Айжамал Кабылова.
 Слушать песни исполнителя и скачать онлайн

Сакта деп өзүң берген жалгыз сүрөт, Сакталуу ошол бойдон менде жүрөт. Тиктешиң тамашалап турган өңдүү, Неге сен, неге сен, неге сен түштүң экен күлүмсүрөп? Неге сен, неге сен, неге сен түштүң экен күлүмсүрөп? Күлкүңө шектүү карап күткөн жүрөк, Сезимге бир башкача ой түшүрөт. Өкүнөм сен кайрылбай кеткениңе, Калбай деп, калбай деп, калбай деп эч болбосо беттен бир өөп. Калбай деп, калбай деп, калбай деп эч болбосо беттен бир өөп. Өппөдүм, мен өппөйүн, өкүнүч көп, Мени алдап түшүмө окшоп кеттиң жөнөп. Байкатпай мурдагыдай жүргөндүрсүң, Башкалардын, башкалардын, башкалардын жүрөгүнө башың жөлөп. Башкалардын, башкалардын, башкалардын жүрөгүнө башың жөлөп. Эгерде бирөө болсо менден бөлөк, Же тытып сүрөтүңдү, же өрттөмөк. Мен тытпайм, күнөө сенде, сүрөттө эмес, Сүрөтүң, сүрөтүң, сүрөтүң жүрө берсин күлүмсүрөп. Сүрөтүң, сүрөтүң, сүрөтүң жүрө берсин күлүмсүрөп.

Аста басып, аярданып туруп турчу, сулуу кыз, Алтын баалуу сөз айтайын, угуп турчу, сулуу кыз. Э-эй, сулуу кыз, о-ой, сулуу кыз. Эгер сүйсөң кадырыма жетер белең, жаш жигит, Жүрөгүмдө терең сырды чечер белең, жаш жигит? Э-эй, жаш жигит, о-ой, жаш жигит. Талыкпастан бирге ойноп жүрөр белең, сулуу кыз? Талаайыма табыштырса сүйөр белең, сулуу кыз? Э-эй, сулуу кыз, о-ой, сулуу кыз. Жүрөгүмө сүйүү отун жагасыңбы, жаш жигит? Саамайыма жаздын гүлүн тагасыңбы, жаш жигит? Э-эй, жаш жигит, о-ой, жаш жигит. Кымбат баалуу жаш өмүрдүн баркын билгин, жаштар, ай, Кырчын убак кайрылбасын баалай билгин, жаштар, ай. Э-эй, жаштар, ай, о-ой, жаштар, ай.

Алыстан сапар тартып, Айдың кеч кербен келет. Тааныштай ээрчип аны, Көк менен булут сүзөт. Шыңгыры коңгуроонун, Угулат кулагыма. Алаксыйт көңүл кушум, Ашыктык ырларына. Кайырма: Сырдашып аппак булут, Ырдасам ыйлап барат. Гүлгө окшоп турсам сонун, Аяйт го, атаганат. Дайрадай акканымды, Шамалдай шашканымды. Ак булут, ак куу болуп, Айта бар арманымды. Жымыңдап жылдыз көктө, Жылгада жатсаң көрөт. Апаппак булут менен, Кошулуп кетким келет. Кыйырсыз чексиз аалам, Бар болуп калганын көр, Ырчыга ошол дүйнө, Тар болуп калганын көр. Кайырма: Сырдашып аппак булут, Ырдасам ыйлап барат. Гүлгө окшоп турсам сонун, Аяйт го, атаганат. Дайрадай акканымды, Шамалдай шашканымды. Ак булут, ак куу болуп, Айта бар арманымды. Кабарлап койсоң кана, Үнүңдү угар болсом, Үмүткө жетелене, Сагынып күткөн болсоң. Ак булут айтып барар, Ак сүйүүм, махабатым. Кербендер айтып барар, Кусалуу жүрөк дартын. Кайырма: Сырдашып аппак булут, Ырдасам ыйлап барат. Гүлгө окшоп турсам сонун, Аяйт го, атаганат. Дайрадай акканымды, Шамалдай шашканымды. Ак булут, ак куу болуп, Айта бар арманымды.

Тагдырыбыз табышса, булут жиреп бийиктерге учат элек Бирок неге орундалбай калды тилек Ардагым жоготкон алсыз жүрөк, сен деп жүрөт Бактым эле ашыгым, үчүт менен өзүңдү күтүп келем Таңда кечте адат болду күтүү деген Кымбатым кыялга батып терең, ойлой берем Элесиң келет мага төксө булут жашың Билемин сен да жаным мени унутпайсың Сагынып көрүүгө зарыгып Эмнеге айтчы асманымжы булут басты Жамгырдай агылат көзмөн тунук тамчы агылып Арманга кабылып Үмүтүмдү үзө албай сезим менен жашай берем Сезилбеген унутулгус махабатым сенсиң деген Түн менен сырдашып айды карап Жылдыз санап Кыялымда сага деп күүлөп канат сени көздөй учуп барат Баардык максат бир өзүңө багыт алат Жалгызым көз кырыңды сен салып кой Бир жанып кой

Сүйүүдөн тапкан белегим, Сүйөнөр тоом, жөлөгүм. Нур болуп кирдиң сен үйүмө, Көксөгөн үмүт-тилегим. Кайырма: Жыпарым, жыттуум, шириним, Күн болуп көктөн төгүлдүң. Арчадан болду бешигиң, Арчадай болсун өмүрүң. Шылдырап аккан булагым, Жаныма эрмек ынагым. Көрбөсөм көөнүм бөксөрүп, Сагынып гана турамын. Кайырма: Жыпарым, жыттуум, шириним, Күн болуп көктөн төгүлдүң. Арчадан болду бешигиң, Арчадай болсун өмүрүң. Каткырсаң балкып кетемин, Асманга учуп жетемин. Булуттай болгон жүрөгүм, Садагаң болуп кетейин. Кайырма: Жыпарым, жыттуум, шириним, Күн болуп көктөн төгүлдүң. Арчадан болду бешигиң, Арчадай болсун өмүрүң.

Жаштык алып учат, жылдар барат узап, Эркин, эркин шамалдай. Мени, жанды тушап, мезгил баарын утат, Анан калам таба албай. Кайырма: Эх, кайда бала курагым, Бал татыган убагым, Сени издеп турамын. Эй, убакыт, суранамын, ашыкпачы, Эч кетпесин жанымдан жаштык жазы. Ай-күн өтсө бат-бат арты туман каптап, Аздан кетет го уурдалып. Алтын кез деп сактап, атың ойдо жатат, Ичтен жанат бир жарык.

Күттүм сени, Күн баткандан таң сүрүлүп атканча, Үкү келип, Уясынан уйкусурап жатканча. Кайырма: Күттүм сени, Кайда жүрдүң? Кимдин колун кармадың? Эмне мынча жалдыратып, Эмне мынча алдадың? Күттүм сени, Шүдүрүмдүн тамчылары акканча. Жеңелерим чака кармап, Сууну көздөй басканча. Күттүм сени, күттүм сени, Сен да мени күтөрсүң. Сүйгөндөрдүн кайыгына, Калагы жок түшөрсүң. Күттүм сени, Күн баткандан таң сүрүлүп атканча, Үкү келип, Уясына уйкусурап жатканча. Күттүм сени, Кайда жүрдүң? Кимдин колун кармадың? Эмне мынча жалдыратып, Эмне мынча алдадың?

Армансыз жашоо болбойт бул жалганда Деп айткан сөзүн эстейм акылмандын О кайран жаштык күндөр өтүп жатат Кантейин эми жете албадым армандамын Кайырма: О жаштык күн кайда Биз өткөргөн түн кайда Махабатка кумар канбай Биз сунушкан гүл кайда Тоо жаңырта обон созгон Мага тааныш үн кайда Күлдүрүп күндөн күнгө ачыласың Жомоктогу пери сымал азгырасың Өзүңсүз кайран күндөр өтүп жатат А мен арман дайрасында агыламын Жүрчү жаным кетеличи тээ алыска Колду шилтеп ушак сөзгө кур намыска Эң бактылуу күндөр балким алдыдадыр Жетелечи бизди күнкөн чоң бакытка

Бир өзүң бол даба болгон дартыма, Бир өзүң бол тагдыр кошкон багыма. Бир өзүң бол жашоодогу боёгум, Жалгыздыкта жолдош болгон жаныма, Жанымдан артык сүйөмүн сени. Кайырма: Бир өзүң бол ырларымдын башаты, Бир өзүң бол өмүрүмдүн канаты. Бир өзүң бол мукам үнү жүрөктүн, Турмушумдун колдоочусу, насааты, Жанымдан артык сүйөмүн сени. Бир өзүң бол турмуштагы жөлөгүм, Бир өзүң бол менин тапкан дөөлөтүм. Бир өзүң бол оргуштаган булагым, Мүрөк болуп кандырчудай кумарым, Жанымдан артык сүйөмүн сени. Кайырма: Бир өзүң бол ырларымдын башаты, Бир өзүң бол өмүрүмдүн канаты. Бир өзүң бол мукам үнү жүрөктүн, Турмушумдун колдоочусу, насааты, Жанымдан артык сүйөмүн сени.

Сени мага жолуктурду жылдыздуу асман, Жүрөгүмдө толуп турду махабат дастан. Экөөбүздү бөлүп турду бул дүйнө жалган, Кандай жансың көз отумду байкабай калган? Кайырма: Сырга айланган, ырга айланган, Жан, жан, жан, Жолуктуң кайдан? Акылдан алдың, азапка салдың. Жан, жан, жан, Жолуктуң кайдан, Акылдан алдың, азапка салдың. Сага деген армандарым айтылбай калды, Сени дегдеп көңүл черим жазылбай калды. Сезимдерди чокко салдың, бейтааныш жигит, Сарсанаадан калган күнүм арылбай калды.

Сүйсөн мени бул жерге Таштап кете албайсың Унутам деп алдаба Унута да албайсың Канатыңа канатмын Бийиктерге бирге учкан Жалгыз таштап сен мени Эркин уча албайсың Кайырма: Жарыңмын жаныңмын Жаркыраган таңыңмын Жанымдын жарымы Жаркыраган айымы Сүйсөн мени бул жерге Таштап кете албайсың Унутам деп алдаба Унута да албайсың Максатыбыз бир биздин Ойлорубуз бир биздин Сөздөрүбүз бир биздин Жүрөгүбүз бир биздин Мен өзүңдү эч качан Таштап кете албаймын Сен анткени жашоомдун Мазмунусуң ар дайым

Жалгыз ак куу көрдүм өзөн четинде, Жалгызырап сүзөт көлдүн бетинде. Күз келгенде бөтөн куштар топтолду, Үйрү менен жылуу жакка кетүүгө. Кайырма: Аянычтуу аппак куунун калганы, Айсыз түндө азап күүсүн чалганы. Дүнүйөдө жалгыз калмай экен го, Ак куулардын, ак куулардын арманы Кыш келгенче кайра учуп кетерде, Жабыркабай өз тобуна жетерде, Ким ойлоптур сулууларды өмүрдөн Жалгыз, жалгыз өтөр деп. Кайырма:

Ак гүлдөрдөн топу токуган, Кезди эстеп, эстеп олтурам. Тосуп чыксам деймин кайра да азыр, Балалыктын чаңдуу, чаңдуу жолунан. Кайырма: Балалыкка баргым келет, Түбөлүккө мен калгым келет. Көпөлөктөй конгум келет, Балалыгым, сени сагындым. Жүрөгүмдү кусалык ээлеген, Таба албаймын балалыкты эч жерден. Сени эстеймин, сени сагынам, Өзүң болдуң бүтпөс эскермем. Кайырма: Балалыкка баргым келет, Түбөлүккө мен калгым келет. Көпөлөктөй конгум келет, Балалыгым, сени сагындым.

Канча жыл күттүм өзүңдү, Кай жакта жүрдүң көрүнбөй. Канча жыл түштүм артыңдан, Кайберен кууган мергендей. Кайырма: Жаңылбай сага кабылдым, Жазатпай оогум тийгизем. Азапка түртүп ийсең, да, Акыры сени сүйдүрөм. Аскасы бийик тоо болсоң, Ак карын болом кетпеген. Жалбырттап күйгөн от болсоң, Жалының болом өчпөгөн. Кайырма: Агыны катуу суу болсоң, Алдыңа түшкөн таш болом. Сездирбей өткөн куракта, Сен үчүн кайра жаш болом.

Сени мага жолуктурду жылдыздуу асман, Жүрөгүмдө толуп турду махабат дастан. Экөөбүздү бөлүп турду бул дүйнө жалган, Кандай жансың көз отумду байкабай калган? Кайырма: Сырга айланган, ырга айланган, Жан, жан, жан, Жолуктуң кайдан? Акылдан алдың, азапка салдың. Жан, жан, жан, Жолуктуң кайдан, Акылдан алдың, азапка салдың. Сага деген армандарым айтылбай калды, Сени дегдеп көңүл черим жазылбай калды. Сезимдерди чокко салдың, бейтааныш жигит, Сарсанаадан калган күнүм арылбай калды.

Келгенде эле сиздин айылга, Көңүлүм сүйүп, ашыкмын. Керемет экен, оо, жигит, Сүрөлү доорун жаштыктын. Көңүлдү көтөр жаз болуп, Көрбөгөм, ай, сиздей жаш болуп. Айрылсам эгер, оо, жигит, Арманда өтөм жаш болуп. Көп ырдап сизге ырларды, Көңүлдө жара ырбады. Жашоомдо эч бир өчпөгөн, Жүрөктү жалын чырмады.

Силер бар ар бир үйдө майрам бар Күн болуп күлүп жангандар Кучагын мээрим толо жайгандар Ал эне билсең ал аял Аялзат арабызда кыйналган Сыйдан да калат кур калган Ал күчүн чыгарса да ыйлардан Кыйноого салба бул жалган Кайырма: Азапты тарткан неге аял Ал жанды барбы жан аяр Жаштыгын бүтүн берсе дагы Балдары кайда таянаар Мамиле кылсаң ага аяр Гүл болуп ачылат аял Баарына болгон дайым даяр Бактылуу болсун аялдар Турмуш деп жүрөт аял жарышта Мекенден көбү алыста Кор кылбай асыл эне кыздарды Жигиттер келчи намыска Түйшүктүн сүйрөп ал кемесин Тагдырдын көргөн ал жемесин Бүтпөгөн сыноолорго жеңилбей Ичиңен курчуп келесиң

Ачылган сүйүү багы, Тамчылайт сүйүү балы. Жазгы сүйүүгө окшоп, Багынып кайра дагы. Кайырма: Элестейт бул өткөн күндөрүм менин, Сагынып сага келем, сүйүүмдү ырдап берем. Унута албайм сени, алгачкы сүйүүм, Өзүңдү издеп келем, ырымды ырдап берем. Ошол сүйүүнүн деми, Сагындырды го мени. Ырбаткан ал жарамды, Кайрадан жаз да келди. Кайырма: Элестейт бул өткөн күндөрүм менин, Сагынып сага келем, сүйүүмдү ырдап берем. Унута албайм сени, алгачкы сүйүүм, Өзүңдү издеп келем, ырымды ырдап берем.

Күттүм сени, Күн баткандан таң сүрүлүп атканча, Үкү келип, Уясынан уйкусурап жатканча. Кайырма: Күттүм сени, Кайда жүрдүң? Кимдин колун кармадың? Эмне мынча жалдыратып, Эмне мынча алдадың? Күттүм сени, Шүүдүрүмдүн тамчылары акканча. Жеңелерим чака кармап, Сууну көздөй басканча. Күттүм сени, күттүм сени, Сен да мени күтөрсүң. Сүйгөндөрдүн кайыгына, Калагы жок түшөрсүң. Күттүм сени, Күн баткандан таң сүрүлүп атканча, Үкү келип, Уясынан уйкусурап жатканча

Бийдин башы биймерген бий деп келгенбиз, Жалгыз кылбай жашоону миңдеп келгенбиз. Жакшы менен жаманды иргеп келгенбиз, Желек кылып кайышты ийлеп келгенбиз, Жер замандан бери эле бийлеп келгенбиз. Кайырма: Кел, келгиле бийлейли, Кел-келибиз бир келди. Келечек доор бир болсун, Кең дүнүйө пир болсун. Бириктирген кыргызды Биздин бий болсун. Эзелкинин шаңы бар элдин бийинде, Эй, кыз-жигит, канакей эргип күлүңдө. Күлүк деген күнүндө, күлкү үнүндө, Сезим селдеп бий болсун сенин үйүңдө. Тулпар деген тушунда кызык ушунда. Кайырма: Кел, баарыңар, кел, бийге, келген эл бирге,Түндү күнгө айлантып түшсүн жер бийге.Канаты бар элденбиз, кана, кел, бийле, Кудай берген бактыбыз кууса кетпесин,Теңир берген бактыбыз тепсе кетпесин! Кайырма: Ала-Тообуз пир болсун! Атпай кыргыз бий болсун Кол кармашкан элдерди Кошуп турган бий болсун. Кыргыз үнүн ааламга созгон бий болсун! Аккуладай закымдап озгон бий болсун!