Кеңеш тобу.
 Слушать песни исполнителя и скачать онлайн

Кара мончок каректериң карагат, Караганың жүрөгүмдү жаралап. Кайырчыдай жалдырады ак сүйүүм, Кагып эшик бир өзүңө сагалап. Кага албай махабатым канатын, Кайра тапты жүрөгүмдүн жараатын. Башка менен кол кармашып бактылуу, Неге мени көзгө илбей бараттың? Кайырма: Ай, аярым, өзүңдү аядым, Жалгандан алсырап аядым. Ай, аярым, сүйүүңдү танбаймын, А бирок өзүңдү аядым. Кайгы беле махабаттын белеги? Кыйналамын таппай анын себебин. Кагып канат уччу жерге жетпесе, Айтчы анда куштун барбы кереги? Алоолонгон ак сүйүүмдү арнадым, Алыс кагып аны кабыл албадың. Башка нерсе айта албайм, түшүнгүн, Бактылуу бол, менин сага каалаарым. Кайырма:

Сүйүшөт көп жигиттер суктанып сага гана, Таалайым сенден издейм, талапкер болуп сага, Мен дагы арнап келем сүйүүмдү, жаным, садагам. Бир болсо ойлорубуз үзүлбөйт колдорубуз, Түбөлүк бир болобуз, түз болот жолдорубуз, Баары бир жетем сага, батпачы, жаным, санаага. Арнадым, тандадым, болоюн ардагың, Буюрса, нике кайып. Ардагым, калбагын, болбоюн арманың. Сүйүшсө көп жигиттер аларда эмне айып? Сүзө албайт көк деңизде калаксыз калган кайык, Сүйүшкөн жандарбыз го, кайгырба, жаным, садагам. Сен болсо алтын балык, мен болсо торду жайып, Өзүмдүк кылып алам, буюрса, нике кайып, Ардагым болоруң чын, алдырба, жаным, санаага. Кайырма:

Ак сүйүү дайрасында аккуудай бирге сүзүп, Алыска учкун эки жаш, Ашыктык гүлүн түйүп жомоктой кыялдарга, Жол салып келгин эки жаш. Кайырма: Жомоктой кыялдардын жолунан адашпастан, Максатка жеткин эки жаш, Жүрөктөр бирдей согуп жылдыздар күндө болуп, Жолдорун кошкон эки жаш, Асманын ачык болсун ар дүйнө бакыт толсун, Бакытка баткын эки жаш, Бакчанар гүлгө толсун бирине жөлөк болуп, Бактылуу болгун эки жаш. Аттанып турмуш жолун ачылып жарык болсун, Ак бата тийсин эки жаш, Алдында наристелер айланып ойноп дайым, Көлөктөп турсун эки жаш, Айтылып эл ичинде ар дайым үйүнөрдө, Ак бешик ыры ырдалсын, Уйүнор шанга толуп үзүлбөй колдорунар, Улгүсү болгун эки жаш, Кемибей ырыскынар кен болсун турмушунар, Көшөгөн гүлдөп көгөрсүн, Кор турмуш сынал болуп көтөруп сындаш керек, Көздөгөн жылды эки жаш.

Акылдан алып ай жүзүң келишкен, Жашоомдо жарык тийгизген периштем. Көңүлдү эзип назик күлгөнүң, Жаным, өзүңсүң – жалгызым, сүйгөнүм. Кайырма: Сыр болуп келет, Сага гана айтылбай. Сен жакка аккан ай, Сүйүүнүн мүрөгү. Бакыт тартуулап, Бизге гана, аттиң ай. Керемет экен ай, Махабат түнөгү. Кызыл гүл болсоң, үзбөй жыттайын, Кыйылып, алыс жаныңан чыкпайын. Сен бакча болсоң, барып, коноюн, Сен деп ырдаган, торгоюң болоюн. Кайырма:

Айлуу түн жандап, айтчу сөз камдап, Ашыгып барам, арзуумду арнап. Жарыгын чачып, ай жандап барат, Чырай жүзүңө суктана карап, Айлуу түн. Кайырма: Айлуу, айлуу түн, сенде үмүтүм, Сүйгөнүмө мени кезиктир бүгүн. Төгүлүп турсун шоолаң биз үчүн, Айлуу түн. Көктөгү жылдыздан бир букет жасап, Сага сунамын сүйүүмдү арнап. Сен деп келемин, сен үчүн жашап, Сенде ак сүйүүм, сенде махабат, Айлуу түн. Кайырма:

Сүйүүгө балкыган кезигип жаңыдан, Кете албай жүрчү элем мен жаныңдан. Сирендин түбүнөн сунчу элем гүлүнөн, Кабарлап өзүңө ак сүйүүмдөн. Кайырма: Күбөсү биринчи махабаттын, Элеси кыялкеч бала чактын. Сүйүүнүн жүрөккө изин салдың, Сирень гүлү, сирень гүлү, Жүрөктүн алгачкы аманатын, Калтырып өзүңө табыштадым. Кайрылбай ал күндөр алыстады, Сирень гүлү, сирень гүлү, сирень гүлү. Сирендин гүлдөрү кайрадан гүлдөдү, Эңсеймин таба албай ал күндөрдү. Билинбей биздеги сүйүүнүн издери, Сиренде калгансыйт түбөлүккө. Кайырма:

Асманды тиреп, булутту жиреп, Ак –мөңгү баскан Ала –Тоом тирек. Сууларың тунук, суусасаң суунун, Алыскан кеткен атагың улук. Кайырма: Кыргызстан, Кыргызстан, Чаңкасам ичем, бал кымызыңдан. Чертилсе комуз керемет добуш, Чер жазып угам, буулата конуш. Чырагың жанып жылдызың жанат, Чыңгыздай уулуң чыныгы талант. Келечек жолун арыштап кенен, Кылымга изиң кыргызым сала. Кайырма: Менин мекеним сен кыргызстан!

Алгачкы көргөнүмдө жаныңа турдум бара албай, Жашоомо белек болдуң жүргөндө сендей таба албай, Жылдыздуу түндү карап уктабай сени сагынмай, Сени эстеп күнү түнү, Санаадан турам арылбай. Кайырма: Сүйө албайм сенден башканы, Сүйдүрүп неге таштадың, Көнбөско менде арга жок, Тагдырдын болду жазганы, Өзүңдөн бөлөк жакпады, Өмүрдө болдуң тапканым, Алыстап кетсен сагынып, Денемди жалың каптады. Жүзүңдөн нур чачырап, Жүрөкту коет жашартып, Себепчи болуп өзүң, Сезимди койдун тазартып, Жылмайып карап сүйлөп, Эргитчүү элен дүйнөмдү, Тартылып көзго улам, Эстедим ошол күндөрдү, Сагындым ошол күндөрдү.

Басып өттүм бай турмуштун чоң жолунан, Бакчасындай бакыт куштут чыкпай койдуң сен оюмда. Кайырма: Көзүн менен, сөзүң менен, Жүрөгүмдү арбап алдың. Сен издеген, сезим менен, Жүрөгүмдү жандап алдың. Сыр кыламын сезимимди айтылбаган бир өзүңө, Түгөнбөгөн мээримиңди сактап келем жүрөгүмө. Жан дүйнөмө жагып калдың, Жаным сени сүйүп калдым.

Жалгыздайм жанымдан алыс кетсең, Жалооруп издеймин, эгер сезсең. Жаныма жашоонун демин берген, Жалгызым, ишенгин, бир гана сен. Бир гана сен, бир гана сен. Жылдыздай жымыңдап эркелесең, Өзүмдү бактылуу элестетем. Өмүрдүн ачылган гүлү сымал, Сүйүүдөн тапканым бир гана сен. Бир гана сен, бир гана сен. Кайыра: Шам болуп жүрөккө жарык берген, Жашоонун маңызы бир гана сен. Жарашып жанымда жандап жүргөн, Жашоодо жалгызым бир гана сен. Бир гана сен, бир гана сен. Өткөрүп өмүрдү сени менен, Өзүңө арналып дайым келем. Өрт болуп жүрөгү күйүп- жанып, Түбөлүк сүйөрүм бир гана сен. Бир гана сен, бир гана сен.

Арзуунун аралында, Ак сүйүүгө кабылдым. Жылуу чачып жүрөктөн, Жылдыз болуп тагылдың. Ойлойм сени ар убак, Армандардан аруулап. Тургум келет жаныңда, Тунук сүйүү тартуулап. Кайырма: Арман махабат ырларында, Арман кыялдын кылдарында. Арман жүрөктүн сырларында, Жалган сүйүүнүн ыргагында, Кыялдын кылдарында… Өмүрүмдү арнадым, Өзүң болуп жалжалым. Түбөлүк бакытым деп, Мен өзүңдү тандадым. Жете албай мен кол сунам, Элесиңе зар болуп. Сени ойлоп отурам, Сенсиз дүйнөм тар болуп. Кайырма:

Ишенбей турамын укканыма Ичим от, жалындын кучагында Ирмебей уйкусуз түндөр өтөр Илинип санаанын тузагына Жарыгы өчкөндөй махабаттын Жалыны жалгандын каптап жатты Жазыгы эмнеде билбейт элем Кайгы таптым Кайырма: Ыйлабачы, ыйлабачы, жан дүйнөмдү кыйнабачы Ыйлабачы, сыздабачы, жүрөгүмдү бүтүн жанчып Суранамын мен өзүңдөн, жаным менин Өзүңсүз мен эми жашай албайм Өмүрдүн таттуусун сага арнайм Өкүнтөт өрт болуп өткөн күндөр Өзүңдү мен эми жандай албайм Ойлобой койоюн десем дагы Оюмдан кетпедиң күнү-түнү Айыкпас жүрөктүн ушул тагы Болдуң жаным Кайырма:

Биз көлдө сүзгөн, бир өмүр сүргөн, Кош ак куу болдук тандашып сүйгөн. Эңсеген жылдыз экөөбүз болдук, Ээрчишип учуп, жандашып түшкөн. Кайырма: Кызыл гүл болуп ачылам сага, Кымбатың болуп арналам сага. Шүүдүрүм болуп таң менен келсең, Кучагым жайып күн болом сага, Өмүрдү жалгыз арнаймын сага. Каректе калсын махабат жанып, Кайталап өчпөс сезимди жазып. Түбөлүк биздин сүйүүбүз өчпөйт, Алоолоп күйүп, албырып жанып. Кайырма:

Таң болуп атсаңчы түнөргөн багыма, Түбөлүк жансаңчы шам болуп жаныма сен. Таксам дейм ак нике шакегин колуңа, Тандасаң сен мени турмуштук жолуңа сен. Элестеп өзүңсүз өмүрдүн кемесин, Эзилет жүрөгүм кайгынын желесинде. Умтулам убакыт капкандай желесин, Узарып үмүтүм күтүүнүн белесинде. Кайырма: Издедим, мен сени Изи менен сезимдердин Издедим, мен сени Сездиң бекен жүрөгүмдүн эзилгенин. Кызарып күн батса кыялым сени издеп, Кусанын жолунда жүрөмүн үзбөй күдөр. Кыйналып турса да жүрөгүм сени издеп, Кылымдай сезилди өзүңсүз ушул күндөр. Ийилип турса да үмүттүн дарагы, Ишенип келемин өзүңдү табарыма. Кубалар көңүлдөн түбү жок санааны, Көрүшкөн күндү мен күтөмүн ар дайыма. Кайырма: Издедим, мен сени Изи менен сезимдердин Издедим, мен сени Сездиң бекен жүрөгүмдүн эзилгенин.

Эзилдим канча, Эч нерсе келбей колумдан, Эстетип мени, Кетпедиң такыр оюмдан. Кайырма: Көңүлүм чөгүп, жүрөгүм турат кайгырып, Какшыган чөлдөй, каламбы сенден айрылып. Кубантып мени келсеңчи кайра кайрылып, Күтөмүн сени келсеңчи жаным кайрылып. Канчалык мага, Кыйындай болсо айрылуу, Жанчылып жүрөм, Кыйындай сага кайрылуу.

Мен сага арнаганы, Гүлдесте тандаганы, Баратам көңүл шайма-шай Кыялдар орундалып, Чуркасам жолум тарып, Сүйлөсөк экен жайма-жай Өзгөнү көзгө илбей, Таманым жерге тийбей, Баратам сага жакканы, Алгачкы, акыркымды, Бир келген бакытымды, Баратам сенден тапканы. Кайырма: Жамгырда, жаанда калып, Гүлдесте кармап алып, Келе жатканын карачы. Жылмайып койбодуң да, Суу болгон колдоруңда, Канча гүл даана саначы Жөн эле койсоң болмок, Көңүлүм ансыз тоймок, Өзүңдү көргөнүм жетет. Сүйүүнүн мааниси бар, Жөн эле бере бербейт, Гүлдүн да кадыры кетет. Так санды болжогонмун, Алганда ойлогонмун, Түгөйү менен болсо деп. Гүл берип көрбөптүрмүн, Маанисин билбептирмин, Сурабай алганым башка кеп. Алдыңда билбей турам, Гүлдү эми кантип сунам, Ойлорум кетти чачырап. Жетсем деп жүгүрөмүн, Билбепмин күбүлгөнүн, Кайчылап салчы, кайчылап.

Бал тилдүү балалык, кайгыны билбеген, Бактыга жаралып, бакытты издеген. Баарына ыраазы, жаркырап нуру жүзүндө, Бул дүйнө кабарын оюна илбеген. Баарына кызыгып, билбесе ким деген, Баш ийип аргасыз, жароокер карап көзүмө. Кайырма: Балалык, балалык, оюнга тойбогон, Бал дүйнө тазарып, бакчада ойногон. Балалык, балалык, кой десе койбогон, Бардыгын өзүндөй таза деп ойлогон. Балалык, балалык оюнга тойбогон. Бал дүйнө тазарып, бакчада ойногон, Балалык, балалык, алыска кеттиң кайрылбай. Кири жок ичинде, алдасаң алданып, Кубулса айлана, кубанып таң калып. Кубаныч тартуулап жашоонун жарык шамындай, Жомокко ишенип, жомокто жашаган. Жол салып өзүнчө жоругун жасаган, Жоодар көз балалык, алыска кеттиң кайрылбай. Кайырма:

Көк тирейт аска зоо бийиктери Боорунда аркары кийиктери Ал тоону айланып бүркүт учкан Ааламдын бейиши өзүнсүң кыргыз жери Жер токой арчалуу ашуу бели Түркүн гүл адырлуу анын бети Тоо ылдый шар аккан шаркыратма Тойбойтко көргөнгө сөзүңө кыргыз жери Кыргыз эли Кыргыз жери Аккан суу дайрасы тунук көлү Шарпылдайт толкунду көлдүн жээги Аккулар эрчишип бирге учкан Айтканга сөз жетбейт көркөмдү кыргыз жери Жайлоосу аңкыгаң адыр жели Саймалуу тоолору салкын төрү Түпкүн куш байралып мекен деген Түгөнбөс жомоксун укканга кыргыз жери Сагынам алыстап кетсем сени Сан кылым карыткан кыргыз жери Дайрадай толкуткан жүрөктөрдү Дастансын ырдалып бүтбөгөн кыргыз жери

Жаады алтын апапак кар жаңылык, Ай нуруна, күн нуруна чагылып. Кубанычта бөлөп сезим тазарткан, Аппак карды биз күткөнбүз зарыгып. Алтын карга ак тилекти кошолу, Алоолонсун жакшылыктын очогу. Ыр-күлкүнүн дүйнөсүнө бөлөнсүн, Ырдап-бийлеп Жаңы жылды тосолу. Жакшылыктын жарчысы бол, Жаңы жыл, Эл-журттумдун бактысы бол, Жаңы жыл. Ак сүйүүнүн ачкычы бол, Жаңы жыл, Жаңы жыл… Жараткандын белеги бол, Жаңы жыл, Ар адамдын жөлөгү бол, Жаңы жыл. Бейпилдиктин желеги бол, Жаңы жыл, Жаңы жыл… Жаңы жылдын койнунда көп жаңылык, Кел Жаңы жыл, биз күтөбүз зарыгып. Жаңы бакыт, жаңы таалай кучактап, Жаңы жылым келе жатат жаңырып. Кел досторум ырдап обон созолу, Келгилечи үнгө, үндү кошолу. Жаңы жылда жакшы жашоо жар болсун, Жакшы ыр менен Жаңы жылды тосолу.

Ала — Тоо кыргыз жерим Ак калпак кыргыз элим Акылман муун урпагы Асабаң бийик сенин Баатырлар чыккан жерим Бабабыз Манас урпагы Акынга толгон элим Ата-Журт ата тегим Комуздун толгоп кылдарын Асманың ачык сенин Мекеним кыргыз жерим Айланып алгыр куштары Кайырма: Көктө жанган чолпон жылдыздай Залкар уулуң чыккан Чыңгыздай Айтып бүткүс жерим мекеним Ата- Журтум кымбат алтындай Айымдардан чыккан баатырлар Мекенимде канча асыл бар Курман кылган улуу үчүн Курманжандай чыккан баатырлар Кыргызстан менин мекеним Кыргызстан Аскасы көк тиреген Көлү бар мелтиреген Сөз жетпейт кооздоп айтууга Тарыхын өчүрбөстөн Манасын улап келген Саякбай чыккан калкымда Кылымдар өтсө дагы Кыргыздын атын улук Көк жалдар чыккан калкымдан Улантып урпактарга Улуулар насаат берген Айланам сенин салтыңа