Гульнур Сатылганова.
 Слушать песни исполнителя и скачать онлайн.
Страница 3

Кар кетпес кайрылыштан кайтышат кайра куштар, Билем, ортобузда белгисиз байланыш бар. Байланыш жашоо, кардай, нурлардай, Күйүттөн бийик канча күтүүгө жазалангам? Кездерден, убакыттан көздөрүң ыза жуткан, Жан эмес, бүткөнсүйсүң кумардан, кусалыктан. Ашташкан жолубуз да колубуз колубузга, Жарашат, оо, Жараткан, оюбуз, боюбуз. А неге жанат көздөр аты жөнсүз жашоо күйсө? Бул күтүү кайдан келди, бул күтүү качан бүтөт? Бул күтүү кайдан келди, бул күтүү качан? Бул күтүү кайдан келди, бул күтүү качан бүтөт?

Элибизге мейман келсе, Жайылат ак дасторкон. Дүйүм тамак, шербет мейиз, Дасторконго жык толгон. Кыргыз пейили тоодой бийик, Көлдөй таза, туптунук. Колдо барын төгүп салып, Аябагын достордон. Кайырма: Дасторконду кенен жайгын, Күлкү болсун, ыр болсун. Бабалардан калган мурас, Келе жатат бул жосун. Элге-жерге берсин бакыт, Кут төгүлгөн береке. Умай эне, Теңир ата, Урпактарын колдосун. Дасторкондун даамын сызып, Көтөрөлү көңүлдү. Ынтымагы болсун дайым, Болсун элим өмүрлүү. Намысыңды дасторкондой, Кирсиз, таза сактагын. Арам ойлуу адам келсе, Тебелетпе төрүңдү. Кайырма:

Жаштыкка жандырып сүйүү бизди, Жалынга ороп койду. Майрамдап жолуккан күнүбүздө, Арманды жолотпойлу. Тилегиң билгизип бери кара, Илебиң сезгим келет. Дүйнөдө издеген мени гана Көздөрүң керек. Кайырма: Айды сен арнап бербе, Күндү сен кармап келбе. От сезимге толгон, таберик болгон Таза сүйүү тартуула. Өзүңдөн бир гана суранычым, Көңүлдү оорутпайлы. Көзүңдөн төгүлгөн кубанычым Калбасын болуп кайгы. Жалгыздап берилбей санаага да Жанаша жүргүм келет. Сүйөм деп кагылган мага гана Жүрөгүң керек. Кайырма: Айды сен арнап бербе, Күндү сен кармап келбе. От сезимге толгон, таберик болгон Таза сүйүү тартуула. Ай, күндү батырган асманына Махабат кымбат белек. Адашпай бактымды тапканыма Ишенгим келет. Кайырма: Айды сен арнап бербе, Күндү сен кармап келбе. От сезимге толгон, таберик болгон Таза сүйүү тартуула.

Балалыкка бардык дүйнө тартылат, Бала үчүн бардык бакыт айтылат. Эң биринчи «ата, апа» деп сүйлөсө, Жүрөк балкып, келечегиң жаркырап. Карагыла башка сезим, көз менен, Балаңарга жылмаюуну тартуулап. Таттуу уйкуда жатса балаңар, Анда мыкты ата-энесиңер. Абдан жакын болсо араңар, Анда мыкты ата-энесиңер. Эгер аны чексиз сүйсөңөр, Анда мыкты ата-энесиңер. Ал жылмайса кошо күлсөңөр, Анда силер мыкты ата-энесиңер. Өмүр бою бөлүп жүрөк жартысын, Ким издебейт балдарынын бактысын. Бүт ааламга сунар элем сураса, Сүйүү кылып карегинин тамчысын. Карагыла башка сезим, көз менен, Балдарыңдын келечекте бактысын. Таттуу уйкуда жатса балаңар, Анда мыкты ата-энесиңер. Абдан жакын болсо араңар, Анда мыкты ата-энесиңер. Эгер аны чексиз сүйсөңөр, Анда мыкты ата-энесиңер. Ал жылмайса кошо күлсөңөр. Анда силер мыкты ата-энесиңер.

Сүйүүм турат жердин кени тургандай, Мойнумдагы ыйык, аяр тумардай. Көкүрөккө сыймык толуп караймын, Көп кыйналып жакшы бир үй кургандай. Сүйүүм агат мелмилдеген суулардай, Айбаттанат көлдө сүзгөн куулардай. Таттуу сайрап, элжиретип сезимди, Таң алдында үн алышкан улардай. Бул дүйнөдө ачкан менин үнүмдү, Жарык кылган көөдөндөгү түнүмдү. Сенин гана аман жүргөн карааның, Мен сен үчүн даңктап ырдайм сүйүүмдү.

Тап таза элең Ала- Тоонун таңындай Жыпар жыт элең каркыранын жазындай Кереметтүү мекеним аза күткөн адамдай Азыр кайгырып кара кийип алгандай Кайырма: Кайран менин жерим Ала-Тоонун деми деген көркү жок Колдо болгон алтын баркы жок Кайран менин жерим Ыйлай берип соолуп көз жашы Ак мөңгүсүз калды топ ташы Атактуу элең ташка тарыхың жазган Эр жигиттери эзелтеден ыр дастан Эми жүрөт кор болуп башка элдин жеринде Көзүнөн учуп өз мекени Кыргызстан Кайырма: Кайран менин калкым Дүйнө кезип чачырады уул кызың Бар байлыгын сатты кыргызым Кайран менин калкым Касап майып канга жан кайгы Эл ойлогон бизди жан барбы Элим деген эр азамат жан барбы

Деңиздей тереңдикти каалайм сага, Ааламдай кенендикти каалайм сага. Нөшөрдөй бакыт-таалай каалайм сага, Ак таңдай ачык маанай каалайм сага. Каалайм сага, каалайм сага, Ак таңдай ачык маанай каалайм сага. Каалайм сага, каалайм сага, Ак таңдай ачык маанай каалайм сага. Асмандын кирсиз көгүн каалайм сага, Апакай айдын өңүн каалайм сага. Жылдыздай бийиктикти каалайм сага, Арчадай кырчын өмүр каалайм сага. Каалайм сага, каалайм сага, Арчадай кырчын өмүр каалайм сага. Каалайм сага, каалайм сага, Арчадай кырчын өмүр каалайм сага. Сымаптай мөлтүлдөгөн алаканда, Булактай канча жутсам канбайм сага. Жарылып жүрөгүмдүн тереңинен, Жалындап чыккан ырым арнайм сага. Арнайм сага, арнайм сага, Жүрөктөн чыккан ырым арнайм сага. Арнайм сага, арнайм сага, Жалындап чыккан ырым арнайм сага.

Кадырлап бир кат жазамын, Капамды мен качан ачамын? Катымдын жообун кайра жаз, Деги сынбасын менин назарым. Айыл бир сенин турагың, Айылдаш, эсен турамын. Каттаган-өткөн кишиден, Деги билмексен болуп сурадым. Карайып кашым коюлган, Кадырың кетпейт оюмдан. Сагынсаң ай салам жаза жүр, Деги сабатың сенин жоюлган. Караймын ай эрте жолуңду, Кармасам деймин колуңду. Кат сабатың сенин жоюлган, Деги кайтаргын эрте жообуңду.

Кыз-жигиттер кызыл чок, Бириң шайыр, бириң шок. Жалкоо болсоң жолуң жок, Жок, жок, жок, жок… Жүрөгү таза жаштардын тилегин берет, Жакшы күн келет, ишеним керек. Алдыга сүйрөп алдыга бириңди-бириң, Алгыла терең билим, арман кылбай кийин. Айтам жаштарга, Тишиң барда таш чайна. Жөнү жок сүйлөп жөн эле мактанба. Кайырма: Силер элдин келечеги, үмүт жагылат, Демиңерге дем кошкону ырым жаңырат, Четтен эмес, өз жериңден бакыт табылат. Жылдызга улап жол, Кыргызга кубат бол. Чырпыктан чынар болгула, чындыктан тайбай, Тилиңди чанбай, уятка калбай. Чыры көп ушул заманда эң башкы максат, Ыйманды калгын сактап, ырдайлы биз мактап. Бийик бол, жаштар, Ыдырап эл бөлүнбөй, Ынтымак болсун, ырыскы төгүлбөй. Кайырма: Силер элдин келечеги, үмүт жагылат, Демиңерге дем кошкону ырым жаңырат, Четтен эмес, өз жериңден бакыт табылат. Жылдызга улап жол, Кыргызга кубат бол. Кыз-жигиттер кызыл чок, Бириң шайыр, бириң шок. Жалкоо болсоң жолуң жок, Жок, жок, жок, жок…

Кара күчкө биз эмес багынгандай Каректерге катылган жалын бардай Оттой жанып кыргыздын жигиттери Окко каршы атылган чагылгандай Элим деп жандан ашып кечип атса Эрдигиң унутулбайт эч убакта Эзилип да кул болгон кимге жаксын Элин кантип эр жигит жер каратсын Жүзү жарык аттанып ар намыска Жүрөгүндө деми бар эр Манастын Өмүрү эл тагдырын чечип жатса Эрдигиң унутулбайт эч убакта Өчпөйт,өчпөйт элесиң каректен Чакырып биримдикке айбатын берет деп Жашап, жашап жаш бойдон жүрөктө Барсыңар ак батада, барсыңар тилекте Ырыстуу айкөлдүн элибиз Эми биз тең бир элбиз Ынтымак күтөлү эми биз биримдикте Гүлдестеге бөлөп бейиттерин Эскерели Мекен шейиттерин Бир күн өтпө токто жүрөк Баатырларды жокто жүрөк Ар намыска жана бергин Акыйкатта тилеп тилек

Тилектин баары тунук акак дебе, Тирелип көкүрөктө жатат дебе. Термелткен сенин күчүң болбогондо, Тез эле менин күнүм батат дебе. Кайырма: Күлгүн жаш күлкү менен өтөт дебе, Күлкүдөн күйүттү эзип кетет дебе. Кудурет сени буйруп койбогондо, Кусалык жүрөгүмдү эзет дебе. Күн болбой гүлдөр жайнап өсөт дебе, Жел болбой булут калкып көчөт дебе. Жылуулук сенден келип турбаганда, Жылдызым жыл айланбай өчөт кээде. Кайырма: Жылдызды көктөн түшпөс чырак дебе, Жылжыган арык көрсөң, булак дебе. Доорун сүрүп сени менен өткөнүмчө, Болду, мезгил токтолуп турат дебе. Кайырма:

Күн дүйнөнү ар убак, Күүгө салат табигат. Жалбырактар даракта, Алакандай чабылат. Шаң учурган шамалдан, Шаттык ыры жаралган. Толкуп кетип обонго, Тоолор бийик жаралган. Кайырма: Ар күнүң табылбас кайрыктай, Обонго салып кал айрымдарын. Бул өмүр жүктөлүү байлыктай, Кербенге теңелет ай, жылдары. Ак тилек ырдан айрылбагын. Кубанычты аркалап, Куштар сайрап жар салат. Жалганына карабай, Жашоо кандай салтанат! Ырчы болор жорголор, Сырдуу обон ойнолот. Сүйүү тилеп адамзат, Сезим кылдай толгонот!

Биз чоңойгон эле чек, Биз жолөнгөн теректер. Эске салды баарысын, Эски дептер. Чагылышкан каректер, Ак сүйүүгө себепкер. Саргайса да сакталган, Эски дептер. Кайырма: Балалык кездерим, Барактай эстедим, Сыйкырдуу сезилген, Сырдашым дептерим Бактылуу кездерим, Алыстап кеткенин Жашоомдо бир өзүң Жазылган дептерим Өткөн күндөн белектер Эскирбеген элестер Тасма сымал тартылган Эски дептер Кайд калды ал кечтер Кайгысы жок бал кездер Жашайт өчпөй ичинде Эски дептер Кайырма:

Айткым бар көңүлүмө каткандарды, Өзүңдөй жолдош кылып элесиңди. Канчалык акылга баш ийсем дагы, Сүйүүдө жыя албадым мен эсимди. Кайырма: Мен бүгүн күлгөндө да жашык күлөм, Кубарып, суук урган жаз-көктөмдөй. Жүрөмүн, бирок билбейм, кайда жүрөм, Талыгып Жер шарын бүт көтөргөндөй. Кар кетет, ак байлыктай жаз да келет, Бактар да, үмүттөр да бүчүр байлап. Окшошкон кош жалындай күйдүк эле, Турса да бороон жүрүп, шамал айдап. Кайырма: Сагынычым турат дайым күч алып, Түгөнбөгөн узун жолдой узарып. Бирге жүрөт дайым менин жанымда, Бир туугандай бир жакындык, кусалык. Кайырма:

Жамгыр төктү эч басылбай, Биз келаттык көл-шал болуп. Жол кароого көз ачырбай, Бет алдыдан шамаал согуп. Кайырма: Күн күркүрөп, жамгыр төктү, Ошол күндөр кайда кетти? Жаштыгымдай же кечээги, Кайрылбай кетеби? Жамгыр төктү, эске түштүң, Алыс калган жаштыгымдай. Сагынтасың жүрөктү эзип, Колдон учкан ак кушумдай. Кайырма: Жылдар учат канаттуудай, Жамгыр төгөт эч басылбай. Жамгырларда эскеребиз, Алгач сүйүү унутулбай Кайырма:

Жаңы бышкан нандын жыты, Күндүн жайкы ысыгы. Нан көп болсо үйдүн куту, Эки беттин кызылы. Жаңы бышкан нандын даамы, Жалпы дыйкан эмгеги. Бүткүл элдин жүрөк каны, Кен байлыгы жердеги. Жаңы бышкан нандын жыты, Жазган ыры акындын. Көзгө сүйкүм тынчтык кушу, Күч-кубаты баатырдын. Жаңы бышкан нандын даамы, Ата-Журттун дымагы. Ошондуктан элдин нугу, Эзелтеден тынбады.

Эмненидир мен сага арноом керек, Көз көрүшүү болбойт го кайрадан бир. Ал күндөрдө түбөлүк калгым келет, Эмненидир мен сага арноом керек. Кайырма: Сен кайдасың бул күндө мен кайдамын, Боз жоргодой таң ашчу жайдакталдым. Биз жоголдук экинчи кайрылбайбыз, Сен кайдасың бул күндө мен кайдамын. Жакшы ыр жазып мен сага арноом керек, Барбы алдыда көздөшүү эч ким билбейт. Ошол түнгө кайрадан баргым келет, Жакшы ыр жазып мен сага арноом керек. Кайырма: Сен кайдасың бул күндө мен кайдамын, Боз жоргодой таң ашчу жайдакталдым. Биз жоголдук экинчи кайрылбайбыз, Сен кайдасың бул күндө мен кайдамын. Өзүмдү-өзүм мен эми алдоом керек, Качандыр бир кездерде жолугам деп. Ушул ырды жакшы деп арноом керек, Өзүмдү-өзүм ошентип алдоом керек. Кайырма: Сен кайдасың бул күндө мен кайдамын, Боз жоргодой таң ашчу жайдакталдым. Биз жоголдук экинчи кайрылбайбыз, Сен кайдасың бул күндө мен кайдамын.

Таң да атты, таалайым батып баратты, Үмүт катты, үзүлүп көздөн жаш акты. Болду го дейм, өзүмө суроо бере албай, Козгой албай, кансырап турган жараатты. Кайырма: Ак көгүчкөн, ак көгүчкөн, Жан сырым сага бөлүшкөм. Барбы же билбейм башка арга, Көл кылып көз жаш төгүштөн? Ак көгүчкөн, ак көгүчкөн, Сырдашып сага көнүшкөм. Билбеймин, неден жаңылдым, Адаштым кайсыл өрүштөн? Арман кылар айтылбай, балким, сыр калар, Унутулар ырдалбай, балким, көп ырлар. Ак көгүчкөн, сен дагы жалгыз, мен жалгыз, Эгиз сыңар окшошту биздин тагдырлар. Кайырма: Ак көгүчкөн, ак көгүчкөн, Жан сырым сага бөлүшкөм. Барбы же билбейм башка арга, Көл кылып көз жаш төгүштөн? Ак көгүчкөн, ак көгүчкөн, Сырдашып сага көнүшкөм. Билбеймин, неден жаңылдым, Адаштым кайсыл өрүштөн? Мен үзүлбөйм, аскада гүлдөй үзүлбөйм, Мен өкүнбөйм, чайпалып көлдөй төгүлбөйм. Мен жанамын, күндүзү күндөй, түнү айдай, Булуттардай, бир көрүнүп, бир көрүнбөйм. Кайырма: Ак көгүчкөн, ак көгүчкөн, Жан сырым сага бөлүшкөм. Барбы же билбейм башка арга, Көл кылып көз жаш төгүштөн? Ак көгүчкөн, ак көгүчкөн, Сырдашып сага көнүшкөм. Билбеймин, неден жаңылдым, Адаштым кайсыл өрүштөн?

Жайдын бир толук кезинде, Адырлуу тоонун бетинде. Сан гүлдөн тандап бирди үзгөн, Жайдары селки эсимде. Өзүмдү сага берем деп, Өмүрдүн гүлүн терем деп. Сүйлөшкөн күндөр эсимде, Турмуштун сыры тереңдеп. Анттыңды ойлоп таңдагы, Көңүлүм сенден калбады Азыркы шайыр жаштардын, Өзүңдөй болсо алганы.

Бараткан ак жолумдан түн ыраактап, Актым мен сен тарапка күнчубактап. Алдымдан чыга калсаң сунайын деп, Актым мен сен тарапка гүл кучактап. Кайырма: Сени эстеп бүгүн түнү ойго баттым, Сени эстеп бүгүн түнү ойгоо жаттым. Сени эстеп бүгүн түнү оргудум да, Кайнаган булак суудай мөлт-мөлт актым. Алмаздай курчуй бердим, бүлөнбөдүм, Тамчыдай тама бердим, түгөнбөдүм. Элесиң жылдыздардай жылт-жулт этип, Мен дагы жылдыздардай түмөндөдүм. Кайырма: Сени эстеп бүгүн түнү ойго баттым, Сени эстеп бүгүн түнү ойгоо жаттым. Сени эстеп бүгүн түнү оргудум да, Кайнаган булак суудай мөлт-мөлт актым. Таң атты. Тереземди кенен ачтым, Жел менен үйгө кирди бир тал бактым. Нур чайып жаздыгымдын бир жак четин, А мен дале ойгоо жаттым, ойгоо жаттым… Кайырма: Сени эстеп бүгүн түнү ойго баттым, Сени эстеп бүгүн түнү ойгоо жаттым. Сени эстеп бүгүн түнү оргудум да, Кайнаган булак суудай мөлт-мөлт актым.

Бакчалар жазда гулгө бөлөнөт Байлыгын төгөт күздө мөмөлөп. Ак сүйүү жайы-кышы гүл ачып Майрам ар бир убак. Кут конуп ашык болгон кезиңде Кубулжуп булбул сайрайт сезимде Өзөгү бул өмүрдүн махабат Адам күлбөсө, арзып сүйбөсө Кайдан көңүл жашарат. Кайырма: Арбалып көркүмө, үнүмө Ашыкпа ыр түнөгү күйүгө Жашагым келет жанды жандырып Жаркын шам келет сүйүүгө. Ак тилек жашообузду оймолоп Айтышат жазда сезим ойгонот А бирок сүйүү күчү ушунда Жайнап гүлдө кышында Ысык жаш карегиңен тамганда Ыры жок жашай албай калганда Дайралар умтулгандай деңизге Талбай агылып, шамдай жагылып Талбай күндө мени изде Кайырма: Арбалып көркүмө, үнүмө Ашыкпа ыр түнөгү күйүгө Жашагым келет жанды жандырып Жаркын шам келет сүйүүгө. Аяздын шаңында, айланып жалынга Мезгилге багынбай көңүл көктөсүн Жаңырып ырымда жаза алам кылымга Сезимдер өчпөсүн.

Зымырап артты карабай, Убакыт учат саналбай. Орчундуу сырлар курчашып, Оюмду турам чече албай. Кайырма: Жашоодо жаман нерсе болбосочу, Дүйнөдө жалаң жакшы орносочу. Ай-ий, оорубас адам болсочу, Ай-ий, жаңылбас пенде болсочу. Бирине бирин өч кылган, Болбосо уруш-жалгандан. Адамды жаман ат кылган, Арам жок болсо ааламда. Кайырма: Агына кара ширелген, Сырлардан жашоо тигилген. Жетишип баары турса да, Баары бир дүйнө бири кем. Аи-ий, тараза дүйнө бири кем Кайырма:

Жаз убак келип, жымыңдайт күн да, Бүчүрлөр байлап, жашыл төр бакта. Сени сагынып жүрөмүн мен да, Жолго тагылып, саймалап жазда. Кайырма: Сагынычта күндөр узарат, Элесиң турат, күлө бир карап. Кусалык тарайт, Жүрөгүмдү улам сыздатты, Жаным ырбатып, күндөр сагынтып. Суктанып эстеп турчу бир арман, Өткөндү эңсеп ойлонуп калам. Көңүл тазарып, умтулуп барам, Жазым ажайып, ал да бир арман. Кайырма: Биз жүргөн күндөр келет эсиме, Сен берген гүлдөр ар кыл наз эле. Өзүңдөй адам табылбас эч да, Өткөн күн арман кайрылбас кайра. Кайырма:

Темир жолдо поезд термелет, Телмиресиң алыс сен жөнөп. Артыңда калабы айыл бош, Аман кел, кайыр кош, кайыр кош. Биз айтабыз башка эмне деп, Кеттиң эле издеп бактыңды. Таптыңбы, мекендеш, таптыңбы? Кайырма: Ала-Тоо мурас калып атаңдан, Ажайып Ата Мекен аталбай. Тоолордон күлүп чыгып күн өмүр, Тоолорго күйүп кайра батар жан. Кадырын өз жериңди биле жүр, Кайтып келген сапардан. Дүйнө кезип деңиз кечесиң, Көйгөйлөрдөн көрдүң нечесин. Көп азап дагы да кез келет, Мээримдүү болсо экен өзгө жер. Максатыңа бирок жетесиң. Сени күтөт дайым мекениң, Мен тийлеймин эсенин. Кайырма:

Эрке жел сыласа жүзүңдү, Эреркеп түтпөй кетем мен. Аластап кырсыктан изимди, Апакем сүйчү эле чекемден. Көл болуп сурданат көз жашым катат, Күйгүзүп сапарын күн дагы батат эй. Арманым жүрөктө арылбай жатат, Жанымда сен жоксуң апаке. Жашоодо апакем тоо болду, Калкалап мени жамгырдан. Жашыймын тоолорду көргөндө, Апакем тургандай алдымда. Мейиздей төгүлүп мезгилим шашат, Баш ийбей акылга балалык качат эй. Кемитпей ордуңду келемин жашап, Сезимде сен барсың апаке. Кайырма: Апакем көңүлдө өчпөгөн улук жан, А бирок өмүрдө жоготуу бат экен. Көшөрүп сураймын көктөгү булуттан, Көрдүңбү каякта асылым апакем. Кемитпей ордуңду келемин жашап, Сезимде сен барсың апаке

Если любовь не сбудется, Ты поступай как хочется И никому на свете Грусти не выдавай. Новая встреча лучшее Средство от одиночества, Но и о том что было, Помни, не забывай. Мечта сбывается и не сбывается. Любовь приходит к нам порой не та. Но, всё хорошее не забывается. А всё хорошее и есть мечта. Пусть о любви нечаянной Кто-то сказать осмелится. Если поверишь в это Сердце не закрывай. В сердце необитаемом Снова любовь поселится. Но и о том, что было, Помни, не забывай. Мечта сбывается и не сбывается. Любовь приходит к нам порой не та. Но, всё хорошее не забывается. А всё хорошее и есть мечта.

Мен махабат жарчысы, Ырлар сезим тамчысы. Жашоо деген жарык күн, Караңгы түн жартысы. Сен изденип талыкпай, Дүйнө кезип чабыттай. Кадырыңа жеткенди, Карма алтын балыктай. Кайырма: Кара түндү айдап көңүлдөн, Жарык күнүң өчпөй өмүрдөн. Арууланып дайым жан дүйнөм, Ак сүйүүгө болсун өрүлгө. Тилек узун, күн кыска, Тирүүлүктө бир нуска. Өмүр бекер өтпөсүн, Өзүңдү тап турмушта. Кайырма:

Ай нуру бизге төгүлдү, Алтыным аччы көңүлдү. Ардактап жүрүп өтөлү, Алдыда турган өмүрдү. Күн нуру бизге төгүлду, Күмүшүм аччы көңүлдү Гүлдөтүп жүрүп өтөлү, Гүлгүндөй жапжаш өмүрдү. Жалбырак учат дирилдей, Жабыккан түрүн билдирет Жашылдуу кезде жайнайлы, Жашообуз канча ким билет. Алыска кетем эл үчүн, Айланып келем сен үчүн. Ардактап ырдап жүрөгөр Асылкеч курбум мен үчүн.