Rap & Hip-Hop на азербайджанском языке.
Страница 4

Өзгөчө нерсенин баары, өлкөнүн өрчүгөн жагы, Өзгөчө нерсенин баары өлкөбүздүн мен жараны. Келечегимдин элеси мен үчүн өзгөчө нерсе, Кыргызым өзгөрүп кетсе, кетсе өзгөрбөсүн терске. Жашоонун баркын билем кудай аны мага берген, Деле сонун тилим бар жеке кыгыз тилим менен. Желбиреген желегимдин жеке менчик гимни бар, Дүйнөлүк картадан табас мага чакан жерим бар. Жагабы жакпайбы сага улутум болсо кыргыз, Алакандай тууганым бар, улуу кыргыз мына биз. Таразанын оң жак бетин көбүрөөк байлык басат, Анын баарын чубап көрсөң эки көзүң кычышат. Келиңиз өтүңүз төргө уялбаңыз суранам, Конокту тосуу милдетим алыңыз беш бармактан. Суусасаңыз бозо, жарма, кымызды сизге сунам, Сый урматта мейман тосуу атадан бизге калган. Ушул жерде төрөлдүм, ак бешикке бөлөндүм, Ата Журт жерим менин, кереги жок бөлөктүн. Ушул жерде төрөлдүм, ак бешикке бөлөндүм, Кыргызстан жерим менин, кереги жок бөлөктүн. Кайырма : Чу , Чу , Чу , Чу , Көлөкөдө жашынбайбыз , көкөлөп мактанбайбыз, Өзгөчө бир башкачабыз , өсүп келе жаткандарбыз. Азырынча көчө элекпиз жайлоо тоонун бетиндебиз, Жакында чоң той беребиз , эгемендүү мамлекетбиз. Эки тоонун этегинде Ысык-Көлгө келдиң беле Адыр , адыр жайлообузда күлүк атка миндин беле Сугу ашкан башкалардын Сулайман тообуз жатат Жымындаган жылдыздарга чокусу жетип барат Жүрөгү аттуу Бишкегим , Кыргызстандын борбору Жүгүнөмүн жети жолу , жети жагынан тосуп Таласты көздөй аттасаң, Манас күмбөзүн табасың Нарынды көздөй жактасаң, Ташрабаттан адашасың Жалал-Абад жакты көздөсөң Сары-Челектен өтөсүң Кыскасы өз көзүң менен көрөрүң менен өчөсүң. Кайырма : Чу , Чу , Чу ,Чу Эскертем, эске салайын, нукура кыргыз баламын, Колдошун билем ар дайым арбагы Манас атамдын. Басканым аскадай тоонун чокусунда чоңойгомун, Манасчы чечен боломун комузду мендей ойногун. Тепкеним элден өзгөчө күлүк атыма бөлсөчү, Кыргыз менен ат чабышып, улак тартышып көрсөңчү. Көчмөнүм аттуу кыргызмын кыялым бөрү баатырмын, Акыл карачач энемдей акылдуунун катарымын. Эч кимде жок бар калпагым же тебетейим жагабы? Жамынып турган чепкеним териден жасалган нагы. Алтыным бар, күмүшүм бар, кыргызым байдын баласы, Кыргызстан аттуу үйүм бар асылың жерден табасың. Ал эми көңүл буралы өрүлгөн чачтуу кыздарга, Айымдай өзгөчө сулуу кылымдан кылымга нары. Кыргызымдын жигиттери кыз ала качуу дегенде, Кырк чоросун ат чаптырып кызынын жашы жеткенде. Ушул жерде төрөлдүм, ак бешикке бөлөндүм, Ата Журт жерим менин, кереги жок бөлөктүн. Ушул жерде төрөлдүм, ак бешикке бөлөндүм, Кыргызстан жерим менин, кереги жок бөлөктүн. Кайырма : Чу , Чу , Чу , Чу ,

Кел дос, бийле кооз Ырдап, бийлеп обон соз Кыймылдары кооз Бийин бийлеп ырын соз Жаз ыр, ыр ырда Эң башкысы кыймылда Жаш кез маалында Бийлеп, күлүп ыр ырда Кышында, жазында, жайында, күз маалында Кыштакта, Шаарында, жараша өз алына Талыкпа, алдырба өзүңдү жалкоолукка Ыр ырда, Кыймылда пайдалуу денсоолукка Кайырма: Ла, ла, ла, — Бийле досум ыр ырда Ла, ла, ла, — Кел досум кыймылда Ла, ла, ла, — Бий өнөрүн аркала Ла, ла, Ла, — Шайыр досум алгала Мезгил келди, учур келди Бийге чакыргыла элди Бий өнөрүн болсо Жан дүйнөңдү эргит Бийле борбор калаа Ырда бүткүл аалам Алга Кыргызстаным Айтам ысык салам Бишкекке, Нарынга,Таласка, Ош тарапка Ысык Көл, Баткенге, Жалал-Абад, Чүй жакка Баарына айтарым ар бир Ала-Тоолукка Ыр ырда, Кыймылда пайдалуу денсоолукка Кайырма:

Патриот жигиттер келе жатат тик туруп Алар үчүн ыйык ,алар үчүн улук Ата-Мекен, Ата-Журт деген 7 дубан жерден биримдикте бекем Алар элине, жерине жан берет Алар чын жүрөктөн терең ант берет Алар бир бирине туугандай ини-ага Тың, өжөрлүү жана ураандары алга Кандары ысык, күчтүү эр жүрөк келет Намысына бек, эл жерине тирек Алар эр жүрөк, жери үчүн күйөт Алардын ар бири чыныгы патриот Жетөө тең жек көрөт, бөлүп бөлүнгөндү Алардын ар бирөө тутат бүтүндүктү Эзелтеден калган сиңип калган канга Жериң үчүн күрөш элин үчүн алга Кайырма: Жигиттер эр журок — алар ким Патриот Эли, жерин суйот — албетте Патриот Мекенине куйот — чыныгы Патриот Алардын каны ысык журогу от болот Жигиттер эр жүрөк — алар ким Патриот Эли, жерин сүйөт — албетте Патриот Мекенине күйөт — чыныгы Патриот Алардын каны ысык, жүрөгү от болот Бекер эместир, ар бир аккан тери Текке кетпес ал элимдин эроол эри Жүрөгүндө от алолонгон эми Эли үчүн жери мекенинин деми Керегине жара, ажалга тик кара Ата-Мекен, журт үмүтү чоң сага Ар бир айткан сөз, сен үчүн дем болсун Тилегеним болсо, эрдигиң кең болсун Желегин желбирейт, улутун женгин дейт Көкүрөктөн терең жеңишти энчиле Мекенчил эр, эй тикеңен тик тур Милдет үчүн эмес, мекен үчүн бул Эсине бек тут, сени менен эл журт Терең, кенен дем ал, абаны чоң жут Манас атан болгон, эли жериң сүйгөн Эр эми сен болгун, мекениңе күйгөн Кайырма:

Кайырма: Кел, баарың, келе гой, бүгүн майрам, бүгүн той. Бүгүн жаңы жаралган ырларымдын бирин кой. Алгач сага бешбармак конок пейил кыргыздан. Комуз менен ыр ырдап, сунам сага кымыздан. Деги, а деги, айтарым тээ илгери, Кыргыз деген улут тээ кылымдардан бери. Конок пейил элим ээлеген бейиш жерин, Эгемен жашоо сүрүп, эбегейсиз деңгээли. Деле деңгээли бийик-бийик аскаларды ийип, Ак калпагын кийип эл, Ала-Тоом ыйык. Кең пейил, ак дасторкону, урмат-сыйы, Таң калтырган тамагымдан ал, ооз тийип. Кайырма: Таңдар аткан жакка таң калтырган Ала- Тоо абадан жыттаган ал адам гана. Таң берет, не керек, жериң, бах, керемет, Табигатың сулуу, Ысык-Көлүң — бермет. Кен байлыгың жерде, сууң акысыз, бекер, Төрт мезгилиң эле бейишке тең тете. Тегерегиң бак-дарак, толо жемишке, Күч-кубат, эрк ,комузуң. Көз тийбесин улутум улук, тең изде, Мелтиреген кара көз сулуулар бизде. Баатырга бай балакай, бала чак кезден, Байыртадан көчмөн калк аталып нечен. Ат арыта, канчалаган таштап кадам, Салт-санаасын жана үрп-адатын кармап. Башкасын кой, кел кымызыма ал кызып, Бешбармактан, кана, көрчү, кел, даам сызып. Кайырма: Улуу кыргыз элим, тээ кылымдардан бери жериң, Сактап келген миң душмандарын жеңип. Ата-бабаларым менин үрп- адатын берип, Боз үйүмдө жашап келген ата- тегим. Улуу кыргызым, бар кыргыз элиң, жериң, Ата-бабаларың берген, тууң бар, эркиндигиң. Бар экенин, унутпа кыргыз тилин, Тилегим бүтүндөй өркүндө, кыргыз эл, жерим. Кайырма:

Аяйым карындашым сен төрөлгөн жаңы, Турат күндөр эсте, көкүрөктө жанып. Сенин алдей чагың, ыйлаганың жаңы, Сени колго алып өтө кубанганым. Турат күндөр эсте, жүрөгүмдө бары, Алгач кадам шилтеп, тай тайлагандарың. Сенин алгач сөзүң, эрке кыялдарың, Алгач өнөрлөрүн чыга баштаганы. Жүрөгүмдө турат ошол күндөр эсте, Өмүр өтөт тура, өтөт тура мезгил. Убакыт келди окшойт чоңойдун сен дагы, Түгөйүн менен кошо эрчишип кетип калдың. Ата- энең, агаң, синдиң менен иниң, Бакыт сага каалайт, бактылуу бол келин . Бүгүн эми кеттиң, башкага болдуң бүлө , Ак жоолук салынып, жашындың көшөгөгө. Кайырма: Аяй карындашым акпасын көз жашың, Бактылуу бол жарың менен кол кармашып. Ата энен жакшы берген тарбиясын, Жүрөгүңө сактап балдарына тапшыр. Жарыгы бол күйгөн, жаңы конгон үйгө, Үй бүлөңдү сүйгөн, жароокер бол бүлө. Жарың менен кошо, сүрө турган жашооң, Ынтымакты камтып, бакыт жүрсүн коштоп Жарың болсун ата, а сен болчу эне Мен дагы сүйүнүп, болоюн таеке Дарегине жетсин айтылган ак сөздөр Кудай үй бүлөңдү сактай жүрсүн көздөн Кайда жүрбө дайым, болгун эсен аман Жар, эне бол айым, жолдошуңа жаккан Экөөңөр кармашкан, колуңар үзүлбөсүн Ушул күндөн баштап, экөөң бир үй бүлөсүң Ата-энең аган сиңдин менен иниң Бакыт сага каалайт, бактылуу бол келин Бүгүн эми кеттиң, башкага болдуң бүлө Ак жоолук салынып жашындың көшөгөгө. Кайырма: Аяй карындашым акпасын көз жашың, Бактылуу бол жарың менен кол кармашып. Ата энен жакшы берген тарбиясын, Жүрөгүңө сактап балдарына тапшыр.

Жай эми жолодуң, Жаш туруп ойлондуң. Жаралаган турмушуң, Жүрөгүмдө ойгонду. Эх, турмушум менин, Сүйдүм эле сүйүүм менин. Ай, жүрөгүмдөгү, арманым жүгүм менин, Эх, кечегим менин, кичинекей ырчы элем. Мына эми чоңоюуп, колуман келер бекен? Эх, жашаймын эми, жашаганга, Аш гана кыла көр кудайга шүгүр баары. Жараган, бирнерсеги кереги тийги түйчи адам, Жылгым келет турмушумда болсо дагы бир кадам. Жада калса басканы сыгылып жүрөк тажадым, Маңдайым дагы максатым эмнеге ишке ашпады? Эмнеге гана барбадым? Эмнени гана кылбадым? Көрсө бул жашооңдо эң башкы ролун акчаңбы? Карасам жашоомду, караңгы шайтандын тору. Адамдын кандай экенин акчадан текшерип коюу, Чын эле сынообу же мыйзамыбыз ошобу? Байлардын кедейге мамилеси оңолобу? Кайрыма: Көбүрөк аракет кылып, Калбагын сен гана сынып. Жашоонун тыгыздыгына, Тыгылып жүрөк сыгылып. Жылыгылып калсаң таянып, Кайрадан бутуңа туруп. Жүрөгүңдөгү жараны, өчүрүп коюу учуруң, Тай-тай бутка туруп. Жай-жай турмуш куруп, Эң башында кыйналуу менен утулуп. Умтула бер көп өйдөгө, Үмүтүң өчпөс дөбөдө. Ишенип – ишенүү керек, Ишенүүдө кел өзүңө. Таймашып жүрөк турмушка, Ал дагы түрткү ушуга. Чыдамкай жана күчтүүнүн, Чырагы күйүп турууда. Чайкалып төккөн чаманын, Жакшысыбы же жаманыбы? Пейли түрү адам менен, Ошондой эле адамды. Баарыбыз тең ортодобуз, Кудайым берген жашоону. Колубуздан баары келет, Ишениш керек ошого. Байыңбы же кедейиңби, Айрымасы эмнеде дейли. Желеден секирген адам, Жеңилбей жеңип кеткени. Ишенбеген аркынысы, ордунда эле тура берген, Боруна тумарын , турамы жардам бербеген. Кайырма: Тыбырчылагын жашоодо, Мыйзамың деген ушубу? Көзүңдү чоңурак ачып, Көз карашыңды оңдогун. Турмуштун кулпусун ачып, Жашыруун сырларын табып. Ойнобой ойлонуп жаса, Акылың менен каталык. Тагдырың өз колуңда, Насатын ук чоңунан. Ошонун баарын чогултуп, жогору адам болууга, Солго кайрыбагын, оңго да бурбагын. Булганып аласың, түз эле жашагын, Бузулбайм десең, көз каранды болбойм десең. Башынан ачык айкын курч адам болушуң керек деги, Жаңылбайсың деги, эгер ошондой денгээлиң болсо. Бирок алдандай адамга мамилеңди ал ортодон, Сапатың, кыяялың өзүңө жакпай жатканы менен. Сыртыңдан жарашып, бирөөгө үлгүсү керек, Негизи эле бул жашоодо Кыргызым биз азаматбыз. Баарына шүгүр жасаган эң бактылуу адамбыз. Кайрыма: Эх, турмушум менин, Сүйдүм эле сүйүүм менин. Ай, жүрөгүмдөгү, арманым жүгүм менин, Эх, кечегим менин, кичинекей ырчы элем. Мына эми чоңоюуп, колуман келер бекен?

Саламатсыңбы сүйгөнүм, кагылайын жаным, Бир нерсени айтайын деп жүрүп бирок айта албадым. Эгерде ушул ырды угуп калган болсоң, Сүйөрүмдү жашырбай ачык сага арнадым. Дүйнөдө кымбат сен мага адам белең? Сен сулуу жүзүң менен бары жеңесиң, Сени эстеп, кайра, кайра жанымда жок кезде эңсеп. Ойго батам түбөлүкө кеткенсип сен, Караңгы шамда. Күн тоого батканда, Түшүмө киресиң, Көзүмдү жапканда. Жан жүрөгүмдүн оруун басып, Жок, көңүлүмдөн адам сенден артык. Ай жарык түнүндө, байланыш түйүндө, Төркү телефондо, көйүлүм сөзүңдө. Назик сөзүң адамзатка жагымдуу, Кап-кара көздөрүң, карагаттай өңдөнүп. Көтөргөн көңүлдү, сенин гана көз ирмең, Көңүлүмдө жанган, түнкү жылдызым белең. Тереңден, терең жеке сезимим сага, Теңелбес өмүрүм ыйык сенин атыңа. Кайырма: Сен гана сен, жүрөгүмдүн теңисиңби, Сен гана сен, өмүрүмдүн демисиңби. Сен гана сен, жүрөккө дары сепкенсиң, Сен гана сен, көңүлүлдүн перисисиңби. Жеке сезимим сага, биринчи көргөн кезимде, Алиги тасма дагы деле кетпейт эсимден. Жай себелеген, күн нуру радуга, Жүрөгүмө дары сепкен периштесиң садага. Бассам, турсам, сени жоктоп зарыгам, Үнүңдү укпасам кадимкидей сагынам. Бар экен, жок экен мунун аркасында, Тагдыр айтып бербейт, аба ырайын жаңысында. Жытыңдан жыпар, өзгөчө бир жыттанган, Кыялың бир жөнөкөй, жүзүңө өң жарашкан. Жараткан сени кудай, өзгөчөлөп башкадан, Кереметтеги айымзат, алтындаң нурун чачкан. Кайырма: Сен гана сен, жүрөгүмдү ээлейсиңби, Кагылайын деги сүйөрүмдү сезесиңби. Эмнегедир сени көрүп муну айта албаймын, Көзүмдө жалын күйүп жатканымды байкабадың. Канча аракет жасадым, барибир тилим барбады, Жүрөгүм сыгылып жүрүп, акыры барып дагы тажадым. Экөбүздүн мамилебиз, дос жана таныш элебиз. Дос эле катары көрүп, ашыкча көрбөйсүң неге? Билесиңби жаным деп айта албадым неге? Анткени өзүңдү жоготуп аламбы деймин, Эркелетип жылуу сөз айтып. Колуңдан кармагым келип, Сени гүл менен тосуп алып. Жогору баалагым келди, Жашоонун тагдырына күнөөнү койбоймун эми. Балким ал убакта, убагынан ашып кетти деги, Жашоонун сүйкүм элеси же сүйүү кемеси. Мен үчүн жаралдыңбы же мен үчүн эмеспи? Кайырма:

Теңелгис жүздөн бири, ичинде жок кири, Бал сымал таттуу ширин ар бир сөзүнүн бири. Чагылган күндүн нуру чырайы жүзү сулуу, Карагат көздөрүн жуумп ,ыймандуу Кудай кулу. Тандаган тура жолун келечегине умтулган, Акылы, эси жогору, чырайлуу жүздүү созулган. Баарына бирдей мамиле жакшы-жаманын чанбаган, Элине ыйман тилеген, ата-энесин сыйлаган. Сыйынып Кудай деген жүрөгү менен ишенген, Сыйы, урматы кенен улууну сиз деген. Улуунун сөзүн уккан кичүүгө насаат берген, Колун бетине жумган, бата алууну билген. Баарына шүгүр караган, ач көзщдүгү жок адам, Боорукерлигин аябаган, кечирим сурай алган. Келбетиндей жүрөгү сулуу, ыймандуу кыздардан, Бул кыз кырк чачы улуу кыздары кыргыздардын. Кайырма: Ыймандуу кыз, улуту кыргыз, Ыйык жүзүнөн өчпөсүн жылдыз. Мээримдүү кыз, улуту кыргыз, Чырай жүзүнөн кетпесин жылдыз. Жаратылыштын Кудай берген өзүнүн жүзү, Жарашкан жүзүн булгабайт боёксуз чырай жүздүү. Чаң жугузбайт өзүнө таза калпы жок сөзүндө, Ыймандуулугу төрүнөн көрүнүп турат көзүнөн. Жалкоолугу жок адам талыкпай эмгектенген, Ата-энесинен алган тарбиясына бекем. Мына эми азыр ар бир жигиттин оюнда, Ыймандуу, таза кызга үйлөнгүм келет жолукса. Кыргыздын кызы бузулбайт, каалабайм бузулушун, Жаман жолго азгырылбайт ишенем бекем турушун. Кармаган намысы бекем намыстуу билем ишенем, Жаман нерседен чекеде тамеки чегип ичпеген. Кудайым өзү колдосун чырайлуу кыргыз кыздарын, Бузулгандары оңолсун, шайтандан алыстаткын. Ичине ыйман кирип, акылы жогоруласын, Кыргыз кызынын ар бири биз үчүн кымбат азыр.

Ассалому алейкум, мени көрүп жаткан көрөрман, Ассалому алейкум, мени угуп жаткан угарман. Менин атым Добр болот, мен кыргыздын баласы, Эгер уга элек болсоң анан угуп аласың. Шоу-бизнес чөйрөсү да ырчыларга байыды, Азап болду баарыбызга Ильяздын чыкканы. Үнү менен кошо анын “Күндөрүбүз жаңырат”, Канча деген сулуу кыздар Мирбегибиз деп турат. Ак куу болуп учуп келген Кубик кызы Айпери, Ай сымал сулуу ажары сахнанын көркү эми. Фигурасы деле укмуш 90 60 90, Барбы араңарда айым Кундузга дал окшогон? Бактыгүлдөй айымдарды клиптен гана көрбөсөң, Абайлагын, жүрөгүңө так калтырып жүрбөсүн. Аясаңар боло кыздар Султан аттуу жигитти, Жөпжөнөкөй жигитмин деп канча кызды жибитти. Кыргызымдын айымдарын дебегиле деп аял, Кенже эжебиздей айым болгусу келет Сайкал. Каныкейди кайра-кайра коё бербей кайгысы, Бир жак көзүн эмнегедир келе берет жапкысы. Бекчоронун көз айнеги, ай чырайлуу келбети, Буга чейин эч бирөө бир көрө элек чечкенин. Билесиңби сүйүү деген кандай болот экенин? Мирбекчелик эч ким билбейт сүйүүнүн кереметин. Өз туулган жэриңерге эч бир нерсе теңелгис, Аны Темир жакшы билет экенин биз билебиз. “Мейли эми” деген бойдон АКШ жакка кеткен, Күтүп калдык Омарыбыз тезирээк келсе экен. Коштошууга колу барбай шоу-бизнесте жүрөт, Сапарыбыз кат жазуудан бошой элек көрүнөт. Көлөкөсү менен дайым бирге шерибиз Айдин, Канча деген сулуу кызды кайырмагына илди. “Кыргызымдын жигиттерин кызганам” деп сыздаган, Расул кызы Айгерим го, бийлеп кийин ырдаган. Шоу-бизнес чөйрөсүндө бир фамилиялаш, Бирөөсү Эрлан Андашев, бирөөсү Ильяз Андаш. Өзгөчө бир стили менен ал ар дайым маскачан, Патриоту кыргызымдын агабыз Тата Улан. Замир менен Съездбек байкебиз дагы эле экөө, Куткарууда “Даткайым” аттуу тасмасын көргүлө. Атасынын жолун жолдоп Кубаныч аттуу агам, Кара көздүү сулуу жана өзү дагы жакшы адам. Даниель го, садагам деп ырларына сыр катат, Алихандын кыялынан кетпей койду махабат. Махабат аллеясында эгер азыр жүрсөңөр, Табасыңар жаныбыз Айзатты байкап өтсөңөр. Кыскасы, кааларым элибизге бейпилдик, Ырчылардын баарына тең чыгармачыл ийгилик.

Мен кыргызмын, мен, мен, алга, кыргыз калкым, Мен кыргызмын, улуу кыргыз бойдон келет калгым. Кыргыз улут кыраан-кыраан жигиттерге бай келген, Ырас, ырас эле кыргыз болуп жаралган экем. Кылым карып, бирок кыргыз кыргыз бойдон калган, Мен миң өлүп, миң тирилген, мен ушундай калкмын. Баатыр Манас атам болгон, ал менин гана атам, Миң талашып, миң кырылгын, Манас кыргыздан чыккан. Алга, кыргыз, алга! Алга, кыргыз, алга! Алга, кыргыз, алга! Алга, кыргыз, алга! Алга, кыргыз, алга! Кыргыз элим илгертен баатырларга бай келген, Кыраан-кыраан жигиттерди элим баалап даңк берген. Кыргыз элим намыскөй, намысына бек турган, Кылым карып, жылдар өтүп, алдын көздөй умтулган. Баатырыбыз Манас чыккан, баатыр болгон баласы, Арасынан кыргызымдын чыккан Тайлак баатыры. Ар кай жеринен, жеримдин ар ким жети жагынан, Чыккан Байтик баатырыбыз, Курманбегибиз, Шабдан. Чыккан экен баатырыбыз Атаке, Эр Табылды, Кыраан, күчтүү болгон экен Балбай деген баатыры. Кожомкулдай күчтүү балбаныбыз чыккан кыргызда, Баатыр энелерим болгон Курманжан даткабыздай. Эне баатыр Жаңыл Мырза менен чыккан Кыз Сайкал, Айта берсек, эч түгөнгүс, азыр деле көп алар. Ошондуктан улуу элиме эч бириң теңелгис, Ташка тамга баскан кыргыз тарых беттен чийилгис. Алга, кыргыз, алга! Алга, кыргыз, алга! Алга, кыргыз, алга! Алга, кыргыз, алга! Алга, кыргыз, алга! Жагабы, жакпайбы, сага улутум болсо кыргыз, Мен кыргызмын, жакшы көргөн бешбармак менен кымыз. Күндөп-түндөп «Манас» айткан, укмуш черткен комузду, Күлүк атты мендей чапкын, көрдүңбү жер кооздугун. Мен кыргызмын ала-тоолук, ак калпак баса кийген, Бийик койгон өз тилимди, өз элиме ийилген. Кыргыз деген улутум менин, кырылгыс эч качан, Мага каршы чыкпа, сендей миң душманды кыргам. Кыраан-кыраан жигиттерим, менин эр жүрөк келген, Мен кыргызмын намыскөй, намысыма бек келген. Болом өтө конок пейил, мейман тоском илгертен, Кылам дегенимди кылган улут болом билбесең. Кыргызымдан өнөр чыккан, миң тарапка тараган, Өнөрлөрүн өргө чапкан жазуучу, акындардан. Токтогулдай төкмө чыккан, суудай төккөн ордунан, Улуу Чыңгыз жазуучубуз чыккан, дүйнө тааныган. Акын чыккан Алыкулдай, Аалы, Жоомарт, Мидиндей, Саякбайдай манасчыбыз чыккан экен элимде, эй! Төкмө акын Жеңижоктойлордон канчасы чыккан, Сүрөт тарткан Сүймөнкул Чокморовдой болгон адам. Сүйүп-күйүп эл жерине кылып кеткен кызматын. Бекем эске тутуп алгын, ал Исхак Раззаковду. Ошондуктан улуу элиме эч бириң теңелгис, Ташка тамга баскан кыргыз тарых беттен чийилгис. Алга, кыргыз, алга! Алга, кыргыз, алга! Алга, кыргыз, алга! Алга, кыргыз, алга! Алга, кыргыз, алга! Ала-Тоолук улуу элиме эч бириң теңелгис Ташка тамга баскан кыргыз тарых беттен чийилгис.

Кайырма: Кыргыз элим, бар бол, бар бол, Кыргыз элим, бир бол, бир бол. Кыргыз элим, алга, алга! Кыргыз болуп жаралган соң, Намысыңа бек бол! Кыргызстаныма асылба, Кыргызстан меники! Ким болосуң, кимиң болбо, Сыйлагын мекенимди. Чалынба, чырак сага, Коюп берем алдыңа. Сыйымды көр, өт төргө, Бирок сыйла элимди. Абайла, сак бол, Сен билбейсиң кыргызды. Кыраан эл кылым бою, Сактап келген намысын. Жашасын, жашасын, Улуу кыргыз калкым, Кыргызсыңбы, эй, кыргызсыңбы?? Кыргыз бойдон калгын. Кайырма: Мои города, кварталы, Улицы, дворы, районы. Моё небо над головой, Черты что так знакомы. Мы пережили войны, Переживём и бред. За нами право выбора, И мы найдём ответ. Языки пламени рвут, На части говоря. То что нам плевать, На то что говорят, Про нас за бугром Они не были здесь, И не живут среди нас. Они никогда не поймут, То, чему учит Манас. Не забывай свои корни, Их не заменить. Отчизна мой Кыргызстан, Не важно чем знаменит. Помни кто ты? Где бы ты не был в этот час. Просто помни, Кыргызстана не будет без нас. В мой народ стреляли, Пытались поломать волю. Поломать жизни, Поломать веру, Поломать то что не поломать. Но мы всё ещё живы, Судьба капризна. Страна третьего мира, Нет, моя отчизна. Кайырма: Кыйын учур, туура түшүн, Азыр баары алдыда. Кыйынчылык өтүп кетет, Өнүгөбүз жакында. Кыргызсыңбы? Кыргыз болсоң бекем тургун намыска, Бөлүнбө, эң башкысы, Саясаттан алыста. Жашап келген буга чейин, Сенин чоң атаң кыргыз. Айтып берген жети атаңды, Сенин өз атаң кыргыз. Сен миң өлүп, Миң тирилген улутуң сенин кыргыз. Ошондуктан билип алгын, Кыргыз улут кырылгыс. Кыраан кыргыз тээ илгертен, Келе жатат ат чабып. Каада-cалттарын кармап, Кылымдарды карытып. Тарыхымдын тамыры терең, Ылдый казылган. Тээ илгери бул улуттан, Канча улут тараган. Мен кыргызмын, Башка улуттардын баарын сыйлаган. Сый-урматыңды көрсөт, Жериңе өз жашаган. Бир жарылса кыргызымды, Эч кимиң тосо алгыс. Миң мертебе шүгүр деймин, Болгонум үчүн кыргыз!

Супер гезит бул – “Супер Инфо”, Супер гезит менен алдыда бол. “Супер-Инфодон” гана табасың, Супер менен мезгилден калбайсың. Мезгил өтөт, заман өзгөрөт, Убакыт талыкпайт, оку көбүрөөк. Ошондо гана сен алдыда болосуң, Өз колуңда сен туура жолдосуң. Бизди танда биз сени тандайбыз Бирге, чогуу биз артта калбайбыз. Талантың барбы өргө чабар өнөр, Анда эмне турасың биз менен бол. Бер өзүңө жол, кыл элиңе кызмат, Бери көздөй чыгып, элиңе бер кубат. “Супер-Инфо” дайыма бол кабардар, Бизге кошул, мезгилден артта калба! Жымыңдаган, жылдыздардай, Көктө жарыктардай. Сезилет го ал жомоктой Тартылат сыйкыры бардай “Мезгилден артта калба!” деп Бакыт тилеп “Мекенди ыйык сакта” деп, Сатпагын деп. Кайырма: “Супер-Инфо” элим менен, Жерим менен эскирбеген. “Супер-Инфо” кылымдарга, Өчпөс болот эскирбеген. Жолун улай бирге болот, Супер артта калбайт. Эмгектенет ал талыкпай, Адашпай жолун тандай. “Мезгилден артта калба!” деп, Бакыт тилеп. “Мекенди ыйык сакта” деп, Сатпагын деп. Кайырма: “Супер-Инфо” элим менен, Жерим менен эскирбеген. “Супер-Инфо” кылымдарга, Өчпөс болот эскирбеген

Ассалому алейкум мырза, айымы,Саламатсыңарбы шаары, айылы? Райондо-прайондогу көчөлөрики,Чоң кыздарга, сулуу – чмоки!Мекениме, элиме, жериме салам,Эсен-амандашкан алейкум ассалом. Көлгө салам, жакында барып эс алам,Эске ал, аба, чал мага тез ара.Мистер и миссистерге на dance, Пешкомобиль на Mercedes-Benz. Ким сейчас на Легаси, легче на Бэшке,Дагы салам это — фаникам Месси.Эски эле доскелер, жанылары new,Мектебим, аскерим, универим you.Ата-энеме, силерге өмүр бою, Чын дилимден баарына THANK YOU.Кайырма:Кел, бийле, бийлегиле,Келгиле, бийлегиле!Эл менен бийлегиле,Эркеле, бийле!Ледилер end жентльмендер,Келгиле, бийлейбиз тең бир.Канакей, даярбызбы? Кеттик! 3…2…1…Ким чоң? Ким чоң Big,Мыкты танцовщик?Кел, чык, жол ачык,Не керек качып? Тамчыдай, кашык,Талантың ашык.Аны каткансып,Капалантпачы! Чык, чыгар өнөрүңдү ачыкка,Ката бербей эле аны капчыкка.Таң калтырган сенин бийге шыгың бар,Өргө чабар өнөрүң ал, качырба.Жер караба, баалаган, каалаган бий,Бий жаралат дене кыймылынан бир.Эң баалаган танда музыкадан стиль,Сен каалаган, то есть, ну өзүң бил.Кайырма:

«Жубайым» Менден кетсе кечир, Ачууңду мага берчи, Антип тиктебечи! Жиндиге теңелбечи! Өчүң бардай, жүрөгүң бат муздайт! Таарынычын кандай, ошол замат тарайт! Бактымды таптым жолуктум, Мен сени алам деп оолуктум, Байлап башка ак жоолукту, Жубайым болдуң колуктум! Кудайыма миң ыраазымын, Маңдайыма сендей жардын калганына жазылып! Асыл, жаным, жарым, жарыгым, Жүрөгүмдүн тең жарымы, Бирге көгөрүп, агарып, Келет чогу бир карыгым, Балдарымдын, апакеси, энеси, Атакесинин жубайы, жүрөктүн кожойкеси!!! Кайырма: Өмүр бою түбөлүкө, Деп кол коюп күбөлүкө, Биргеликте бул өмүрдө! — деп чиелик күндөлүкө! Турмуш үй бүлө куруп, Бирге алдыга умтулуп, Мүчөлөрү толук, Балачакалуу бололук! Ата Эне жоопкерчилик, Ар кимде бар бир кемчилик, Кимден кетсе да кечирим, Сурап кою пендечилик! Ортобузда, болбосунчу таарынуу, Андан көрө, келчи чогу бололучу бактылуу!!!

Учугун сөздүн улап чын достук мамиледен Айтамын ичте жаткан сырларымды анык эле Чыныгы досторумду унутпаймын эч убакта Өтсө да ортобуздан далай жылдар дагы деле Достун дагы досу болот баардыгы билет аны Колуңда болгон кезде көбөйөт анын саны Белчеңден сазга батып кыйналып калган кезде Кээ бири чилче тарайт таппайсың бирин дагы Достун дагы досу болот чын дилинен сага күйгөн Доомат кылып догурунбай дайым чогу жүргөн Сук кышта бирге тоңгон ыссык жайда муздак болгон Чыныгы бул досторду табалбайсың узак жолдон Андыктан чын достуктун убадасын бекем карма Ичи тар арамзага карыш жолоп жакын барба Такап койсо сени жарга кыла албай эч бир арга Таң калам досум деген жасалма адамдарга Жамандын жолдошу көп жанында бир пайдасы жок Акча үчүн дос болгон бар башка кылар айласы жок Досум деп баарын билбе четинен бирден ирге Жолобо эки жүздүү ичи тар арам кирге Чыныгы жакын досум таштабайт ара жолго Жыгылсаң эңип кетчү шамдагай кара жорго Жасалма калп досторум андайда четке чыгат Кайгырып чың дилиңден аларга капа болбо Жаралсын ар убакта намысын уятыңа Чындык деп чыркырасаң үч беремин кубатыңа Чылбырды бекем карма ооздукту бошотпогун Ардайым татыктуу бол энчилүү бул атыңа Бөлүнөт өз ич ара достор да далай топко Саны бар сапатсызды жолотпо жакын кошпо Аяба жардамыңды эң жакын досторуңдан Жакшылык кайра кайтат андан сен такыр коркпо Кээ бир четке чыгат бөлүнүп өз тобунан Эч качан кол үзбөүн татыктуу досторуңдан Сезерсиң баркын билип алыста жүргөнүңдө Эң жакын досторундун жоруктарын эстеп улам Билинет достун досу башыңа иш түшкөндө Карайлап караан таппай кайсалап күн бүткөндо Билинет мына ошондо кимдин чын ким экенин Жардамга муктаж болуп жол карап сен күткөндо Өткөрдүм өз башымдан достун дагы далай түрүн Досмун деп саналгандардын көбү жок эми бүгүн Сакталып калдарада саналуу гана достор Кеткендер кете берсин болбоймун ага тоскоол Чыныгы жакын досум таштабайт ара жолго Жыгылсаң эңип кетчү шамдагай кара жорго Жасалма калп досторум андайда четке чыгат Кайгырып чың дилиңден аларга капа болбо Жаралсын ар убакта намысын уятыңа Чындык деп чыркырасаң үч беремин кубатыңа Чылбырды бекем карма ооздукту бошотпогун Ардайым татыктуу бол энчилүү бул атыңа

Токточу сулуу сага , айтар сөзүм бар. Барктачы ар бир сөздү , сага арнагам . Негедир сүйүп калдым жалгыз өзүңдү, Бир көргөндө жүрөгүм согот кайрадан . кайырма (2) Шаардык кыз Аида Аида Аида Жүрчү кетеличи биздин айылга Шар аккан сууну ойлоп , Жүрөсүң сен кечке ойноп. Сени ойлогон жигитттер , Жүрөт кечке ойлоп . Көргөндө багындырды жүрөгүмдү Аида Макул бол алып кетем биздин айылга Бирге дайыма, болосуң жанымда Отуз күн айына бак кошуп багыңа Ак жоолук салып батасын берсе ата-эне Сыйлап, урматтап ийилип таазим этсең Ардагым берекем мага эркелесең Жан дүйнөм эргитип жанымда болчу сен . Кайырма (2) Шаардык кыз Аида Аида Аида Жүрчү кетеличи биздин айылга Айтчы кара көз мага мынча сулуусуң Тиет сенин сулуулугун күндүн нурусуң Жүрөк толку сени эңсеп менин ардагым Алып кетем ардагым сени айылга. Кайырма (2) Шаардык кыз Аида Аида Аида Жүрчү кетеличи биздин айылга. Сулуулардын сулуусу сенсин Аидам , Сулуулугуңа суктанышат сага Аидам . Самайыңан сыласам сенин Аидам , Самап келем сени мен сени Аидам.