Популярные азербайджанские песни.
Страница 77

Ата-бабам кыргыз кутман эл, Ата салтын бийик туткан эл. Ат жалында өмүр кечирип, Ар намыстан мөрөй уткан эл. Ат жалында кылыч ойноткон, Бабам Манас жерин коргогон. Тарых бетин актай калтырбай, Курманбек да элин коргогон. Кайырма: Жоокер элбиз, жоокер элбиз, Эзелтен тарыхта. Намыс сакта, элиң барда, Кыргыз эл журтуң сакта! Баатыр элбиз кыргыз байыртан, Бабаларым өткөн тарыхтан. Басып келген жоого тик карап, Башың көтөр элим намыстан. Эртеңиңди элим ойлогун, Эл журтуңду жоодон коргогун! Жалтанбаган кайрат күч менен, Аталардын жолун жолдогун! Жалтанбаган кайрат күч менен, Бабалардын жолун жолдогун! Кайырма:

Адамга биринчи өмүр керек, Экинчи адамга көңүл керек. Кем-карчын ойлоочу, Кыйналсаң колдоочу, Өмүрлүк жарың керек. Өзүңдү тандаган, Өмүрүн арнаган, Түбөлүк жарың керек. Адамга биринчи өмүр керек, Экинчи адамга көңүл керек. Отуңду жакканга, Оорутпай бакканга, Атага бала керек. Урпагын улаарга, Арка бел тутаарга, Атага бала керек. Адамга биринчи өмүр керек, Экинчи адамга көңүл керек. Ысык чай куйганга, Ийилип сунганга, Энеге келин керек. Казаның жакканга, Өз ордуң басканга, Энеге келин керек. Адамга биринчи өмүр керек, Экинчи адамга көңүл керек. Энем деп келгенге, Сырдашып кеткенге, Кыздарга төркүн керек. Кыйшайсаң таяган, Кыйналсаң аяган, Кыздарга төркүн керек. Адамга биринчи өмүр керек, Экинчи адамга көңүл керек. Кайгыңды бөлгөнгө, Кубанычың көргөнгө, Кыйышпас достор керек. Намыска бек болгон, Эл үчүн чеп болгон, Кыйышпас достор керек. Адамга биринчи өмүр керек, Экинчи адамга көңүл керек. Миң жылдык кырды ашкан, Сындашпай сыйлашкан, Данакер куда керек. Баш кошкон теңдерге, Батасын бергенге, Данакер куда керек. Мага да ошол керек… Сизге да ошол керек… Адамга ошол керек…

Сыртта жамгыр нөшөрлөйт, Жашын тыйбайт, жашын тыйбайт. Өткөндү эстеп, сезимим сынып сыздайт, бүтпөй сыздайт. Айыбы жок жүрөктүн арманындай, арманындай Сен жөнүндө, сен жөнүндө эскерүү кандай азап, азап, азап. Гүлү эңсеп, көңүлдүн төрүндөгү, төрүндөгү Карай берем элеңдеп булуттарды, булуттарды Жүрөгүмдө жашынган балалыктай, балалыктай Жапжаш бойдон, жапжаш бойдон Жашынып сүйүп калдым, калдым, калдым Мүчүрлөнгөн жамгырдын муңдуу күүсүн, муңдуу күүсүн «Тыз» эткизет тымызын жүрөгүмдүн, жүрөгүмдүн Сапар тартып келемин жалгыз өзүм Сен жөнүндө, сен жөнүндө кайталап билгенимди, билгенимди Сен жөнүндө, сен жөнүндө кайталап билгенимди, билгенимди Иии-ииий, мммм-ммммм!

Өзүңдү сүйгөн күнөмбү, Өрттөндүм, аргам түгөндү. Ашыктык гүлү ачылсын а, Жүрөккө сепчи үрөндү. Махабат гүлү ачылсын а, Жүрөккө сепчи үрөндү. Адамда ар сыр кыял бар, Айта албайт аны уяңдар. Өчпөгөн менин чолпонум ай, Өзүңө мендей бир кыз зар. Өчпөгөн менин чолпонум ай, Өзүңө мендей бир кыз зар. Дартымды аччу далалат, Арга тап сүйүүм аманат. Суу бүркүп сүйүү отуна да, Жүрөктү кетпе жаралап. Суу бүркүп сүйүү отуна да, Жүрөктү кетпе жаралап.

Гүлдү көрдүм, аяп аны үзбөдүм, Бирок калды жаз гүлүндө менин издерим. Эмнегедир көңүл дегдеп ошондо, Көп гүлдөрдөн сени гана издедим. Асылкечим, ошол мага туу болду, Жүрөккө дем, көңүлгө ынак гүл болду. Доорун сүйүп, элин мактап жактырар, Көлдө сүзгөн аппак, чүрөк куу болду. Эгер мени кайгы булут каптаса, Ачык бойдон, ачык асман, таптаза. Үмүт жылт деп, үйдүн куту жарк этип, Өмүр чеги өрдү көздөй акпаса. Гүлдү көрдүм, аяп аны үзбөдүм, Бирок калды жаз гүлүндө менин издерим. Эмнегедир көңүл көксөп өмүрдө, Сан гүлдөрдөн сени гана издедим.

Алыстан бир сен үчүн келгенимди, Сыр кылып кызыл гүлдү бергенимди, Сен билген жоксуң. Ичимден сүйөмүн деп айтканымды, Үшкүрүп үйгө амалсыз кайтканымды, Сен билген жоксуң. Атыңды ак баракка жазганымды, Анардай кызыл өңдөн азганымды, Сен билген жоксуң. Үйүңдү жалжал карап күткөнүмдү, Көзүмдөн ысык жашты төккөнүмдү, Сен билген жоксуң. Түшүмдө сени менен жүргөнүмдү, Эзилип эркин ойноп- күлгөнүмдү, Сен билген жоксуң.

Андан бери жылдар алмашты, Кара чачты бубак кар басты. Сүрсө дагы мезгил мезгилди, Эстен кетпейт сүйүүм алгачкы. Күн чартылдап, булут түнөрүп, Үнсүз турдук сөздөр түгөнүп. Терс бурулдум көздөн жаш ыргып, Дегениңде «кош бол, түбөлүк». Жаштык оргуп нурлуу жүзүңдөн, Эрдиң таттуу ширин жүзүмдөн. Аралыктын баарын багынтып, Ар күн сайын көрөм түшүмдөн. Самайм бирге жүргөн күнүмдү, Уксам деймин назик үнүңдү. Сууйт колуң сурайм сунбагын, Эми мага кызыл гүлүңдү.

Ажайып деп тоонун гүлүн искеген, Арзуу жытын неге мурда сезбегем. Ушунча жыл өмүр сүрбөй кур, бекер. Балким, сенин жытың гана издегем. Алыс кетсем илебиңди сагынам, Ооруп калсам, жытың татсам айыгам. Сен жыттанган шамал уруп турса деп, Мен ичимден табияттан жалынам. Мындай жытты кызганышар арчалар, Арзуу жытын сезбей өтөр канчалар. Көз жумарда не деп сүйлөйм билбеймин, Жытың искеп анан, мүмкүн, жан чыгар. Торгой өңдүү тоо гүлдөрүн эңсегем, Жытың издеп жолго чыгам күндө мен. Сендей жакшы жолукса да жашоомдо, Сендейди мен таба албасмын дүйнөдөн.

Болбосун деп, кырсык биздин жолдордо Мейли сыртта, мейли калаа,борбордо. Жан аябай жигиттери МАИнин Коопсуздугун ошол жолдун коргоодо. Кайырма: Ысык-суукта, күнү-түнү күзөтүп Айдоочунун жаңылганын түзөтүп. Эл алдында берген антын акташып Карегиндей ыйык жолду сакташып Дайым даяр, МАИнин балдары! Милдет өтөп, кызматы да жолдордо Кээси ошол өмүр өтөт чоң жолдо. Керек болсо, өз өмүрүн аябай Биздин жолдор ишеничтүү колдордо. Кайырма: Ысык-суукта, күнү-түнү күзөтүп Айдоочунун жаңылганын түзөтүп. Эл алдында берген антын акташып Карегиндей ыйык жолду сакташып Дайым даяр, МАИнин балдары! Мына бу жол ата-бабам баскан жол Эчен кыя, ашууларды ашкан жол. Ушул жолго тартип салган жигиттер Элиң менен, жериң менен эсен бол! Кайырма: Ысык-суукта, күнү-түнү күзөтүп Айдоочунун жаңылганын түзөтүп. Эл алдында берген антын акташып Карегиндей ыйык жолду сакташып Дайым даяр, МАИнин балдары!

Унутпа сенде калган сырларымды, Кирген суу, жааган күндөй жылдарымды. Өмүргө бир гана ирет жаралсам да, Өзүң деп миң толгонуп учканымды. Унутпа бирге болгон күндөрүңдү, Назданып нур жүзүңдөн сүйгөнүмдү. Турмушка бир гана ирет жаралсам да, Аялуу жан сырымды төккөнүмдү. Унутпа кечээкиңди, эртеңкиңди, Жабыркап бир өзүңө жеткенимди. Заманга бир гана ирет жаралсам да, Сезимге из калтырып кеткениңди. Унупа жылдыз мончок жылдарыңды, Жылды ээрчип жылтылдаган жыргалыңды. Унутсаң мени унут, бирок, жаным, Унутпа сенде калган сырларымды. Унутпа менден уккан ырларыңды.

Шамалдуу уйгу-туйгу күз түнүндө Кыйналам уктай албай, чоочун үйдө Шуулдап теректери шоокум салат Көрүнүп терезеден тоо түбүндө. Жабыла жалбырактар үн чыгарып Күйүттүү жаны тынбай, күү чыгарып. Качырып уйку бушун «шуу», «шуу» этет Көңүлдүн шуу, шуу этет тынчын алып. Терегим шуулдаба, теректерим Эсиме шуулдасаң келет менин. Өчүңкү өткөн күндүн элестери Өкүттү өмүрүмдүн белестери. Кайырма: Шуулдаба терегим, теректерим Шуулдасаң, ыйлагым келет менин Шуулдасаң, ыйлагым келет менин Келет менин. Кысылган тоо койнуна кыштагымда Түз өңдүн там-ташы бар, төш жагында. Шуулдап миң түр терек тураар эле Атакем тигип койгон, жаш чагында. Бактылуу оо, ал кезде бир баламын Көпөлөк, оюн-күлкү улагамын. Байкабай уктаганым калаар эле Теректин угуп жатып шуулаганын. Бирге өскөн каргадайдан моюндашып Кадыркеч агам экөөбүз коюндашып. Теректер уктап жатсак,ойготчу эле Жел менен желбирттеген, шыбырлашып. Капыстан аскар -тоодой атам ооруп Дартынан айыкпаган таза болуп. Теректер ошондо да ээй, шуудураган Жаткандай кошо кайтып созолонуп. Теректер ошондо да ээй, шуудураган Жаткандай кошо кайтып созолонуп. Кайырма: Шуулдаба терегим, теректерим Шуулдасаң, ыйлагым келет менин Шуулдасаң, ыйлагым келет менин Келет менин. Бул өмүр өтүп барат зуулдаган Зуулдап өтүп барат, улуу заман. А силер жатасыңар, кайрандарым Туйбастан терек муңун шуулдаган. А силер жатасыңар, кайрандарым Туйбастан терек муңун шуулдаган. Кадексиз болсо дагы ээй бир өлүшүм Кай күнү өмүрүмдүн түгөнүшүн Капарга албай жүрөм, кайрандарым Эшитип терек күүсүн силер үчүн. Жүрөмүн өлбөчүдөй кайрандарым Эшитип терек күүсүн силер үчүн. Кайырма: Шуулдаба терегим, теректерим Шуулдасаң, ыйлагым келет менин Шуулдасаң, ыйлагым келет менин Келет менин.

Татынам тартыласың, Кубулжуп күн нурундай, Кайда, не жашынасың, Бир келген жаштыгымдай. Мен сени жакшы көрөм, Жазга окшоп жүргөнүңдү. Баладай бажырайып, Жайдары күлонүңдү. Күнүмдү жарык кылган, Үнүңдү уксам деймин Эки кол канат болуп, Сен жакка учсам деймин. Мен сени жакшы көрөм, Жазга окшоп жүргөнүңдү. Баладай бажырайып, Жайдары күлонүңдү.

Күндөрү өтпөй кыштын, Сагындым жаздын жытын. Санааркап басып жүрөм, Сайрашын күтүп куштун. Кайырма: Агарган ак булуттар, Жашоого жамгыр сунаар. Сагындым жазым сени, Кабар бер жаштыгымдан. Жаштыгым кайрып берчи, Ак сүйүүм ала келчи, Жазым менин… Эңседим жазым сени, Эңседим назым сени. Көктөмүм көрүнчү эми, Көңүлүм үшүп кетти. Кайырма: Жаңы жаз бактым болчу, Күн күлүп айым толчу. Жанымды келээр жазым, Жан сүйөөр жанга кошчу. Кайырма:

Кат жазчы мага, Бир келген биздин өмүрдө. Дил бурак арнап, Токтонуп калган көңүлгө. Мен күлсөм, күлүп, Кайгырсам, кошо кайгырган. Мен өчпөй, өчпөс, Бир жарык жылдыз жөнүндө. Кайырма: Кат жазчы мага, Билдирип аман барыңды, Адамдар курчап, агылган жолдо жалгызмын. Ак желек тагып, Ар күнү сагынч жөнөткөн, Айнектей тунук сүйүүнү кайда калтырдың? Айнектей тунук сүйүүнү кайда калтырдың? Кат жазчы мага, Недендир абдан кусамын. Канча жыл өттү, А сенден дарек укпадым. Канча бир түндөр, Кабарың бербей койду деп Таарынып жатып, Сагынып жатып, уктадым. Кайырма: Кат жазчы мага, Жолукпа, бирок билүүлүк. Кат менен келсе кабарың – ошол сүйүнүч. Катыңды жыттап, “Жарк” этип жайнап алармын, Өзүңсүз жылдар өтүштү мени үшүтүп. Өзүңсүз жылдар өтүштү мени үшүтүп. Кат жазчы мага, Кусадар күндөн ал сурап, Кут болуп катың, жанымда жүрсүн ар убак. Жообумду жазам, Жөнөтчү дагы жаңы кат, Сезимдер үчүн, көңүлдөр үчүн жаркырап. Сезимдер үчүн, көңүлдөр үчүн жаркырап. Кат жазчы мага

Ошол күнү кош айтыштык унчукпай, Алыстадың карааныңды көрсөтпөй. Толкуп-ташып кала бердим ага албай, Из калтырып, соолуп калган өзөндөй. Көрбөй калсам сагынам деп жазганың, Жалган беле сүйөм деген каттарың? Бүт өмүрдү ойрон кылып кеттиң го, Көлгө айланды көздөн аккан жаштарым. Өмүрүмдүн сенсиз аккан дайрасы, Элестетет соолуп калган булакты. Ойлобопмун муң-зар менен күтөм деп, Эстен кеткис жаштык-жалын куракты. Жан дүйнөмдү козгоп жүргөн сөздөрүң, Билбептирмин баары жалган экенин. Кайгы-муңду тартуу кылып өзүмө, Билбей калдым кимди ээрчип кеткениң.

Кой тырынба, унутпаймын эсимдесиң, Комуз кылдай толгонуу сезимдесиң. Карап көрчү капалуу кабагымды, Кантип андан сагыныч сезилбесин. Ээ, ла,ла,лай. Көрсөмчү деп өзүңдү күйөт көзүм, Көпкө тиктеп турганды сүйөм өзүм. Бар экен да жүрөгүм, сенда барсың, Анткени сен ар дайым жүрөктөсүң. Ээ,ла,ла,лай. Жүрөктөшүм көңүлүмдүн өзүндөсүң,

Алыстап жүргөнүңдө менден узап, Арадан өтсө дагы канча убак. Элесиң эстен кетпей туруп алды, Жүрөгүмө салдың эле, Салдың эле кандай тузак? Жазылып маңдайына, таалайына, Табылдың кандай жандын бактысына? Сүйдүрүп жүргөнүңдү сездиң бекен, Элесиңди тумар кылып, Тумар кылып жүрөгүмө. Сезимди сооротомун, унуттум деп, А бирок, чындыгында, андай эмес. Мен сенден үмүтүмдү үзсөм дагы, Жүрөгүмдө жашай берет, Жашай берет сүйкүм элес.

Тентек элем, тилин албай апамдын Ошол кезди эстегенде, капамын ээй. Эмне мынча балалыгым тез кеттиң Апакебай көздөн учат карааның. Апаке, апаке колумдан келбейт Колумдан келсе, жыйырма жашты Берээр элем мен сага.. Бакыт балкып бакта гүлү жайнаган Балалыкка булбул кушу сайраган. Баргым келет, калгым келет апакем Балтыр бешик бала болуп кайрадан. Апаке, апаке колумдан келбейт Колумдан келсе, жыйырма жашты Берээр элем мен сага.. Ар ар кимдин аман болсун апасы Апа жокто таттуу алма апачуу ээй. Ойлой берем, отурсам да, турсам да Көңүлүндө болбосо экен капасы. Апаке, апаке колумдан келбейт Колумдан келсе, жыйырма жашты Берээр элем мен сага..

Күттүм көп, жол карадым сен тараптан, Төгүлгөн жаанда калып, кечээ күттүм. Ушул жол мени жалгыз алпараткан, Бир кездеги тагдырыбыз экөөбүздүн. Күтүүдөн үмүт болуп жагылгамын, Күйүттү ырга айланткан тагдыр болдуң. Экөөбүз жаш чагына бөлөнмөкпүз, Өмүрдө бөлөк түшкөн биздин жолдор, Бөлөк түшкөн өмүрдө биздин жолдор. Күттүм көп, жол карадым сен тараптан, Төгүлгөн жаанда калып, кечээ күттүм. Ушул жол мени жалгыз алпараткан, Бир кездеги тагдырыбыз экөөбүздүн. Бөлөк түшкөн өмүрдө биздин жолдор, Бөлөк түшкөн турмушта биздин жолдор.

Кызган мени, кызган, бирок билдирбе, Сынат чөлмөк миң күн эмес, бир күндө. Көңүл жиби — тыт көпөлөк тарткан жип, Үзүп алып, эки ортодо бүлдүрбө. Кызган мени, кызган, бирок билдирбе, Бирин-бири кызганбасын ким мүлдө. Капкайдагы жаман ойду ойлосоң, Акылыңдан адашасың бир күндө. Кызган мени, кызган, бирок билдирбе, Кур кызгансаң мени менен бир жүрбө. Эмне болуп кетер экен дегендер, Карап турат, мага аларды күлдүрбө.

Ай чыгарын күтүшкөн күндөрүбүз, Тандап терген татына гүлдөрүбүз. Сен мага деп, мен сага сунар элем, Өмүр бою үзүлбөй күдөрүбүз. Кайырма: Жашоо-турмуш өзгөрүлөт турбайбы, Жаштыгымда ойлобопмун мындайды. Эскерели өткөн күндү санаалап, Эстеликке эскеришер күн калды. Ай асманда жылмайып турар эле, Мээрим төгүп жакындык сураар эле. Түбөлүккө бир болуп жүргүлө деп, Асыл кебин кулакка куяр эле. Кайырма: Ай чыгарын күтүшкөн күндөр калды, Тандап терген татына гүлдөр дагы. Сезимдеги сакталган ал күндөрүм, Көрүнбөй ал күндөрүм артта калды. Кайырма:

Сынасам көңүлүмө толосуңбу? Сылык сүйлөп, сыпаа күлүп коёсуңбу? Сени айтып курбуларга мен мактансам, Сыймыктанар адамым болосуңбу? Кызыксам көңүлүмө толосуңбу? Кыйгач карап, кытмыр күлүп коёсуңбу? Кыйынчылык башка түшүп турган кезде, Кыр көрсөтчү курдашым болосуңбу? Жактырсам көңүлүмө толосуңбу? Жайкап сүйлөп, жайнап күлүп коёсуңбу? Жамандык башка түшүп турган кезде, Жардам берер адамым болосуңбу? Тандасам көңүлүмө толосуңбу? Так сүйлөп, тамашалап коёсуңбу? Тайгак кечүү, тар жолдон тайгалансам, Тагдырлаш күйөрманым болосуңбу? Ардактасам көңүлүмө толосуңбу? Аяр карап, алдап күлүп коёсуңбу? Акылымдан адашып турган кезде, Акылдашчу адамым болосуңбу? Жолуксам көңүлүмө толосуңбу? Жоодур карап, жообун айтпай коёсуңбу? Жол таппай баш айланып турган кезде, Жол көрсөтчү жолдошум болосуңбу?

Неден жаздым, неден жаңылдым, Не себептен мага таарындың? Жылдыз жүзүң көзгө элестеп, Жылаажындай күлкүң сагындым. Куса болуп жездей саргарып, Күйүтүмдөн чексиз багындым. Сага арнап сүйүү ырларын, Сага айтам жүрөк сырларын. Сен жөнүндө бүтпөс ыр жазам, Сага айтам тунук сырларым. Махабаттын кезип сапарын, Махабаттын ачкам кырларын. Табийгат да сенсиз суз тартып, Аянычтуу дайра муңканып. Суу боюнда өскөн камыштар Шуудурашат үнсүз сумсайып. Кайда кеттиң, кайда жүрөсүң, Жүрөк сүйгөн менин түгөйүм? Кайда кеттиң, кайда кеттиң…?

Билбедим булбул болуп таңшыдымбы, Бир гана сага арнагам таңкы ырымды. Мен анан күйүт күүсүн чалып калдым, Мээнитпей дил арзыган таңсыгымды. Ойлогом тартууласам жан сырымды, Ойготор махабатын жарчымынбы? Оюнга чалганымда арзуу-зарым, От тамбай, билдим анан алсызымды. Табышмак, турмуш жолу туруктуубу? Табышмак, жетмек беле туруктуулук? Өкүнтүп элесиңди өчпөс кылган, Өтмөкмүн махабатка кулдук уруп.

Ата бабам кыргыз кутман эл Ата салтын бийик туткан эл. Ат жалында өмүр кечирип Ар намыстан мөөрөй уткан эл. Ат жалында өмүр кечирип Ар намыстан мөөрөй уткан эл. Ат жалында кылыч ойноткон Бабам Манас жерин коргогон. Тарых бетин актай калтырбай Курманбек да элин коргогон. Тарых бетин актай калтырбай Курманбек да элин коргогон. Кайырма: Жоокер элбиз, жоокер элбиз Эзелтен тарыхта. Намыс сакта, элиң барда Кыргыз эл журтун сакта. Кыргыз эл журтун сакта. Баатыр элбиз кыргыз байыртан Бабаларым өткөн тарыхтан. Басып келген жоого тик карап Башын көтөр элим намыстан. Басып келген жоого тик карап Башын көтөр элим намыстан. Эртеңиңди элим ойлогун Эл журтунду жоодон коргогун. Жалтанбаган кайрат күч менен Аталардын жолун жолдогун. Жалтанбаган кайрат күч менен Аталардын жолун жолдогун. Кайырма: Жоокер элбиз, жоокер элбиз Эзелтен тарыхта. Намыс сакта, элиң барда Кыргыз эл журтун сакта. Кыргыз эл журтун сакта.

Көрүшкөндө көздөрүңдөн чагылган, Нурларынан курган кайран көпүрөм. Бекемине күмөн санап жаңылган, Өтүмү жок болгонума өкүнөм. Кимге айтып күйүтүмдү, Кимге барып өтүнөм? Кимге айтып күйүтүмдү, Кимге барып күнү-түнү, Кимге барып өтүнөм? Таңшыганча табышмактуу таң сыры, Тандап кеттиң таңы салкын өлкөнү. Таба албайм, кайрылганда айт чынын, Артык бекен башка жердин көркөмү? Арбалсаң да бир келерсиң, Ала-Тоону көргөнү. Арбалсаң да бир келерсиң, Эстегенде сермелерсиң, Ала-Тоону көргөнү. Кала берем мекенимде сени эстеп, Жүрсө экен деп алыс жерде аман-соо. Өтүнөрүм көкүрөгүм элестейт, Көргөн сайын жалын бүрккөн жанар тоо. Жалын бүрккөн үшкүрүгүң, Жалын бүрккөн үшкүрүгүм, Жаңырыгы жарар зоо.

Аппапак бадырак алча гүлүм Ачыпсын ажарын жаздын бүгүн. Аңкыган жытына мас болуп мен Ансайын жыттаймын сенин гүлүң. Аңкыган жытына мас болуп мен Ансайын жыттаймын сенин гүлүң. Арылаар ызылдайт, учуп конуп Бадырак гүлүмдүн балып соруп. Балкытып сүйүүгө мас кылыпсың Булбулдар сайрашат үнүн созуп. Балкытып сүйүүгө мас кылыпсың Булбулдар сайрашат үнүн созуп. Асманда айдагы нурун төгүп Ашыгат аппапак гүлүн өбүп Атыр жел аймалап ак Жүзүңдөн Аңкыйт го айланаң, жытың болуп Атыр жел аймалап ак Жүзүңдөн Аңкыйт го айланаң, жытың болуп Бах чиркин, баягы алча багым Балкытчы сүйүүгө кайра дагын. Бал татым балалык сүйүүлөр ай, Бактылуу жаштыгым күндөрүм ай. Бах чиркин, баягы сүйүү жазым Ырдалып бүтпөгөн алчы багым. Бах чиркин баягы сүйүү жазым Ырдалып бүтпөгөн алчы багым.

Мөлтүрөп бүлдүркөндөр бышкан кезде, Асманга бүркүт шаңшып учкан кезде. Cаамайларын cеңселткен ак кайыңдар, Самашып сагынычымды уккан кезде, Барам сага. Шоолалар кирпигиңди өпкөн кезде, Нөшөрлөп электете төккөн кезде. Кубарып кусалыктан ак жүзүбүз, Көп күндөр арабыздан өткөн кезде, Барам сага. Гүлдөргө аарыларың конгон кезде, Бал чөбүн Ой-Алманын соргон кезде. Мурдагы биз жолуккан кечтегидей, Алтын ай асмандагы толгон кезде, Барам сага.

Жамгыр төктү эч басылбай, Биз келаттык көл-шал болуп. Жол кароого көз ачырбай, Бет алдыман шамал согуп. Кайырма: Күн күркүрөп жамгыр төктү. Ошол күнүм кайда кетти? Жаштыгымдай же кечээги, Кайрылбай кетеби? Жамгыр төктү, эске түштүң, Алыс калган жаштыгымдай. Сагындырып, жүрөктү эзип, Колдон учкан ак куумдай. Кайырма: Жылдар учат канаттуудай, Жамгыр төгөт эч басылбай. Жамгырлардай эскирербиз, Тунгуч сүйүү унутулбай.

Күтпөчү сагынарым, сагынарым, Саргарып калар бекер ак ыраңың. Жайнаган элик көзүң сумсайбасын, Жароокер мен өзүңдү сагынамын. Келип кал дүйнө-жүзүн жарык кылып, Шоолаңды, нуруңду эч аябастан. Өзүңсүз мен кеттим муздай сынып, Өзүңсүз жылдызы жок, бүркөк асман. Маанилүү сен бар үчүн жарыкчылык, Маанилүү ырдоо жана күтүү жетпей Тагдырым берет жыргал зарыктырып, Жашаймын махабаттан үмүт үзбөй.