Асель Турдалиева.
 Слушать песни исполнителя и скачать онлайн

Кызганамын өзүнчө, Сүйүп калган өңдүү негедир эле. Карашса үмүттүү, Жылмайышып баары жалгыз сизге эле. Курбу кыздар кызыгышып, Кебетиңизге, келбетиңизге… Кайырма Ах, байке, эгер сизден, Уялбастан барсам алдыңызга ийиле. Кол сунуп, чакырсам, келесизби бийге? Келесизби бийге? Келиңизчи, байке! Жолдошуңуз жанаша, Ачуу сырын салып, карайт го бизди. Көзүмдөн сезсе деп, Карап, күтө берем келишиңизди. Жаным берип сүйбөсөм да, Жактырдым сизди, жактырдым сизди.

Атыңдан кагылайын, алтын апа, Алыста жүргөнүмө санаа тартпа. Максаты ар бир жаштын билим алуу, Азыркы гүлдөп турган ушул чакта. Кайырма: Алтын апа, болбочу капа, Кызың үчүн санаа тартпа. Алтын апа, кат жазам сага, Сен мен үчүн санаа тартпа, Алтын апа. Күнүгө үйдөн чыгып жолду карап, Келсечи деп жүргөндүрсүң күндү карап. Максатым адам болуу дал өзүңдөй, Элимдин керегине турган жарап. Кайырма: Күндө эстейм сенин туурук колдоруңду, Ал колдор көрсөткөнсүйт жолдоруңду. Оболоп жылдыз болуу — улуу максат, Жетелеп иликтирет ойлорумду.

Сахна, сахна, жүрөк ыр деп согорун, Ырсыз жашоо кандай кыйын болорун. Ырдаганда, ыйлаганда билсин деп, Ырдан бүткөн кучагыңа ородуң. Кайырма: Сахна, сахна, асыл ырдын жомогу, Алгач менин сен деп чыккан обонум. Ал кездеги кичинекей кара кыз, Асел, Асел деген аймончогуң боломун. Сахна, сахна, сага бердим кечимди, Сактап жүргөн сагынычтуу сезимди. Сага деген саламымды, санаамды, Сага деген саргая элек кезимди. Кайырма: Жакшы ырлар көтөрөт дейт көңүлдү, Жакшылыктар ээлей берсин төрүңдү. Силер келип коштоп, колдоп турсаңар, Мен ыр менен узартайын өмүрдү.

Жел жүрсө бийлеп, сайран куруп, Толкундар көлдө ойногон. Ак Куудай канат жайган булут, Кылаалап көлдө бойлогон. Ысык-Көл жаштык жыргалындай, Сүйүүнүн ырларындай. Ысык-Көл жаштык жыргалындай, Сүйүүнүн ырындай. Түнүндө көлдүн көркүн карап, Толгон ай сызып баратат. Ак Куудай көлдүн көркүн карап, Көргөндө көзүң талашат. Ысык-Көл өмүр жыргалындай, Махабат ырларындай Ысык-Көл өмүр жыргалындай, Махабат ырындай Ысык-Көл өмүр жыргалындай, Махабат ырындай Ысык-Көл жаштык жыргалындай, Сүйүүнүн ырындай Чардактар кайкып баспай чуусун, Ысык-Көлүм толкуп жаткан. Учуруп кыздар кардай куусун, Шаңкылдап боорлору каткан. Ысык-Көл өмүр жыргалындай, Сүйүүнүн ырларындай Ысык-Көл жаштык жыргалындай, Махабат ырларындай Ысык-Көл өмүр жыргалындай, Сүйүүнүн ырындай Ысык-Көл жаштык жыргалындай, Махабат ырындай

Жаз жамгыры жаайт экилеп, Тахти-тахти-тах-тах. Тереземди улам черткилеп, Тахти-тахти-тах-тах. Теребел да жашыл түстүү, Бүгүн сулуу өзгөчө. Толкунданат жаш жүрөгүм, Сени гана көздөгөн. Кайырма: Жашын төккөн жазгы жамгыр булуттардай, Ыйлай бердим бул жашоону унуткандай. Кээде карап күлмүңдөгөн сүрөтүңө, Ыйлай бердим ушул жазды унуткандай. Жамгыр мага күүсүн энчилеп, Тахти-тахти-тах-тах. Бул заманда сүйүүм кечигет Тахти-тахти-тах-тах. Сагынычка батынамын, Дале-дале сыздаймын. Кайда жүрсөң, угаттыр деп, Жамгыр ырын ырдаймын. Кайырма: Жашын төккөн жазгы жамгыр булуттардай, Ыйлай бердим бул жашоону унуткандай. Кээде карап күлмүңдөгөн сүрөтүңө, Ыйлай бердим ушул жазды унуткандай.

FacebookTwitterWhatsAppOdnoklassnikiTelegramVKРесурс Кетким келбейт, өчкүм келбейт, Жер бетинен калайык. Таңы да бар, багы да бар Жердин бети адам үчүн ылайык. Араңардан санааңардан кетким келбейт досторум, Баары бар, наары бар тирүүлүктүн көтөрүшүп тосторун. Кайырма: Чаңкаганга, суусаганга, Булак болуп мен агайын. Кеч киргенде, жер бетине, Карегимден чыгак жасап жагайын. Кетким келбейт, өчкүм келбейт, Жер бетинен адамдар. Жазы жаңы, жарык таңы, Келечекте бизди күткөн заман бар.

Намысымдын урматына сырымды, Көкүрөктүн түпкүрүнө жашырып. Калдым чекене боло албай бир ырга, Ырдап берем угасызбы, азыр ук. Ырдап берем угасызбы, Обон созом угасызбы, Ырдап берем угасызбы, азыр ук. Жок, жок укпа, сыртка чыкпайт ал обон, Кайрыктарын ичтен кайрыйт жүрөгүм. Билмексенге салбайын деп турсам да, Сизди, көздөрүм айтып коёт сүйөрүн. Көздөрүм айтып коёт, Өзү эле айтып коет, Көздөрүм, ай айтып коёт сүйөрүн. Ырым менин өзүн баркын билбеген, Асыл ташым аттап өтүп өзгөнү. Сизди көргөм көп ичинен миңдеген, Менин, көздөрүм, ай, көздөрүм, ай, көздөрүм Көздөрүм, ай, сизди сүйгөн, Көргүм келип оттой күйгөн, Көздөрүм, ай, көздөрүм, ай, көздөрүм. Көздөрүм айтып коёт, Өзү эле айтып коет, Көздөрүм, ай айтып коёт сүйөрүн.

Алгачкы ирет жолукканда, Арбап турган каректериң. Сен коштошуп кетериңде, Өзүмдү алдап мен келет дедим. Кайырма: Ошондогу сен экөөбүз, Таанышкан күн эсиңдеби? Дале менин көз алдымда, Кубанычтар сезимдеги. Узаатаарда жүрөгүңө, Башым жөлөй сен сүйөм дедиң. Ак жүзүңдөн мен аймалай, Кыналышкан эрдиңе эрдим. Кайырма: Биз таанышкан ошол күндү, Эстей жүрсө экен деймин дайым. Жашоомдогу бир жаралган, Менин күнүм сен, менин айым.

Жайлоонун салкын таныңдай, Жашоонун мөмө шагындай. Жүзүңдөн шаттык ойносо, Жүрөгүм толкуйт Нарындай. Нарындай гүлдүү жагышын, Нарындай өчпөс жарыгын. Саамайын сылап тоо жели, Сагынтат сүйүү жалыны. Билесиң, кызыгын, Анарым, Нарындын кайда агарын. Сен десем жүрөк жалындап, Сергиткен күүнү табамын

Над вечерним городом моим, Проплывают тени вечеров. Как прекрасен ты в такие дни, На вечерний город посмотри. Посмотри, увидишь ту красу, Чем объять любимый город наш? Как прекрасны творения твои, Мать природа, еще раз сотвори. Кайырма: Фрунзе – красивый город наш, Фрунзе, цвети и радуй нас. Фрунзе, я тебя люблю, живи… Фрунзе — сулуу шаарым менин, Фрунзе — гүлдөгүн, жашагын, Фрунзе — мен сени сүйөм, жаша… Как прекрасны творения твои, Где родились братья и отцы. Где всю жизнь проживешь и ты, Проживут и правнуки твои. Как прекрасна жизнь ты моя, Много света, счастья и добра. Принесешь не только одному, Наш вечерный, любимый город наш!

Канча кар жаап жамгыр жууп Өчүптүр издер Канча мезгил канча өмүр көчүптүр бизден Ал ансайын достуктун Алтын чынары Тамыр жайып дүмөлөп өсүптүр бизден Кайырма: Чын жүрөктөн чечилип Сырдашкан досум Кучак жайып кубанып Сыйлашкан досум Үй-бүлөдө жашоодо Тилегибиз бир Жакшы жаман күндөрдө Кыйбас жан досум Каниете дос болуп Жаштык оюнга Курбу болуп эрчишип Достук жолунда Бир келебиз сырдашып Бирге көтөрүп Бул дүйнөнүн Ак — көгү бары жогунда Кайырма: Кыйын кезде кыйгачтап Кетпедиң досум Күйүнсөкта сүйүнсөк Эстедик досум Күйгүзөм деп канчалар Каалаган менен Күмөндүгүн достуктун Сезбедик досум

Кайткан куштун канатынын издерин, Ак булуттун арасынан издедим. Тапкан жокмун, тапкан жокмун, эридиби дегенсип, Мен элейип суу тереңин тиктедим. Кайырма: Көрүнбөгөн, табылбаган немени, Тажабастан издей берем мен эми. Адамдарга ааламда жок күч берет, Акыр бир күн аны табам дегеним. Келген куштун, кереметтүү абанын, Желпип соккон жер бетинен карадым. Көрүнбөдү, көрүнбөдү көксөп учкан көңүлүм, Куйкаланды кучагына санаанын. Кайырма: Көрүнбөгөн, табылбаган немени, Тажабастан издей берем мен эми. Адамдарга ааламда жок күч берет, Акыр бир күн аны табам дегеним.

Кандай сонун бул жашоодо сүйүү тапсаң, Ак сүйүүдөн сен эч качан айрылбасаң. Тоскоолдуктарга жеңилип ажырашпастан, Түбөлүккө кол кармашып чогуу бассаң. Кайырма: А бирок бул жомок, Андай сүйүү жашоодо жок. А бирок бул жомок, Андай сүйүү жашоодо жок. Ооруганда сени көрүп күйүп турса, Кыйналганда жөлөк болуп, күлүп турса. Барга көппөй, жокко чөкпөй сенин сүйгөнүң, Өмүр бою жалгыз сени сүйүп турса. Кайырма: А бирок бул жомок, Андай сүйүү жашоодо жок. А бирок бул жомок, Андай сүйүү жашоодо жок.

Өмүрүмдүн жалгыз арманы, Өкүнүчтүн жансыз салмагы. Өзүң деген ыйык тилегим, Өргө жетпей өксүп калганым. Чулгап алып мени кусалык, Сени күткөн түндөр узарып. Өмүр токтоп ошол ирмемдер, Отургансыйм жылбай тушалып. Кайырма: Кечирип кой, жаным, эрмегим, Кымбатымсың, кыйбасым менин. Түбөлүктүү сенин энчиңе, Тун сүйүүмдү арнап бергенмин. Салаалаган ысык жаш тамып, Самабадым неге башканы? Жазда кирген албуут дайрадай, Сагынычымдын ашып-ташканы. Кайырма: Кечирип кой, жаным, эрмегим, Кымбатымсың, кыйбасым менин. Түбөлүктүү сенин энчиңе, Тун сүйүүмдү арнап бергенмин.

Айыл арты шиберлүү саз, талаа көк, Бой жеткендер бүт чогулуп, бала көп. Атаандашып жылдыздарга ышкыбоз, Айлуу түндө биз ойнодук, биз ойнодук ак чөлмөк. Мен ыргыттым, менден мурда сен жеттиң, Туйганы жок менден башка сени эч ким. Жалгыз менин сезимиме себепкер, Учкандарды көздөрүңө, көздөрүңө чекиттиң. Айыл арты шиберлүү саз, талаа көк, Бой тарткандар бүт чогулуп, бала көп. Атаандашып жылдыздарга ышкыбыз, Айлуу түндө биз ойнодук, биз ойнодук ак чөлмөк.