Азербайджанские песни в машину.
Страница 2

FacebookTwitterWhatsAppOdnoklassnikiTelegramVKРесурс Досум мага таарынды, Канатымды кайрыды. Эт жүрөгүм эзгилеп, ай, Неге мынча сагынтты? Жандаш жүргөн дос элек, Жарты нанды бөлчү элек. Экөөбүзгө эмне болду? Бир болобуз дечү элек. Кан досуңа таарынба, Жаңы доско жагынба. Кандаш досуң күйүп-жанат, Барыңда да, жогуңда. Түн болбосо ай болбойт, Суу болбосо көл болбойт. Адамзаты ушундай да, Дос болбосо эл болбойт.

Дүйнөдө ыйык махабат, Жете албай жүрөм төрүнө. Өзүңдөн мээримиң самап, Сүйүп жашайм мен өмүрдө. Жан дүйнөм жетелейт сага, Жолугуп, күндөрдү самап. Сүйүүмдү кайталап айтып, Үмүтүм өзүңө барат. Жүрөктү терең уялап, Жүрөсүң табылгыс жандай. Жамалыңдын нуру тамат, Асмандагы айдай… Кайырма: Ал менин махабатым, Жүрөгүмдү ээлеген ашыктык деми менен. Ал менин махабатым, Үзүлбөс үмүт менен жалгыз сен деп жашап келем. Жылдыздай жанып асманда, Жүрөктү салып арманга. Кусага толуп сезимим, Жашаймын сен деп жалганда. Жарыгым сенсиң, ардагым, Жалының сыйкыр өңдөнүп. Жашоонун муңун-азабын, Жаркыным, бирге бөлөлү. Тумарым болчу өчпөгөн, Туу болуп жүрөк төрүндө. Максатым сенсиң көздөгөн, Жалындуу өмүрдө.

Башка адамга мени таштап, жаным, кетсең, Ал адамга сен жар болуп колуң берсең. Жүрөгүмдө сенин атың өчүрө албай, Баары бир мен сендик болуп кала берем. Кайырма: Сүйөрүмдү айтып жүрсөм ишенбесең ишенбе сен, Сүйөм десем мерез жансың сен сезбеген. Элестетип көз алдыма келбетиңди, Жетпесем да бактылуумун өзүмчө мен. Сезим таза, сүйүү жамгыр себелеген, Кир жукпаган жүрөгүмдө жашайсың сен. Сүйүп жүрүп сүйөрүмдү тана албастан, Баары бир мен сендик болуп кала берем.

Кырчындай кымбат чак калып, Кыйлага бардык жаш-кары. Кундуздай кара чачымдан, Күмүш кыл турат баш багып. Баш бакса мейли, баш баксын, Чачымдын баарын ак бассын. Жыйырмага чыккан жаңыдан, Селкилер менен жашташмын. Жыйырмага чыккан жаңыдан, Жигиттер менен жашташмын. Абайлап жүрбөй кокустан, Ашыппыз бекер отуздан. «Агатай, кайра кайрыл» деп, Аркамдан чуркайт отуз жаш. Салтанат күүсүн көп угам, Заманам шайыр деп угам. Кырчындай кыздар турганда Кырк жашка чыгып не кылам? Кырчындай кыздар турганда Элүүгө чыгып не кылам? Карылык деген кашаң ат, Карытат эми шакалап. Карысак шашпай карыйлы, Картайбайт, бирок махабат. Кездешер биздин кесилиш, Коё тур келбей, жетимиш. Алтымыш ашуу аша элек, Келбей тур, келбе, жетимиш. Алтымыш ашуу аша элек, Коё тур, келбе, жетимиш.

Жан дүйнөмдүн жарык шооласы, Сени издейт чексиз ааламда. Мээрим чачып турсаң жүрөккө Бул жалганда. Тагдырымдын белегисиңби, Таңдагы периштем сенсиңби, Таң каларлык нуру төгүлгөн элесиңби? Кайырма: Таңдын нуру сага төгүлүп, Маайыңдан жылдыз көрүнүп, Сени сүйдүм, таңдын сулуусу. Жүрөгүмө сүйүү ойготуп, Таң сулуусу, азыр кайдасың? Аламбы деп сени жоготуп, Издейм сени табуу айласын. Кайырма: Таңдын нуру сага төгүлүп, Маанайыңдан жылдыз көрүнүп, Сени сүйдүм, таңдын сулуусу. Саамайыңдан салкын жел сылап, Сага гана арнап гүл сунам, Табышмактуу тандын сулуусу.

Муңкандырып жүзүмдү, Жылдарым жылып баратат, Эңсетип жалгыз өзүңдү. Арман көлүн кечербиз, Байланып аруу сезимге, Бакытсыз жандар экенбиз. Кайырма: Арманымдын азабын кечтим, Мендей сага каалабас бакыт эч ким. Ардагым, сүйө албас мендей эч ким. Арманымдын азабын кечтим, Мендей сага каалабас бакыт эч ким. Ардагым, сүйө албас мендей эч ким. Сен назик жүрөгүмдү өзүң ыйлаттың, Сен жүрөгүмдүн дартын ырбаттың, махабатым. Мен сезимге канат байлап сага учкам, Мен сени ай-ааламда ыйык туткам, махабатым. Жүрөгүмө элесиң, Уялады терең-терең, Бил, сезимим сени менен. Арманга сен алдырба, Айыпсыз жаным кайгырба, Ансыз да баттым кайгыга.

Айлана, аралайсың жай гана, Айдай жүзүңө калдым арбала. Садагам, менин садагам, Жаным, карегиңден сенин айланам. Кайырма: Жүрөм көзүңдү самап, Мага күлгөнүң жагат, Тартылам көздөрүңө сенин карагат. Таттуу, ширин махабат, ортобузда жаралат, Көздөрүң көздөрүмө менин кадалат. Жаным ай, жарым болчу сен белең, Таза сезимиң менен жараткан берген. Жанымдай эркелечи, берекем, Жашайбыз бирге ак сүйүү менен.

Жылдар жылып, айлар агып артта калды, Саргайгансыйт сагынычтын барактары. Жалгыздыкка сырдаш болдум элден азып, Менин бактым, менин сырым кайда? Кайырма: Гүлүм, жыпар жытың мага керек, Күнүм, нурларыңа баткым келет. Түнүм, тынчтыгыңа тынгым келет, Гүлүм, гүлүм. Түнүм чексиз, күнүм элсиз өтүп жатты, Неге тагдыр бакыт кушун менден катты? Салам айтам алыс учкан ак кушумдан, Алсам керек менин жазган ыр сабым.

Телегейим бүгүн тегиз кези, Теңирим мага сүйүү берди. Теребел дагы сүйүп сени, Термелди… Бүчүрүн байлап, бүрдөп багым, Бүгүн жаш баары, бүгүн жаңы. Бүт дүйнө жүзү гүлдөп жазга, Жазга айланды… Кайырма: Жан биргем аярым, Жароокер ардайым. Бул жашоодо жалгыз, Сени тандадым. Карегиң жанганын, Кароодон канбадым. Тагдырлашым сени, Бир сени тандадым Ак жүзүң түсүндөй булуттун, Аруусуң, тазасың, тунуксуң. Сен менен капалыкты дагы унуттум… Бактымдын гүл болуп ашканы, Бар жашоо бал татый баштады. Суранам сенден сүйөм дебе. менден башканы…

Күтүп жүргөн күндүн таңы аттыбы, Күлгүн нуру жүрөгүмө жактыбы? Чырайың чылап ичпедим, Тийди тиктешиң, Тилиме жанып, тилегиме гүл тиккениң. Кайырма: Керилген керемет пери, Сезимимдеги, Келчи, келчи. Керилген керемет сезим, Кечигип келди, келди, Кең дүйнө сезилди. Жүрөгүмдүн жүдөгөнүн билбедиң, Үзүп түшкөн үмүтүмдүн илгени. Бар белең, кайда жүргөнсүң, Бакыт жүрөгүм? Жанданат эми кайра кургаган мүрөгүм.

Ачылган гүлдөйсүң, жаным, татына, Чачылган кирпиктериңе тартыла. Жанчылам жалгыз өзүңө жалына, Ай-ай-ай, ай-ай-ай… Таң атса, жаңы сага күн батат, Тартылган көздөрүңө мактанат. Түркүн түс түрмөктөп сүйлөгөнүң, Түртүлгөн кош төшүң үйлөнгөнбү? Кадамың майда-майда таштаганың, Жүрөктү дүкүлдөтө баштаганың. Артыңдан калбай ээрчигенмин, Азгырат алча эриндериң (өзүнчө эле Sexy!!!). Кайырма: Жылмайсаң жылбай калам, кагыламын, Жылтырап чыга келсең жарыламын. Интернет дарек-дареметиң, Ирмесең карек какты демим. Курчаган курдаштарың тим эле, (тим эле) Сулуусу араңарда ким эле? Сырдашкан сырларың жигиттерди, Сыласаң сынып жибитеби?

FacebookTwitterWhatsAppOdnoklassnikiTelegramVKРесурс Табият таалайына берген жерим, Ала-Тоо ак мөңгүлүү, толгон кени. Оргуштап булактары атырылып, Көргөндүн көтөрүлөт жүрөк деми. Кайырма: Черткенде шаңшый берет үч кыл комуз, Бабалар бата берет, кошуп добуш. Төбөдө көпкөк асман күбө болгон, Теңир-Тоо — ата конуш кыргыз тапкан. Кыргызым, элим кыргызым, Кыргызым, элим кыргызым, Элим кыргызым… Кыргызым кылым санап арыбаган, Таалайы өнүп-өсүп карыбаган. Тамшанткан Теңир-Тоонун табияты, Сырт жактан келгендерди таңыркаткан.

Көздөрүң жымыңдап, Көтөрүп көңүлдү. Нурлары төгүлгөн, Жарык күн болуп көрүндүң. Кыздардан өзгөчө, Кылыгың башкача. Туптунук булактай, Жүрөгүң таптаза, Жүрөгүмдү сен кыйнаба. Кайырма: Нарындык периштем, Жүзүң сулуу келишкен. Нарындык периштем, Жүрөгүмдү эриткен. Нарындык периштем, Жүзүң сулуу келишкен. Нарындык периштем, Жүрөгүмдү эриткен. Кызгалдак жүзүңдү, Шыңгыраган күлкүңдү. Көргүм келет өзүңдү, Моокум канбай кайра-кайра. Каратып жолуңду, Карматпадың колумду. Кайсалатпа, кыйнаба, Сен менин оюмду, Жүрөгүмдү сен кыйнаба. Кайырма: Нарындык периштем, Жүзүң сулуу келишкен. Нарындык периштем, Жүрөгүмдү эриткен. Нарындык периштем, Жүзүң сулуу келишкен. Нарындык периштем, Жүрөгүмдү эриткен.

Ай-жылдызга тең, айкөл терең деңизден, Ай-ааламдай кең, жароокер менин периштем. Апа деген кандай, Ар бири аруу таңдай. Жыты күндүн нуру, Баркы бийик асмандай. Кайырма: Энекем, энекем менин энекем, Энекем, энекем менин берекем. Жүрөгүбүзгө мээрим сүйүү тамызган, Аялзат, эне аздектелет тарыхтан. Апа деген кандай, Ар бири аруу таңдай. Жыты күндүн нуру, Баркы бийик асмандай. Кайырма: Энекем, энекем менин энекем, Энекем, энекем менин берекем.

Отту кечип ойногон, Оюнга, ишке тойбогон. Оомал-төкмөл дүйнөнүн, Оош-кыйышын оңдогон. Ооргуп-баргып күч-кубат, Ооруу-сыркоо болбогон. Ошол кыргыз бий менен, Ойдолоктоп ойгоном. Кайырма: Эриндери бүлкүлдөп, Үкүлөрү үлпүлдөп. Кыздар бийлейт ийиктей, Ийиндери сүлкүлдөп. Карек күйгөн биликтей, Чарчаганды билишпей. Бийге дене жибитпей, Турган жигит жигитпи эй! Шамал менен жарышкан, Шам тилегин жагышкан. Шаан-шөөкөттүү кыргыз эл, Шаабайы аткан жарык таң. Шарактаган келин-кыз, Шайдоот жигит бери чык. Шай оогончо бийлейли, Шалкылдасын дене ысып. Кайырма: Бүткөн бойлор дүркүрөп, Жигит сүрү күркүрөп. Бийде кубат, күлкү көп, Бийле турбай мүңкүрөп. Бийле кары жаш дебей, Бийле кубат аз дебей. Бир келген бул өмүрдө, Бийлеп турган жакшы эмей.

Тайкы ойлоп, сараң болушпай, Таңкы салкын жайкы конуштай. Жүрөк сырын бирге чечишип, Жүрөлүчү көңүл оорутпай. Кайырма: Жакын жүрсөк, оолак болушпай, Жаман айтып, аңдып тоорушпай. Мезгилибиз, мезгилибиз өтөр кош айтып, Жүрөлүчү көңүл оорутпай. Түнт мүнөздүү, түркөй болушпай, Ойноп-күлсөк, ойго коюшпай. Гүлдөй назик адам көңүлү, Жүрөлүчү жүрөк оорутпай.

Көздөрүнө өзгөнүн, Окшобогон көздөрүң… Мынча көпкө тигилип, Менден нени көздөдүң? Айтчы, эмне? Арзуубу же Азгырыкпы сөздөрүң? Кайырма: Тийген кезде колума, Чоктой ысык эриниң. Коргошундай колуңда, Балмуздактай эридим. Кош билегиң билерик, Боорго тартып имерип. Көздөрүмө көзүңдү, Көз ирмемге жиберип, Окуп алдың сен мени, Тапканымды тиленип.