбептирмин. Эркелетип мени апам бооруна кысса, Бул сезимди уят го деп сүрдөптүрмүн. Кайырма: Энекебай, эркелеткен мээримиңден, Эч бирөөгө теңелбеген эмгегиңден. Эми гана эне болуп сезип жатам, Бала жытын бакыт берген небереңден. Оо, энеке, өмүрүңүз узун болсун, Небереңиз менден жакын кызың болсун. Эл алдында кызың менен сыймыктанган, Жарык чачып күлүп турган жүзүң болсун. Эң кымбатың эмне десе сиз дептирмин, Бала таттуу экенин эч билбептирмин. Өмүр бою актай албайм ак сүтүңдү, Апакебай, мен алдыңда милдеттүүмүн. Кайырма:

Күн болуп күлүп турсаң, Каректен нур бөлүнүп. Жан дүйнөм балкып, эрийт, Жүрөктөн ыр төгүлүп. Сүйкүмдүү жылмайганың, Сезимди өрттөп өтөт. Керемет ошол элес, ошол элес, Каректен кантип өчөт? Кайырма: Назданып эркелесең, Берерге жаным даяр. Артылып арзуум сага, Махабат багым даяр, Махабат багым даяр… Күн болуп тийип турчу, Мээримиң төгүп мага. Жаштыгым өтсө мейли, Өзүң деп күйүп-жанам. Сүйкүмдүү жылмайганың, Сезимди өрттөп өтөт. Керемет ошол элес, ошол элес, Каректен кантип өчөт? Кайырма:

Кайра эле көзүмө, Тартылат сенин жүзүң. Жалынып, кайталайм, “Сагындым” деген сөздү. Кымбатым, кыйбасым, Өзүңдү мен сагындым. Өзгөрбөс болуп, Мен түбөлүк сүйүп келем, Сени… Кайырма: Дүйнөдөгү кубанычымсың, Жараткан бир суранычымсың. Көрбөй калсам, кусалыгымсың, Асылым, алтыным… Жашырып, сактаган, Арнагам сүйүүм сага, Башкадан таппаган, Махабат тагы сага. Кымбатым, кыйбасым, Өзүңдү мен сагындым. Өзгөрбөс болуп, Мен түбөлүк сүйүп келем, Сени… Кайырма:

Арман арман арман ай Сенсиз күндөр жалган ай Кимдер гана сүйүүгө Жетип жетпей калган ай Сунуп турсаң жаз мага Ыра көрбөйм башкага Бир бололу түбөлүк Өмр билсең аз гана Жаным жаным жаным жаным Жашоомду сага арнадым Башкалар каршы болсо дагы Багымды сага байладым Арман арман арман ай Сенсиз күндөр жалган ай Кимдер гана сүйүүгө Жетип жетпей калган ай Көздөрүңдүн таптаза Бергим келбейт башкага Бир бололлу түбөлүк Өмүр берсе аз гана Жаным жаным жаным жаным Жашоомду сага арнадым Башкалар каршы болсо дагы Багымды сага байладым Арман арман арман ай Сенсиз күндөр жалган ай Кимдер гана сүйүүгө Жетип жетпей калган ай

Өмүр, багытым таппай издеп күйүп-жансам да, Өмүр, тагдырда жан үрөп мен өңдөн азсам да. Өмүр, бакытты азап жандап түйшүк тартсам да. Мен сени сүйөм, өмүр, Мен сени сүйөм, өмүр… Кайырма: Алдымдан азгырып чакырдың, ай, Алдың го жаштыктын жазын далай. Антсең да сыйлоого акым бар, ай, Мен сени сүйөм, өмүр… Берерин билбеймин али эртеңдин, Тирүүлүк билигин араң тердим Тар жолдо миң аксап, жүз күйсөм да, Мен сени сүйөм, өмүр… Өмүр, жетерде бийиктикке кулап калсам да, Өмүр, өйдөлөп кайра турар кубат алсам да. Өмүр, алдыңа далай сынып ыйлап барсам да, Мен сени сүйөм, өмүр, Мен сени сүйөм, өмүр… Кайырма: Өмүр, күз болуп салдың мени сагынычтарга, Өмүр, учурдуң кээде ак кар бурганактарга. Өмүр, көктөмдөй сага бирок али куштармын. Мен сени сүйөм, өмүр, Мен сени сүйөм, өмүр… Кайырма:

Сен элең жүрөктүн ээси Сагынган жокмун мен дебечи Коштошуп калышкан адамдар Табыша алышпайт неге өзү Кайырма: Адамым өзүңсүң дем берген Бир сенин багыңды энсегем Кездешүү буюрган тагдырга ай Коштошуу буюрбай калса экен Муңайып калайын акыркы Кубантып өмүрдү тагдырды Кездешип калалы келсеңчи Көздөрүм көзүңдү сагынды Чын сүйө билгендин биримин Мендеги тамчы жаш сен үчүн Эңсетип күттүргөн асыл жан Сен деди сагынган сезимим Кайырма: Адамым өзүңсүң дем берген Бир сенин багыңды эңсегем Кездешүү буюрган тагдырга ай Коштошуу буюрбай калса экен

Үмүтүм үзүлбөй үшкүрөм түңүлбөй Сөз калды айтылбай Сыр бойдон ачылбай Сага айтпадым Сагынып саргайдым Ойлорум чаржайыт Жүрөктө жүргөнүң сезбедиң Сен дайым Сага айтпадым Мен сени издесем Билдирбей тиктесем Мейли сен билбесең Мейли сен күтпөсөң Сага айтпадым Келбейсиң жарк этип Толкундай шарп этип Күтмөкмүн өзүңдү Чоң бакыт бар сезим Сага айтпадым Таң болуп атасың Күн болуп батасың Сен мага бийиксиң Сен мага тазасың Сага айтпадым Арзуумду сыр кылат Тигилсем кылгырат Купуя сезимден куткарчы мени аяп Сага айтпадым

Күйөө балам сага Кызымды бердим аманат Толкундап бүгүн Босогоң аттап баратат Намысын коргоп Асырап алчы бир өмүр Жарыңдын баркы Сен менен эми бааланат Кайырма: Үй бүлөң бул Бак таалай кут конот Тагдырыңда тайгак жолдор туш болот Сен турмушта сабырдуу бол садага Кээде жылуу кээде жамгыр кыш болот Үй бүлөң бул Бак таалай кут конот Канатын жайып Калкалап багам карачы Кадырын баалап Түбөлүк сыйлап аячы Сыркоолоп калса Же чөгүп калса көңүлү Жакшы сөз айтып Жанында дайым таячы Кайырма: Күйөө балам сага Кызымды бердим аманат Назданып бүгүн Жанашып сага баратам Сезимин коргоп Асырап алчы бир өмүр Жарыңдын баркы Сен менен эми бааланат Кайырма:

Береги тамыр жибим байланганым, Энемдей жан дилинен айланаарым. Жан эжем сизден өтөөр жакын барбы, Эзилип издеп турган кабардайым. Эзилип сурай турган кабардайым. Жан эжекем кеңешээрим, Балалыгым эстешээрим. Апамдын ак сүтүнө насиптешим, Төрөлгөн бир уядан бешиктешим. Ынагым жароокерим эрке сиңдим, Ырыстуу күн эшигим бекитпесин. Тилегин тилеп турам кечикпечи. Саамайыңдан жыттайынчы, Бактын тилеп алкайынчы. Изимди басып келээр илинчегим, Ынагым сырымды айтаар түйүнчөгүм. Боорубуз бүтүн бойдон жүрсөк экен, Өлчөөсүз өмүр берип жаратканым. Өлчөөсүз жарык берип жаратканым. Эже-сиңди ынтымагы, Ар бир үйдүн ырыс багы. Эже-сиңди ынтымагы, Ар бир үйдүн ырыс шамы.

Саматып издээриң болгон жакшы, Сагынган кучагың толгон жакшы. Бактысыз турмушка басынганча, Баалаган жанга жар болгон жакшы. Кайырма: Жакшылык бактыга жетелетет, Жаштыка өмүрдү тетеп өтөт. Жакшыдан жан-дүйнөм азыктанып, Кусалуу көңүлдү көкөлөтөт. Кусалуу көңүлдү, армандуу өмүрдү көкөлөтөт. Сүйдүрүп издериң болгон жакшы, Сүйүүнүн суугуна тоңгон жакшы. Сүйбөгөн бирөөгө кор болгончо, Жакшыга жанашкан жолдор жакшы. Кайырма: Жакшылык бактыга жетелетет, Жаштыка өмүрдү тетеп өтөт. Жакшыдан жан-дүйнөм азыктанып, Кусалуу көңүлдү көкөлөтөт. Кусалуу көңүлдү, армандуу өмүрдү көкөлөтөт. Сырдашып бир жүргөн достор жакшы, Сыйлашып кармашкан колдор жакшы. Билбеске бирикпей кор болгончо, Билгендин бийиги болгон жакшы. Кайырма: Жакшылык бактыга жетелетет, Жаштыка өмүрдү тетеп өтөт. Жакшыдан жан-дүйнөм азыктанып, Кусалуу көңүлдү көкөлөтөт. Кусалуу көңүлдү армандуу өмүрдү көкөлөтөт.

Аруу сезим кайрыгы сизге чексиз, Айтпай аны сактоо эрким жетпес. Көңүлдөгү сырымды көзүм айтып, Сүйбөй сизди коюуга мүмкүн эмес. Кайырма: Айта албаймын сүйөөрүмдү, Өзүңүз деп бардыгына түтөөрүмдү. Өмүр бою өзүңүздү күтөөрүмдү. Кызгануудан абалым жакшы эмес, Ырдап айтып салууга үнүм жетпес. Жүрөгүмдө таберик тумарымсың, Сүйбөй сизди коюуга мүмкүн эмес. Кайырма: Айта албаймын сүйөөрүмдү, Өзүңүз деп бардыгына түтөөрүмдү. Өмүр бою өзүңүздү күтөөрүмдү.

Кезим жок, сени ойлоп эстебеген Болсо да, өз босогом, өз керегем. Туптунук ошол сезиме сиңдиби Сүйүүнүн табышмагын чечмелеген. Кайырма: Бирок, сен жаштыгың өткөргөндө Жашоого кеч киргенде, туюп кой Өксүп мени сагынаарсың. Кадырын ак сүйүүмдүн кеч билгенден Сен кайгыга кабылганда, Тагдырга таарынганда, Барып кайт, биз кездешчү ак кайыңга Жоготкон махабатың сагынганда. Курдуңбу өмүрүңдүн пайдубалын Мен сага сырымды айтып, кайрыламын. Нөшөрдөн кубат алгандар ак сымал Турмушуң мөмө төгүп жайды багын. Кайырма: Бирок, сен жаштыгың өткөргөндө Жашоого кеч киргенде, туюп кой Өксүп мени сагынаарсың. Кадырын ак сүйүүмдүн кеч билгенден Сен кайгыга кабылганда, Тагдырга таарынганда, Барып кайт, биз кездешчү ак кайыңга Жоготкон махабатың сагынганда. Өткөндү эстеп билем кыйналаарың Көрдүңбү чогуу бакыт кыйбаганын. Секелек кыз эмесмин, сезип жүрөм Жүрөгүң жалгыздыктан ыйлаганын. Кайырма: Бирок, сен жаштыгың өткөргөндө Жашоого кеч киргенде, туюп кой Өксүп мени сагынаарсың. Кадырын ак сүйүүмдүн кеч билгенден Сен кайгыга кабылганда, Тагдырга таарынганда, Барып кайт, биз кездешчү ак кайыңга Кайырма: Бирок, сен жаштыгың өткөргөндө Жашоого кеч киргенде, туюп кой Өксүп мени сагынаарсың. Кадырын ак сүйүүмдүн кеч билгенден Сен кайгыга кабылганда, Тагдырга таарынганда, Барып кайт, биз кездешчү ак кайыңга Жоготкон махабатың сагынганда. Кайрылбас ак сүйүүңдү сагынганда.

Күтүүгө жүрөгүм арнасам дейм, Кусалык азабын ар качан жейм. Күлүктөй чуркаган күндөрүмдө, Мен сизди таарынтып албасам дейм. Жарыгын сезимдин кармасам дейм, Жан дүйнө азабын ар качан жейм. Мейли эле өзүмдү аябасам, Мен сизди оорутуп албасам дейм. Өзгөнүн чаңында калбасам дейм, Өрт сүйүү азабын ар качан жейм. Өмүрдө, жашоодо бир болууга, Өзүмдү бир сизге арнасам дейм. Айта албай чын сырды калбасам дейм, Арзуудан азапты ар качан жейм. Мезгилден кечиккен тагдырымда, Мен сизди жоготуп албасам дейм. Мен сизди оорутуп албасам дейм.

Бул турмуш дарак тура мөмөлөгөн, Мөмөсүн эсиргендер тебелеген. Мен сени жандап жүргөм жашыл жолдо, «Бөлүнбөй кете берет» деген элем. Бул турмуш деңиз тура кемибеген, Жакшылык-жамандыгын ченебеген. Тымызын кош айтышып жаткан кезде, «Мен сени унутам го» деген элем. Көрсө, сен катар басып койбоптурсуң, Бүтүндөй өмүрүңдү ойноптурсуң. Жүрөктө балалыгым кандай калса, Сен дагы дал ошондой орноптурсуң. Жүрөктө дал ошондой, Сезимде дал ошондой, Жүрөктө дал ошондой орноптурсуң.

Биз төрөлгөн ошол үй базар болуп, Турчу эле го өзгөчө шаңга толуп. Азыр кайда бир тууган, асылдарым, Жүрөм баарың сагынып, куса болуп. Кайырма: Бир тууганым, таянар асылдарым, Аска-зоодой бел болор жакындарым. Карааныңар дем болот кайда жүрсөм, Амандыгың тилеймин баарыңардын. Биз чоңоюп, балалык артта калып, Ар кимибиз ар тарапка багыт алып. Азыр ата-эне болуп калгансыңар, Асыл жарлуу үй-бүлөдөн бакыт табып. Кайырма: Күндөр улам зымырап өтүп барат, Жүрөгүмдү сагыныч бөлүп-жарат. Сезимимди кусалык ээлеп алып, Жолугушар кезди күтүп жүрөм самап. Кайырма: Амандыгың тилеймин кымбаттарым.

Жалгызым деп жандай көрүп Жалооруп сүйсөң түгөйүм. Жайнап турган жамалыңан Махабаттын тапсам гүлдөрүн. Гүл жыттанган сүйүү жолдору Күйөт арман менен өтпөсө ооу. Күйүп турган сезим түбөлүк Күндөй болуп такыр өчпөсө ооу. Кайырма: Тагдырлашым таалай бакытым Табышкандар болот ашык жан. Таттуу өмүр сүрүп кош жүрөк Тамшанышса чексиз ашыктан. Ашыгым деп арнап турсам Ар убак жакшы сөздөрүм ооу. Арзышкандар ак канатчан Ак куулардай көрсө өздөрүн ооу. Гүл жыттанган ошол күндөрүм Күйүп, бирок такыр өчпөсө. Күмүш күлкүң күндө жаңырып Гүл өмүрүм такыр бүтпөсө. Кайырма: Тагдырлашым, таалай бакытым Табышкандар болот ашык жан. Таттуу өмүр сүрүп, кош жүрөк Тамшанышса чексиз ашыктан.

Атар таңым, кубанычым, үйдө кутум, Асыл жарым, ардагым, бакыт кушум. Өмүр бою жаркырап жанымда жүр, Өзүң барда мен үчүн дүйнө бүтүн. Кайырма: Сапарлашым, түгөйүм, сагынарым, Сүйгөн жарым, эрмегим, жалынарым. Мен карыйын түйшүгүң тартып жүрүп, Сен карыба, жан биргем, кагылайын. Бир өмүргө өзгөрбөс арчадайым, Бийиктеги жылдызым, бак-таалайым. Алдымда жүр жетелеп максаттарга, А мен болсо артыңдан акмалайын. Кайырма: Кудай кошкон жандоочум, сүйдүрөрүм, Угуп турчу, чынымды билдирейин. Сенин барың суранып Жараткандан, Сени менен түбөлүк бир жүрөйүн. Кайырма:

Кыйнала ойлоп мен сени, Кылыгың абдан эңседим. Сенби деп карай беремин, Сеңселе басып келсе ким. Кеттиңби жаным ыраакка, Күткөнүм болду бир апта. Сыр кылып айткан шыбышың, Шыңгырап турат кулакта. Суктана тиктеп суу шаарын, Суусадым, сен деп суусадым. Дартыма даба болгонсуйт, Сага деп чыккан ыр сабым. Кусага жүрөк жанчылды, Жан биргем эми барсыңбы. Бар болсоң бачым келип жет, Сагынган перим күтөт деп. Сагынган жаным күтөт деп.

Тизилсем кайрат күүлөтүп, Теминсем алга сүрөөдүң, Кызым деп согот ар дайым, Ууздай таза жүрөгүң. Атакем ачык асманым, Каректей мени аярым, Чындыкты туудай туу туткан, Чыккан күн, сүргөн ак таңым. Төбөмдө жанган жылдызым, Төрүмдө толгон ырысым. Өмүрдө жайган ак өргөм, Өзүңсүз кантип жылысын. Атакем ачык асманым, Тумардай мени сактарым. Чындыкты туудай туу туткан, Чыккан күн сүргөн ак таңым. Алыска серпил кулачым, Ак сарай, кутум, кубатым Мээримиң төгүп мен үчүн, Мекеним болуп турасың. Атакем ачык асманым, Унутпайм берген батасын. Чындыкты туудай туу туткан, Чыккан күн сүргөн ак таңым. Атакем бүтпөс дастаным.

Оо, турмуш мыйзамыңа каныктырдың Жолумду жабык кылдык, жарык кылдың Дардаңдап боз жар күттүм деген менен Дагы эле жалгыз бойдон калыптырмын Багыты жок жарты кайык Баратам турмуш жүгүн артып алып. Жашоону ким бар дейсиң түшүндүргөн Жалгыздык жанга батып үшүп жүрөм Жан дүйнөм жылуулукка муктаж болуп Мээримди мен өзүңдөн күтүп жүрөм. Багыты жок жарты кайык Баратам турмуш жүгүн артып алып. Аттиң ай көңүлдү эзет жан арманым Ар дайым мээрим издеп карайладым Күнүнө күмүш таптым, бирок аттиң, Көксөгөн жылуулуку таба албадым. Багыты жок жарты кайык Баратам турмуш жүгүн артып алып. Карытып пайдасы жок ай-жылдарды, Калдактап кайран өмүр калбырланды. Каалгыйт айланамда бопбоз туман, Көк деңиз, жарты кайык алдымдагы. Багыты жок жарты кайык, Баратам турмуш жүгүн артып алып.

Бул насыйкат, бул насыйкат, Бул насыйкат мага калган. Бул насыйкат сага калган, Калган керээз бабалардан. Өттү насыйкат, Тоолордон, талаалардан, ээ-эй. Ай кашканы азанатып, Ат жалына казан асып. Келген элдин тилеги бул, Улуу тарыхтын, Чоктон ысык илеби бул, ээ-эй. О, мезгилдин өктөмдүгү, ылдамдыгы, Кандай кезде жаралды экен «Сынган бугу»? Комуз кылын дирилдетип, Бириндетип бизге насаат ыр калдыбы, ээ-эй. Аппак марал ыры жаңырдыңбы сен, Аппак марал, кайра табылдыңбы сен? Аппак марал туяк кагат, Журт которгон сыяктанат. Каран күнгө, марал, кабылдыңбы сен? Каран күнгө, марал, кабылдыңбы сен, Конушуңдан үркүп жаңылдыңбы сен? Мөлтүлдөп аккан булак кайда, Моюндаш өскөн улак кайда? Кадырлуу журтту сагындыңбы сен? Эй, аппак марал, эй! Аппак марал, Артыңдан сая түшүп жебе келет, Көзүңдө жер айланат, тегеренет. Жебе келет, жөнө демек! Турбачы, ак марал, түңүлүп сен, Турбачы, ак марал, түңүлүп турба. Жебе жетпейт, чурка түйүлүп сен. Аппак ак марал, аппак марал жеңилбечи, Батат, батабы, батып барат өмүр кечи? Жебе келет, жөнө демек, Турбачы, ак марал, Жебе жетпейт, чурка түйүлүп сен. Ээ-эй! Жанып өтөбү, жебе жетеби, Тагдыр чыркырап, тамыр зыркырап. Марал кубулуп, Кайып болуп кет эми. Аппак марал, марал туяк кагат, Жебе жетпейт, жетет сыяктанат. Үмүт өчөт, үмүт кайра жанат. Жанып өтөбү, жебе жетеби, Билик бүлбүлдөп, Тагдыр чыркырап, тамыр зыркырап. Жетсең жебе, жет эми! Аппак марал, марал туяк кагат, Жебе жетпейт, жетет сыяктанат. Үмүт өчөт, үмүт кайра жанат. Бул насыйкат мага калган, Бул насыйкат сага калган. Калган керээз бабалардан: Канат байлап өмүргө, Каршы турган өлүмгө. Карылардан санжыра, Аппак марал жөнүндө. Карыбайт элдик ырлар, Талыбайт элдик үмүт. Жакшылыктан асты түңүлбөдүң, Аппак марал неге күлүңдөдүң?.