Майрамбек Осмонов.
 Слушать песни исполнителя и скачать онлайн.
Страница 2

Ош кандай сонун Ош, Ош баардыгынан кооз. Суктанам керемет көркөмүңө, Кубанам мен сени көргөнүмө. Аярлап чачымдан сылап шамаал, Айлымдай мен сага көнгөнүмө. Кайырма: Болсоңуз бош келип кет дос, Эң ыйык сулуу шаар Ош. Келңиз кош, келип кет дос. Эң ыйык сулуу шаар Ош. Ош ак-жолтоюм Ош, Ош ак жүрөгүм Ош. Ар күнү атылган аппак таңым, Аманда табылбас таалай багым. Байырлап өзүңө келгенимде, Бактысын ачкансың далайлардын. Кайырма: Ош эң байыркы Ош, Ош эл байлыгы Ош. Өзүңсүң меймандос пейли кенен, Жок дебей баардыгына мейли деген. Өмүрүм өткөнчө сыймыктанам, Өркүндөп өсөбүз сени менен. Кайырма:

Айланасын тоолор курчаган, Кайда барсам эстен чыкпаган. Биздин айыл жердин сулуусу, Жылда барсам, жылда суктанам. Кайырма: Биздин айыл – биздин сүйүүбүз, Береке көп, толо үйүбүз. Айланайын, менин айылым, Түбөлүк сага калат сүйүүбүз. Шыңгыраса тоонун булагы, Көңүлүмдүн канат кумары. Ыйык туткан биздин айылдын, Өчпөсө экен дайым чырагы. Кайырма: Ыйыктыгың сенин билемин, Сүттөй таза сага тилегим. Алыс жакта иштеп жүрсөм да, Сен деп согот дайым жүрөгүм. Кайырма:

А, дегенде жакты басканың, Анан айдай чийме каштарың. Сени гана эңсеп жүрөгүм, Сага көңүл бура баштадым. Кайырма: Сүйлөбөдүм сага, сүрдөдүм, Сүйүп калганымды билбедиң. Алгач сени көргөн мезгилде, Бул татына сулуу ким дедим. Айта албадым сенден сүрдөдүм, Ашык болгонумду билбедиң, Айдай сулуу Асел, Аселим, Болсо керек сенин сүйгөнүң. Сендей кызды издеп самагам, Болсом деймин сенин жан агаң. Кычыраган кышта көрсөм да, Жайдай болгон менин садагам. Кайырма: Бийлеп жаттың бирок барбадым, Өзүмдү-өзүм кой деп кармадым. Эгер сени издеп таба алсам, Жолукканда айтам калганын. Кайырма:

Кечки Бишкек — мен көргөн тагдырга болдуң себеп Музга айланган көңүлдүн дартына жообуң керек Азыр кайда? Азыр кайда? Айтчы мага? Бакытка балкыган Жан дүйнөм чалкыган — жаным! Жалындаган, жараланган жүрөгүмдү Сен аны билбейсиң Сен аны сезбейсиң Сен мендей сүйбөйсүң — жаным! Суктанып караганың Көңүлдү баалап аяганың Андагы мамилеңди Мен кимден табаламын? Ой баскан санааларым Оорубас дүйнөм жараладың А балким, жолугуп мен Айткым келет сага баарын Кечки Бишкек — унутулгус күндөрдү кылдың белек Ал кездерде айттырбай түшүнүп жүргөн элек Жүргөн элек Азыр кайда? Азыр кайда? Айтчы мага? Бакытка балкыган Жан дүйнөм чалкыган — жаным! Жалындаган, жараланган абалымды Сен аны билбейсиң Сен аны сезбейсиң Сен мендей сүйбөйсүң — жаным! Суктанып караганың Көңүлдү баалап аяганың Андагы мамилеңди Мен кимден табаламын? Ой баскан санааларым Оорубас дүйнөм жараладың А балким, жолугуп мен Айткым келет сага баарын

Бизда жапжаш болгонбуз Эй кыздар эй кыздар Ысык суукка тонгонбуз Эй кыздар эй кыздар Жакшы заман туш болуп Жарашып бир толгонбуз Талаа түзгө көп чыгып Арпа буудай оргонбуз Арманы жок жаштыкка Аздыр көптүр тойгонбуз Бизда жапжаш болгонбуз Азыр силер бактылуу Эй жаштар эй жаштар Айтканыбыз жактыбы Эй жаштар эй жаштар Турмуш деген ушундай Көрдүк жаман жакшыны Баалап барктап калалы Өмүр деген ак кууну Ийлеп таппай калабыз Азыркыдай бактыны Дайым болсун жакшылык Жакшылык жакшылык Өркүндөйлү жакшырып Жакшырып жакшырып Өмүр деген токтобойт Ойдо жактан шаштырып Жан дүйнөңдү каарытпа Жакшынакай жаш доору Алды жакка жылалы Ак тилекти баш кылып

Саматып издериң болгон жакшы, Сагынган кучагың толгон жакшы. Бактысыз турмушка басынганча, Баалаган жанга жар болгон жакшы. Кайырма: Жакшылык бактыга жетелетет, Жаштыкка өмүрдү тетелетет. Жакшыдан жан дүйнөң азыктанып, Кусалуу көңүлдү көкөлөтөт, Кусалуу көңүлдү, армандуу өмүрдү көкөлөтөт. Сүйдүрүп издээриң болгон жакшы, Сүйүүнүн суугуна тоңгон жакшы. Сүйбөгөн бирөөгө кор болгончо, Жакшыга жанашкан жолдор жакшы. Кайырма: Сырдашар курдашың болгон жакшы, Сыйлашып кармашкан колдор жакшы. Билбеске бирикпей кор болгончо, Билгендин бийиги болгон жакшы.

Келин алдык сүйүнчү бизде жанылык Шаңдуу күлкү коштосун ырлар жаңырып Кудай кошкон кудалар төргө өткүлө Жакшы күндөр көп болсун суудай агылып Кайырма: Алысты жакын кылган кыздар экен Зоолорду сулуу кылган куштар экен Босого аттап мына куда болдук Бизде бала силерде кыз бар экен Чын жүрөктөн күткөнбүз кана келгиле Болсун дедик бул тойго бүгүн эл күбө Биз силерди коргөндө абдан сүйүндүк Бешик тойдо чогулсак дейли эмкиде Куда болдук силердей асыл жандарга Ыйман берсин үйлөнгөн биздин балдарга Өмүр өтүп кеткиче сыйда жүрөлү Биз кубанып турабыз келин алганга Бактылуу болгула талаайлуу болгула

Күн нуру батып күүгүмдөп, Үйлөрдө чырак бүлбүлдөп. Уйларын сааган энелер, Дасторкон жаят күлүңдөп. Кайырма: Айылды каптап караңгы, Ай, жылдыз ээлеп ааламды. Тындырып барат түнкү убак, Түйшүгүн арткан заманды. Азайып элдин агымы, Карайып көчө жарыгы. Уйкуга чөгүп баратат Тынчы жок турмуш кайыгы. Кайырма: Айылды каптап караңгы, Ай, жылдыз ээлеп ааламды. Тындырып барат түнкү убак, Түйшүгүн арткан заманды. Эс алуу үчүн жаталы, Эске албай кайгы-капаны. Эсен-соо өтсүн түнүбүз, Жараткан берип батаны. Кайырма: Караңгы улам коюлап, Жатууга достор, болду убак. Түнүңөр бейпил болсун деп, Калалы биз да кол булгап.

Дарактын жалбырагын самагандай Күн санап күтүп келем көрүнбөйсүң Булуттан чыга калчу жарыгымдай Бурганак ойлорумдан бөлүңбөйсүң Кайырма: Күтөмүн күтөмүн эч чарчабай Сен гана бакытымдай сезилесиң Агарса мейли агарсын бир чач калбай Күтүү бакыт күтө берем кезигерсиң Окшошбуз карап турсам өзүмдөсүң Мен үчүн балалык кезимдейсиң Мерезиң болсо эгер аска тоодой А өзүң карегимсиң көзүмдөйсүң Үмүтүм бар алоолонуп жалындаган Кыялым бар сүйсө дагы жалынбаган Күттүргөндү жакшы көргөн жан окшойсуң Ичке катып сыртына жарылбаган

Тоосу бийик суусу таза Эч өзгөрбөйт ушу гана Мекеним Кыргызстаным Келсек дайым тосуп алат Көркөмүнө моокум канат Мекеним Кыргызстаным Сенден гана кубат алам Сен бар үчүн жокко санаам Кагылайын Кыргызстаным Кубансак да кайгырсак да Кайрылбасак кайрылсак да Бизди күтөт Кыргызстаным Мекеним мекеним Кыргызстан Көз артып бүт дүйнө кызыгышкан Сактасын жараткан элибизди Мекеним мекеним Кыргызстан Бир аз кетсем сенден узап Көргүм келип көздөн учат Карааныңдан Кыргызстаным Карегимдей ыйыгымсың Калкаланган уюгумсуң Кагылайын Кыргызстаным Биз өзгөрсөк өзгөрбөгөн Пейилинен бөксөрбөгөң Кенен жерим Кыргызстаным Такыр канбайт сагынычым Кусалансам дарым ушул Дабаам сенсиң Кыргызстаным

Өмүрдү арнайт десем, Өңүмдү саргайттың сен. Ый болбой тагдырыма, Ыр бойдон калбайт белең. Бардыгын кечирчи деп, Барбаймын экинчи ирет. Ак сүйүү ыйлайт мага, Атасыз жетимсиреп. Гүл өмүр сынбайт дегем, Өзүңө сунбайт белем. Жоо болбой бир көзүмө. Тоо бойдон турбайт белең. Кечирчи, кечирчи деп, Келбегин экинчи ирет. Ак сүйүү ыйлайт сага, Атасыз жетимсиреп. Бейкапар күлбөйт белек, Бирге өмүр сүрбөйт белек. Түн болбой жылдызы жок, Күн бойдон жүрбөйт белек. Күтсөк да кечирчи деп, Гүлдөбөйт экинчи ирет. Ак сүйүү ай талаада, Армандуу жетимсиреп. Кечирчи, кечирчи деп, Келбегин экинчи ирет. Ак сүйүү ыйлайт мага, Апасыз жетимсиреп. Барбаймын экинчи ирет… Келбегин экинчи ирет…

Жашоо кызык жаралганбыз өмүргө Азык издеп ар убакта күнүмкү Бул ыр менен айткым келди баарысын Өзүм аман сүйгөн жарым жөнүндө Кайырма: Таанышканбыз кычыраган кышында Биздин сүйүү тазалыгы ушунда Куш сыяктуу келген ушул бакытты Суранарым бекем карма учурба Мен дайыма сени күтүп издегем Үмүт деген үзүлбөгөн биз менен Ортобузда болгон бардык жакшылык Өмүр бою калсын дейлик биз менен Туура кеткен эң алгачкы багытың Бул ырымда айткандарым бары чын Ошол кышта таза бойдон жолуккам Булганбасын бөксөрбөсүн багытың

Туулган жерим, ыйыгымсың бабам баскан, Баары-жогун бирдей көрүп, бирдей баккан. Шамалыңа көкүл сылап эркелетсең, Ызгаарда ороп чулгап, коюн каткан. Канатыңа калкалай бер балдарыңды, Баары бир айтпайсың сен арманыңды. Тээ алыста жүргөндөр көп сагынышып, Жакын туруп кабар албай калбадымбы. Жаралагандан жанып турган жарыгымсың, Аталардан калган өзөк, тамырымсың. Кубат кетип, алдай тайып турганымда, Гүл азык болуп берчү азыгымсың. Канатыңа калкалай бер балдарыңды, Баары бир айтпайсың сен арманыңды. Тээ алыста жүргөндөр көп сагынышып, Жакын туруп кабар албай калбадымбы. Сырын сактап, сының сактап, өмүр улап, Жылдар эмес кылым өтөөр убап-чубап, Сурай албай калсам дагы абалыңды, Сен турарсың урпактардан абал сурап. Канатыңа калкалай бер балдарыңды, Баары бир айтпайсың сен арманыңды. Тээ алыста жүргөндөр көп сагынышып, Жакын туруп кабар албай калбадымбы.

Менде бар сезим сенде бар Сезбеген аны пенде бар Сен деле сезип жүрөсүң Сезимден ысык эмне бар Эч кимден алып көчүрбөй Эпкини эрте өчүрбөй Эңсеген сүйүүм жаш кезден Өзүңдөй болчу өзүңдөй Менде бар сенде болсо экен Көңүлдөр бирге толсо экен Көргөндө мени сен дагы Көңүлү да учуп консо экен Отуна чыдап түтө албай Ойлогон ойду бүтө албай Асманга учам дагы эле Айланып жерге түшө албайм Менде бар сезим сенде бар Сезбеген аны пенде бар Сен деле сезип жүрөсүң Сезимден ысык эмне бар Өмүрдү сүрдүк экөөлөп Өйдө бир төмөн ынтыгып Азыр да сени көргөндө Асманда учам көкөлөп Эч кимден алып көчүрбөй Эпкини эрте өчүрбөй Эңсеген сүйүүм жаш кезден Өзүңдөй болчу өзүңдөй