Айпери Кулбаева.
 Слушать песни исполнителя и скачать онлайн

Түркүн ыр шаңдуу жаңырып, Дүркүрөп колдор чабылып. Ырыстуу күндү жар салып, Ыр дүйнөм барат агылып. Кайырма: Кубулжуй бергин, ырларым, Кубантып жүрөк сырларын. Жашоонун ыры — бул ырлар, Жар салган жаштык жыргалын. Кайрадан ырлар уланып, Кадалат көздөр суранып. Көл бойлоп бара жаткансып, Көңүлдөр эргийт кубанып. Кайырма: Өскөн жер ырдан жашарып, Өмүрлөр барат тазарып. Мекеним тынчтык ырлары, Гүл жайнайт күндө жасанып. Кайырма:

Суу жаңыртып Ала-Тоонун жылгасын, Талаа тыңшап торгойлордун ырдашын. Жаз жадырап, мен турамын сумсайып, Жазда неге келбей койдуң, кымбатым? Келчи, келчи, сүйөр болсоң, кымбатым. Жаркын гүлдөр жасалгалап кыр башын, Жай чыгарып табигаттын сымбатын. Жер жапжашыл, менин өңүм керсары, Жайда неге келбей койдуң, кымбатым? Келчи, келчи, сүйөр болсоң, кымбатым. Дарак тагып түркүн мөмө сыргасын, Суктандырды адамдардын кыйласын. Күтүп жүрсөм жүзүм камдап өзүңө, Күздө неге келбей койдуң, кымбатым? Келчи, келчи, сүйөр болсоң, кымбатым. Эки жүрөк бирин-бири тыңдасын, Эзилишип, элжирешип жыргасын. Керемет бар сенде кышты жай кылар, Келчи, келчи, кыш чилдеде, кымбатым. Келчи, келчи, сүйөр болсоң, кымбатым.

Сен мага кимсиң Асылым сүйгөнүмсүң Жалынып жалбарат күйгөнүмсүң Мен сага киммин Жашоодо жолуккан Жаныңдын жарымы болгон Жарыңмын ак жоолукчан Сен мага кимсиң Айымсың толуп турган Булаксың атып чыккан оргуштаган Мен сага киммин Жаныңа күйөрүңмүн Чаңкасаң бал кымызың Жан бирге түгөйүңмүн Сен мага кимсиң Бүтпөгөн ырларымсың Айталбай сактап жүргөн сырларымсың Мен сага киммин Булбулуң таңшып турган Күнгө окшоп жан дүйнөмдө Күн-түнү жанып турган

Турган өңдүү асман мага жөлөнүп, Жүрөк эргип бир сезимге бөлөнүп, Эч бир адам таппай жүргөн бакытты Жалгыз өзүм бараткансыйм өңөрүп. Тагдыр мага өчпөс отун жаккандай, Мүрөк суусун жалгыз өзүм таткандай, Ар бир баскан кадамыма сүйүнөм, Мен өзүмдөн батпас күндү тапкандай. Мен кубанам миң жыл жашап өткөндөй, «Миң кыялын» Токон мага черткендей, Тагдыр буйруп жолукпасаң сен мага, Өтмөк окшойм өмүр баркын эч билбей. Оболотуп махабаттын ак боосун, Сени дагы ушул сезим коштосун. Бир күн сокпой калчу болсо бул жүрөк, Сени ойлоп жаткан кезде токтосун.

Жашартып жаратканым берсе эгер, Бүт болгон байлыгымдан кечер элем. Сан жеткис түйшүгүңдү өзүм алсам, Апаке кадырыңа жетер белем. Аппак гүл сунам апа, картайбачы Ак сарай курам сага, картайбачы Алдыңа алтын төшөп беремин деп, Чок кармап турам апа, картайбачы… Мүрөктүн суусу болсо берер элем, Картайбас болуп апа ичер белең. Ааламдын алпы болуп жаралсам, да, Бир жолку азабыңды чечер белем. Дарысын өлбөстүктүн тапсам эгер, Жүзүңдү бырыштардан сактар элем, Дүйнөнү төрт кыдырып көтөрсөм, да, Апаке ак сүтүңдү актар белем Бак-дөөлөт жанар кезиң картайбачы Урман-сый табар кезиң картайбачы Апаке ак сүтүңдөн айланайын Ак жоолук салар кезиң картайбачы Урмат-сый табар кезиң картайбачы

Апаке, мактабачы, көзүмчө көкөлөтүп, Канымдан бүткөнсүң деп үйрөттүң эркелетип. Тирүүңдө алкай турган сөздөргө татыбаймын, Саргартам жол каратып, үйүңдөн эрте кетип. Саргартам жол каратып, апакем, ай, эрте кетип. Аяйсың ачка калсам, акмактык ишке барсам, Адалды аттап өтүп, арамды тиштеп алсам. Мактанып келген кезде, мансапка кызмат кылып, Маңдайдан сылабастан, кайра бир муштап алсаң. Маңдайдан сылабастан, апакем, ай, муштап алсаң. Апаке, даабайсың сен сырыңды угузарга, Кызыңды аяймын деп кайра аны бузуп алба. Сен кетсең зар болормун, сөз тургай карааныңа. Сыйымды көрүп алчы, апакем, көзүң баарда, Сыйымды көрүп алгын, төрүмдөн орун алгын, Апакем, ай, көзүң барда.

Канатым жоктугунан сабалап жете албайм, Сабырым бүт түгөнүп, санааркап кээде сыздайм. Күйбөгөн үмүт болуп жалбырттап жалбарасың, Башканы билбейм, билбейм, мен үчүн сен ганасың. Келер деп эртели-кеч алысты көздөгөндөй, Өзүңө жолукканча өзүмдү сезбегенмин. Көңүлдүн туюгуна көшөрө чабалычы, Ак сүйүү, махабаттын ачкычын табалычы. Бир болуп тагдыр жазбас, кыйналып, кыялданам, Үзүлгөн карааныңды үлбүрөп карап турам. Боюңа боюм таштап, эркиңе эрүүчүмүн, Башканы билбейм, билбейм, мен үчүн бир өзүңсүң.

Сенден чыккан нурга дүйнөм оронот Сен болбосоң өмүр бекер коромок Куш сыяктуу канат күүлөп бийиктеп Жүрөк учат жүрөк учат оболоп Баткан күнөөлөргө башыман Сууруп чыктың сорма дүйнө сазынан Биз келгендер тамчы болсо бир эле А сен билген чексиз мухит казынан Өтсөм экен жолун менен бир демде Өзгөрбөстөн өкчөлбөстөн ирмемге Бакытымды үмүтүмдөн көрсөм деп Бакыт тоосун илип кеттиң бул жерге Пайгамбарым чырагысың дүйнөмдүн Урматына жаркып чыгат күлгон күн Өзүң берген осуятың туу кылып Кантип өмүр сүрүү керек үйрөндүм Сен билгенди кыйын бизге билдиктеш Оюн менен болсок экен бирдиктеш Жараткандын улуулугун карачы Жер жузуно кылган сени киндиктеш Сени билүү сооптун көзүн тапканын Калгасындай акыйкаттын ак таңын Ар кадамын жүрөгүмө бастырып Таазим кылып арнайм сага жазганын

Ойлосом (дале) кетпей түшүмдөн, Оюнуң (да) жиптей тизилген. Эркелүү (да) кээде сылайсың, Ээндеп (да) келип жүзүмдөн. Мээримге (да) толуп кучагым, Мен дагы (да) сени кысамын. Көрбөй бир (а) калсам заматта, Көрүүгө (да) сени кусамын. Татына (да) жаштык өмүрдөн, Таң нурдай (да) жүзүң көрүнгөн. Ташкынын (да) сузуп алсам дейм, Таалайлуу (да) сүйүү көлүңдөн. Көп сүйүү (да) жүгүн артынып. Көз карек (да) сага тартылып. Жалыным (да) сенде жангансыйт, Жаштык от (а) менде бар туруп.

Карап турсам элесиңди сүрөттөн, Эске түшөт көлдүн жээги гүл өскөн. Эсиңдеби, кечиндеги сырдашуу, Сууруп чыгып таттуу сөздү жүрөктөн? Жүрөгүмдү сүйүү турса чыдатпай, Жүзүң жанат балбылдаган чырактай. Суктандырдың, суусаттырдың кайрадан, Эзелтеден бирге жүргөн ынактай. Сансыз жылдыз бизди гана карашып, Мени сенден, сени менден талашып. Көпкө жүрдүк, ойноп-күлдүк, жаркыдык, Кеткичекти аппак болуп таң атып. Бирок мезгил өткөн сайын нарылап, Тетир карап, буруласың ар убак. Азап тартып, арман күчөп жүрөгүм, Үмүт менен жүрөгүмдү дарылап.

Сайраган булбул тилиндей, Көшүтүп көзгө илинбей. Жаш кезиң өтөт турбайбы. Жадырап-жайнап билинбей. Селкилер менен алышып, Бозойлор менен жарышып. Жүргөн кез түшсө эсиме, Жүрөгүм кетет сайышып. Чечедей болуп кадала, Чыкпайт го ал кез санаада. Чачымды бурул басса да, Картайтпайт мени замана.

Ат баспаган асканын, Аралап басып ак карын. Жайыттап күнгөй-тескейин, Кой болду менин бакканым. Тетиги Сары-Кыр жакка, Чойт эркечим, чойт эркечим, баштагын! Тетиги Сары-Кыр жакка, Чойт эркечим, чойт эркечим, баштагын! Ат баспаган асканын Мен бастым шагыл-таштарын. Кой баккан сонун турбайбы, Балалык ойду таштадым. Кара бир тоого, кыр жакка, Чойт эркечим, чойт эркечим, баштагын! Кара бир тоого, кыр жакка, Чойт эркечим, чойт эркечим, баштагын! Деги эле келбейт чарчагым, Аңкыса жыты арчанын. Кыз сүйгөндөй болосуң, Сылап саамай чачтарын. Күн кечтеп кетти короого, Чойт эркечим, чойт эркечим, баштагын! Күн кечтеп кетти короого, Чойт эркечим, чойт эркечим, баштагын! Кара бир тоого, кыр жакка, Чойт эркечим, чойт эркечим, баштагын!