Азербайджанские песни в машину.
Страница 6

Сенсиз жаным, Менин өмүрлүк жарым, Жашоонун кызыгы жок бул дүйнөдө. Сүйүү шооласын мага чачып турган, Күн болуп бир өзүңсүң, сен гана. Сенсиз жаным, Менин өмүрлүк жарым, Мынчалык бакыт болбос үй-бүлөдө, Жашайсың чоң күч-кубат берип мага. Кайырма: Тилегеним экөөбүздүн ак сүйүүбүз, Жашай берсе деп кылымдарга. Сүйүү гүлүн, бүт өмүрүм, Арнаймын мен бир сага. Кайсы жерде жүрсөм да оюм сенде, Жүрөгүм кумарланат сага тартып. Көргөнчө шашыламын көз алдыма, Элестеп жүзүң аппак, татына. Кайсы жерде жүрсөм да оюм сенде, Өзүңө күндөн-күнгө сүйүүм артып, Айтарлык ыраазымын мен бактыма.

Ош шаарымдын так ортосу Ширин шорпосу Он Адырлык кыз жасайт Лагман созмосун Ош шаарымдын четине Барамын кечинде Он Адырдан боломун дегениң эсимде Кайырма: Он Адырлык кыз Оттой жанасыз Ойноп күлүп жүрөктөн Көңүлдү аласыз Ак бууранын боюндан Кетпей оюмдан Наржан тагып койсом Жарашат моюнуңа Чырагым жаркылдап Күлкүң сонун да Качпа гүзаль асаль кыз Түшөсүң торума Аке деген сөздөрүңдөн Он Адырлык кыз Калемкаша көздөрүңдөн Он Адырлык кыз Дадаң чыкса сөка тилдейт Он Адырлык кыз Эң яма качасыз дейт Он Адырлык кыз

Ардагым менин апакем Аздектеп сыйлайм берекем Таманы асты бейиши Аруузат сенсиң энекем Өзүңдү далай кейиттим Акылга эми кезиктим Кайырма: Кечиргин апа кечиргин Ак сүтүңдү актаар бекенмин Кечиргин апа кечиргин Ак батаңды алып жетилдим Балам деп соккон жүрөгүң Үзүлбөй ар күн мүдөрү Кечиргин Төрүмдүн көркү апакем Мээримиң чексиз кең экен Уул-кыздан көрүп сый-урмат Эрчише жүрсө неберең Умра мекке ажылык Барганга сообу тең экен Сагындым сени апакем Көз жашты аарчыйм каректен Жүрсө деп дайым дени сак Кудайдан тилейм берекем Кечиргин апа тентегин Эркелеп сага келемин

Алтын балык кармадым Тилек айтпадым Аздыр көптүр өкүнүч Башым чайкадым Алты саның аманда Жыргап жашагын Келе берет ооматың Койчу башкасын Жалган жашоо жомок да Айтсам болот да Билип байлык дүнүйөң да Жалтыр боекта Жакшылыкта ардайым Бар бол айтарым Алтын балык кармадым Арзуу айтпадым Ар күн сайын сыноолор Артка кайтпадым Көрсөм дагы баарысын Ичке сактадым Келе берет ооматтың Койчу башкасын Алтын балык кармадым Калоо айтпадым Баарына мен жагам деп Арга таппадым Өзүмдү мен жоготтум да Артка кайтпадым Келе берет ооматтың Койчу башкасын

Кара көзүң күлгүн жүндөп Карап көзүң сүзүшүндөн Кумар болдум бир өзүңө Мен дагы эле сагынып жүрөм Ай чырайың ажарыңдан Жайнап турган жанарыңдан Зар болдум го зарыктырба Мен дагы эле сагынып жүрөм Жолуң карап күткүлөбө Үмүт сенден үзүлбөгөн Сага жоктур мендей күйгөн Мен дагы эле сагынып жүрөм

Ашык болдум кара көзгө мен Сулуулугу айга күнгө тең Сурай албай турдум жанында Аты жөнүң ким болду экен Жылмайганы жүрөктү эзди Күтөр болдум сен келчү кезди Кайсыл жерде болду дарегиң Сезим арнар мына кез келди Кайырма: Ала- Букадансыңбы Аксыдансыңбы Базар- Коргон тараптан Сузактансыңбы Же ордолуу Оштонбу Алайдансыңбы Айтчы мага дарегин айтчы Жалал-Абадтан бекесиң Токтогулданбы Же Нарындык Жумгалдык Кочкорунанбы Ай тору сени таппасам жүрөгүм канат Айтчы мага дарегин айтчы Жылт деп жаңган жылдыздай болуп Көөдөнүмө сезимдер толуп Издеп кайдан табам өзүңдү Же каламбы ак сүйүүм соолуп Көзгө сүйкүм элес тартылып Койбо мени азап тарттырып Үмүтүң чоң сени көрүүгө Кайың болдум сезим калтырап Кайырма: Талас тараптансыңбы Чаткалдансыңбы Же Ат- Башы Казарман Кызарттансыңбы Ысык — Көлбү Жети -Өгүз Балыкчыданбы Айтчы мага кабарын айтчы Кызыл -Кыя Баткенден Кадамжайданбы Чүй Сокулук Канттанбы Же Кара -Сууданбы Ай тору сени таппасам жүрөк муун канат Айтчы мага дарегин айтчы

Кыйналсам ойлогон, жыгылсам колдогон, Жүрөгү мага тамырлаш… Чарчасам дем берген, билгенин тең бөлгөн, Сендей дос такыр табылбас! Кайырма: Эң жакын досум, эң асыл досум, Кеңеш айтып, кубат берген жанга. Эң жакын досум, эң асыл досум, Колум узун жанымда сен барда. Достуктан чеп куруп, намыска бек туруп, Чогулуп далай кырды аштың… Бүткөнчө өмүрлөр, калбасын көңүлдөр, Мен үчүн дайым кымбатсың

Жыгылдым, сүзүлдүм, жыдыдым, көп күйдүм, Чыйралдым сенден, жаштык, ай. Ойнодум, көп күлдүм, ойлонбой көп жүрдүм, Арман жок сенден, жаштык, ай, сенден, жаштык, ай. Унуткус күн калды, уйкусуз түн калды, Өткүндөй белең, жаштык, ай? Тергетер сүр калды, термелип гүл калды, Жашыл жаз белең, жаштык, ай, жазым жаштык, ай? Кайырма: Жакшысын жакшыдай, жаманын жамандай, Жаштыктан көрдүк ылгабай. Бирде тез, бирде жай, аттиң, ай, аттиң, ай, Кетеби бизден алыстай? Ай, жаштык, жаштык, ай? Ай, курган мастык, ай, өткөрдүк сени барктабай. Күчтөнөм, күчтөнөм, мен эми күүлөнөм, Отузга оңой алдырбай, жазым жаштык, ай. Сыздатар заары жок, чыны бар, жалган жок, Таза элең дайым, жаштык, ай. Жакшы бар, жаман жок, сага айтар арман жок, Кайыр кош эми, жаштык, ай, менден жаштык, ай. Кайырма: Жакшысын жакшыдай, жаманын жамандай, Жаштыктан көрдүк ылгабай. Бирде тез, бирде жай, аттиң, ай, аттиң, ай, Кетеби бизден алыстай? Ай, жаштык, жаштык, ай? Ай, курган мастык, ай, өткөрдүк сени барктабай. Күчтөнөм, күчтөнөм, мен эми күүлөнөм, Отузга оңой алдырбай, кырк жашка жеңил алдырбай. Отузга оңой алдырбай, элүүгө жеңил алдырбай.

Мекенден алыс жүрөт адамдар, Бакытын издеп келди кадамдар. Тоо кушун кенен батыра алган, Тоолордон алыс сырдуу калаа бар. Кайырма: Бишкек-Москва, учуп барам мен сага, Күтүп ал, тосуп ал, мекениме кайтканча. Москва, Москва, койну кенен садага, Тарых бир, тагдыр бир, өлкөбүзгө сен ага. Сүйүүлөр калды кусалык бүтүп, Жаш балдар жүрөт апасын күтүп. Алыста алар жыргап жүргөн жок, Кумурска күндүз, түнкүсүн үкүк. Кайырма: Аталар коркуп уулун узаткан, Секелек барат мектеп курактан. Ыйлаба апа, кайра келемин, Суу ичким келет тунук булактан.

Досту таптым сыйды билип, ийилген, Душман таптым дос терисин кийинген. Айырмасын аңдап билип алардын, Аста кадам жасап калдым кийин мен. Достун досу сыноолордо билинген. Жакшылыкта жандап баары көп жүрдү, Жасалмасы далай көңүл чөктүрдү. Кээ бирлери кыйын күндө табалып, Кемчилигим чукуй берип, өстүрдү. Достор менен көрдүм түркүн мезгилди. Чыйыр жолу болор менин бактымдын, Чын достордун ак жүрөгүн жактырдым. Ичи көңдөй, пейили тар, жасалма, Жаман досту жаратканга тапшырдым, Жасалмасын жаратканга тапшырдым. Кас досторду көңүлүмдөн жат кылдым.

Жигиттербиз шок, жүрөгүндө от, Ар түркүн кыялга баткан, Сезимде кир жок, көңүлдөрү ток, Кайгысыз көчөдө баскан. Кайырма: Оппа, оппа жигиттер, Жаштыктын жүрөгү. Оп, эй жигиттер, Намыстын тиреги. Оппа, оппа жигиттер, Сүйүүгө мас болгон, Оп, эй жигиттер, Калгыла жаш бойдон. Жалындуу жүрөк, жүз кызды сүйөт. Жакшы кыз табышты Кудайдан тилеп. Кара көз сынап, чыкпаса кыйнап, Калабыз көчөдө түнөп. Сүрөттөрү көп, бирк бирдик жок, Телефон көтөрөт темеле кымбат. Көз айнек тагат, колунда бар саат, Акча жок чөнтөктө сурасаң чындап. Жашообуз кызык, тилектер тунук, Максаты аскадай бийик. Жолдон кайтпаган, жок деп айтпаган, Биз азыр берешен жигит. Кайырма: Мактанууга зар, машинеси бар, Сурасаң баары бир атасыныкы ал. Колунда бүт бар, ишетеген иши бар, Дагы да, атасыныкы да ал. Силерде өзү эмне бар, а? Жигиттерде күч бар, таттуу көргөн түш бар, Көңүлдүү ыргак, акчадан кымбат. Улууга урмат, кичүүгө ызат, Жаштык, сүйүү, намыс, Жакшы нерсе бүт бар.

Ээлеген эрке жел чырайын, Энчилеп алууну сурайын. Көп күндү уйкусуз өткөрдүм, Болсо деп келечек жубайым. Издеп бактымды жолуңду карагам, Арылбай муңдуу санаадан. Түшүмдө билсең колуңду кармагам, Ал түштү ойдо сактагам. Кайырма: Жанымдай сезилесиң сен мага, Теңи жүрөктүн өзүң тек гана. Жаңылбай убакыттар өтсө да, Болсунчу биздин жолдор бир гана. Махабат кемеси сүйүүнүн, Бир болуу — түбөлүк үмүтүм. Ааламдын ажарын атайын, Арнагым келет бир сен үчүн. Издеп бактымды жолуңду карагам, Арылбай муңдуу санаадан. Түшүмдө билсең колуңду кармагам Ал түштү ойдо сактагам.

Ассалому алейкум, кыргыз жерим, аманбы? Таазим кылып алдыңарга, калкым, айтам саламды. Улуу тоодой бийик сен, улуулугуң билип мен, Аталардын ак сөзү азык болуп жүрөк жибиткен. Аруулукту тандаган эл, мага кымбат эсени, Асман тиреп алгалай бер, асыл турак мекеним. Ак калпакчан атадан акыл кени жаралган, Ак элечек ападан ааламга эл таралган. Тээ байыртан көчүп-конуп Ала-Тоого келгенбиз, Канчалаган кыйын күндү, кеменгербиз, жеңгенбиз. Асыл элим — тунук жан, ырын ырдап, куруп шаң, Четтен келген элдерге достук колун дайым сунушкан. Улутумдун амандыгын эңсеп согот жүрөгүм, Алакандай Кыргызстандын өркүндөшүн тилеймин. Жаштар бирге жалын күндө келечекке жол салып, Эл-жерине жанып күндө, жарык болуу — чоң бакыт.

Ийинимде артылган, куржун толо ырым бар, Жүрөгүмдө басылган, сандык толо сырым бар. Чырмалышкан дүйнөмө, чечилбеген түйүн бар, Теңеле албай башкага, тебеленген сүйүүм бар. Кайырма: А мен пенде шашпаган, Жараланган, аксаган. Жараткандан бак тилеп, Жаман жолго баспаган. А мен пенде жашыкмын, Дале болсо ашыкмын, Аруу сүйгөн жан элем, Кай жеримден жазыктым. Арман менен кайгымды, айтып берет кайрыгым, Андан башка мүмкүн жок, ошол менин байлыгым. Ыдыраткан жашоомду, ырас ошол түйүн бар, Ырым муңдуу болсо да, ызаланган сүйүүм бар.

Куттукташып, кубанышып, Сагынычтын черин жазып. Гүл кучактап, күлүп-жайнап, Амандашып кучак жайып. Бийле, ырдап, бизди жандап, бүгүн майрамда, Аттиң кылбай, бийле тынбай, армандарда калбай. Кайырма: Бүгүн жар-жар үлпөт той, Бүгүн элиң күткөн той. Бүгүн ырдап, күлүп кой, Бүтпөсө экен ушул той. Аксакалдар бата берет, Жараткандан тынчтык сурап. Ак жоолукчан чоң энелер, Ак тилегин тилеп турат. Эркелешсе неберелер жүрөк кубанат, Оттой жанып улан-кыздар оюн-күлкү курат.