Мирлан Баеков.
 Слушать песни исполнителя и скачать онлайн

Өмүр менен жашымды, Арнаймын деп мен элге. Мен да жүрөм мекендин, Эң керектүү жеринде. Өтүп жаткан өмүрдү, Токтотууга ал кайда? Ага болгон кумарым, Жашарткандай ал кайра. Кайырма: Түйшүктөнүп кайра эле, Түбү бүтпөс санаамдын. Ошон үчүн тирүүмүн, Ошон үчүн адаммын. Мен өмүрдүн четинен, Кетилгенин сезгенде. Мазем кетип жанымды, Батыра албайм эч жерге… Күндөр жылат агылып, Жамгыр төгүп өткөндөй. Жашай албай сагынып, Жазды күткөн көктөмдөй. Эмне мынча кызылдап, Калуучудай кечигип? Ал ансайын четинен, Өмүр барат кетилип. Кайырма: Өнүп чыккан гүл көрдүм, Басып өткөн изимден. Муңум тарап көңүлдөн, Топук кылам ичимден. Ошон үчүн тирүүмүн, Ошон үчүн адаммын…

Кызыл өрүк төгүлгөндөй, Кыздын чачы өрүлгөндөй. Кыз жашырып ал ак сүйүүсүн, Кыйгач карап көңүл бөлбөй. Кайырма: Кызыл өрүк, кызыл өрүк, Сүйүп калдым мен сени көрүп. Кызыл өрүк, кызыл өрүк, Койчу мага көңүл бөлүп. Кызыл өрүк данегиндей, Кара көздүн карегиндей. Кагып кашың басып кеттиң, Калтырбадың дарегиңди, эй. Кайырма: Кызыл өрүк, азап болдуң, Кызык сүйүү баштап койдуң. Кыздын атын сурай албай, Кызыл өрүк атап койдум.

Жаңырган айлуу түндү жамынайын, Жол тартып мен өзүңө камынайын. Жамалың бир көрүүнү дегдеп барам, Жайдары тосуп алчы Жаңылайым. Кайырма: Жаңылайым менин жаным, ай, Агарып аткан таңым, ай. Тоодой багым ай, бактылуу болмокмун, Болсоң жарым, ай… Көзүңө карегиңе багынайын, Көрбөсөм, көргүм келип сагынайын. Көзү өтүп кетишпесин башкалардын, Көбүрөөк күлбөй жүрчү кагылайын.

FacebookTwitterWhatsAppOdnoklassnikiTelegramVKРесурс Тагдыр калчап сага берген көңүлдү, Таалайымдан тартып алган өңдүүбү? Тереңине күйүп, түптөп баратам, Термеле тигилбей кара көзүңдү. Күдөр улап гүлүм, Күтпө, жаным, бүгүн. Кыйнаса да сени, Кыйбаган сүйүүм. Болсоң жары кимдин, Боздоп калам билгин. Сезим жандай түнөм, Сен менен бирмин. Көңүл көксөп сени күндө чакырды, Көтөр албай күйүт берген басымды. Көксөгөнмүн сендик ордум таба албай, Сүйүү деми мынча эрте басылды. Кайырма: Ишенбей акыры кош деген сөзгө, Ичим күйүп жаштар көлкүлдөп көзгө. Билем, жаным, менсиз таттуу турмушуң, Бийигине алып кетериң өзгө.

Эрмегим элең эркелеп, кызым, Колумдан кеттиң эртелеп, кызым. Теңиңе кошуп узатып жатам, Теңирим бакыт берсе деп, кызым. Кайырма: Ай, жыл да өтөр, Улана, кызым. Турмуш бул татаал, Убара, кызым. Атадай камкор болуп жүргүн деп, Тапшырдым сени кудама, кызым. Кайырма: Бой тумар сындуу, Көрүнгөн кызым. Бой жеткен кезде, Бөлүнгөн кызым. Бакыттын кушун колуңа кармап, Бактылуу өткүн өмүрдөн, кызым. Кайырма: Тартылган үйгө желегим, кызым, Таарынып келем дебегин, кызым. Ак тилегимди ыр менен сунуп, Арнаган сага белегим, кызым.

Сен төрөлүп, неберем Кемиди го керегем Тосуп чыксаң жүгүрүп, Тоодой толкуп кенейем. Кайырма: Айга-күнгө теңеген, Алмаштыргыс сен элең. Жүгүрөм деп жыгылсаң, Жан бөлүнүп денеден Сен аман бол, неберем. Нурлап жарык күн-түндү, Көп күттүм мен бул күндү. Эч нерсеге кыйбаймын Сенин таза күлкүңдү. Кайырма: Ачып көзүн булактын, Ата жолун уланткын. Чоң энеңди сүйүнтүп, Чоң атаңды кубанткын. Кайырма: Ала-Тоодой бийик бол, Ак мөңгүдөй тунук бол. Айкөл болуп Манастай, Кан Бакайдай улук бол!

FacebookTwitterWhatsAppOdnoklassnikiTelegramVKРесурс Желдей жортуп өттү бир күн дагы да, Ал өмүрдүн кетти келбес жагына. Тирүү туруп болгум келбейт кабатыр, Кеткен күндүн, келээр түндүн баарына. Өтөт күндөр бири-бирине окшобой, Өтөт өмүр бир мүнөткө токтобой. Өрттөй жанып, жалындагын барыңда, Өмүрүңдү өкүнүчкө коштобой. Мейли жүз жыл, мейли миң жыл жашагын, Бирок, чындык жер алдында жатарың. Падыша бол, кайырчы бол баарыбир, Өлүм үчүн бирдей сенин катарың.

Төрөгөн жарык дүйнө көрсөткөн ай Төрүндө аалам теңсиз берекем ай Аздектеп алдейлеген баарыбызды Алтындан бешигин бар энекем ай Кайырма: Энем энем энем жалгыз энем Дүйнөнүн эң сулуусу менин энем Бактыбыз үчүн дем күч аябай Жашады энем карыды энем Карыды энем Эс алың жумуш болсо өзүм кылам Көзүмдүн карегиндей сизди сактайм Эмгегим кызматымды сиз көрүңүз Энеке эки дүйнө сүтүң актайм Алмалуу өзүң баккан багыңдаймын Апаке жакшы көргөн бутагыңмын Кубанып жүзүңүздө кулкү турса Кулунуң алма жыттуу караныңмын

FacebookTwitterWhatsAppOdnoklassnikiTelegramVKРесурс Туш тарабы курчалган тоолор менен, Жайы-кышы тулаң чөбүн малдар жеген. Жаратылыш көркү сонун Токтогулдун, Элинин да, жеринин пейили кенен. Чычкан жээктеп эс алсаң жайындасы, Тамшандырат тээ Талгардын кожогаты. Түркүн кооз кубулушка таң калышып, Бир көргөндөр жергеме, бир көргөндөр Токтогулга сугун артып. Өнүп-өсүп кийинки жаш муундарың, Сыймыктантат мыкты кыз-уулдарың. Кетмен-Төбөм, кең өрөөнүм чалкып жаткан, Асыл мекен, мен да өзүңдө туулганмын.

Экөөбүз жолукчу жер, колдүн жээги аба салкын, Күнүгүдөн баскандарың бүгүн, эртең арбын-арбын. Шашкансып толкундарды кечип өттүм, Кол сунуп жолугаарда ойго чөктүм Оюмда эч нерсе жок кучактасам Башкага жар болдум деп ыйлап өттүң. Махабат бооруң ташпы, агыздыңго көздөн жашты, Бактымды кармай албай бул сүйүүдөн көңүл калды Тилеген ой бар эле дагы канча, Сөз бүтпөй сүйлөшчү элек ай чыкканча. Алтыным кош болгун деп кете бердиң Көзүмдөн акты жашым узаганча… Кызарып күн жаңыдан тоого кире баткан эле, Көл дагы коштошконсуп жээкке сууну чачкан эле. Кааларым бакыт кушун табарыңды, Соолубай гүлдөй болуп жанарыңды. Кош эми түбөлүккө бактылуу бол Унутпа сени сүйгөн адамыңды. Унутпа сен деп жүргөн адамыңды.

FacebookTwitterWhatsAppOdnoklassnikiTelegramVKРесурс Кымызын ичип жайлоонун Аска тоосун аралап Кыз чачындай өрүлгөнсүп Мажурум талдай чайпалат Кайырма: Кызык экен биздин өмүр Кызык экен жашчылык Бирде күлүп бирде кабак бүркөлүп Укмуш экен ушул дүйнө Укмуш экен тирүүлүк Бирде кайгы бирде күлкү Түрлөнүп Көгүм төгүп жамгыр менен Булут өтөт көктөгү Орго карай жылат аста Өмүрдүн көктөмү Тай кулундай кубалашкан Эске түшөт кечеги Сансыз ойго миң батасын Санагы жок эсеби

Жаз ырымды ачайын Жандап келдиң жаз айым Сагынычтан чарчаган Саламымды айтайын Кейигеним айтайын Кирип келдиң жаз айым Сусап турам сөзүңө Сурап койчу ал жайын Кайырма: Өрүк гүлүн төккөндө Жаз бетиңден өпкөндө Неге жаным келем дедиң Алдадың Алма гүлүн төккөндө Ак жамгырлар өткөндө Анда дагы келем дедиң Алдадың Жашыл кийди Ала-Тоо Жасанганы сага го Жүзүң ачты байчечек Жетип келчи садага го Жомогубуз баяндуу Жоромого айланды Аалам сенсиз караңгы Алып келчи майрамды Кайырма: Ак сүйүүмдү кучакта Кайрылчы бир өткөндө Келчи күтөм көктөмдө

Көрө албастар көргөндөй айтат, Көңүл бөлбөй көп жүргүн байкап. Көксөбөдүм сенден башканы, Көздөрүңдөн алгансың арбап. Кайырма: Мен өзүңдөн алыс чыкканда, Ишенбечи ушак уксаң да. Жаным, жаным, жаным, кызганба, Жашоом бирге, жаным садага. Азгырышат, ар кандай айтат, Алыс жүргүн андайдан байкап. Алмаштырбайм сени башкага, Аппак сүйүүм — өчпөс махабат. Кайырма: Мен өзүңдөн алыс чыкканда, Ишенбечи ушак уксаң да. Гүлүм, гүлүм, гүлүм, кызганба, Гүл сунбаймын башка кыздарга.

Жаңы, жаңы, жаңы жыл! Кирип келди кайрадан. Жаңы жылдан жакшылык, Күтөт элдер сандаган. Тынчиык, сүйүү, бейкуттук, Чын ден-соолук кааларым. Ыр, күлкүгө чулганып, Шаңга толсун айлана. Кайырма: Көңүлдөргө дайыма, Күлкүлөр толуп, шаң болсун. Адамзаттын жан дүйнөсү, Жааган кардай ак болсун! Эски жылды биз узатып, Жаң жылды биз тосолу. Ар бир үйгө кут кирип, Ден – соолукта бололу. Сааттын жылып жебеси, Он экини кактырат. Шаңга толуп көчөлөр, Шампан көккө атылат. Ар бир үйгө жаңы жыл, Кирип келет жаркырап. Жаңы жылда жакшылык, Каалоо- тилек айтылат.

FacebookTwitterWhatsAppOdnoklassnikiTelegramVKРесурс Жумушум бардай байкеде эле, Үйүңө барам атайын эле. Ийилип сунган чайыңды унутуп, Суктанып кечке караймын неге. Караймын неге, караймын неге, Карегим сизге кадалат жеңе. Ак сүйүү болсо, кечиктим беле, Армандуу ишке кезиктим беле. Жылмайып мени карап коййсоңуз, Сезиле берет сүйгөндөй эле. Сүйгөндөй эле, сүйгөндөй эле, Сиз мени сүйүп жүргөндөй жеңе. Ыр менен сунам гүлүмдү жеңе, Айта алайм эми сүйүүмдү деле. Ак жоолугуңду сыйлап жеңеке, Алыс жүрөйүн аттиң, ай жеңе. Аттиң, ай жеңе, аттиң, ай жеңе. Арманда сыздайм сүйбөсөңнеге. Аттиң, ай жеңе, айылдаш жеңе. Арманда сыздайм сүйбөсөң неге. Ыр менен сунам гүлүмдү жеңе,

Арбайт ар бир кыймылың, Бийчи кызым, махабатым сен, Махабатым сен. Айдан түшкөн ай кызым, Таазим кылам чырайыңа мен, Чырайыңа мен. Жайкалган өрмөлүңдөн, Көзүңдөн мөлмүлдөгөн. Кайырма: Өткүр жаштык, өмүргө сүйүү берген, Жүрө бергин көңүлдө, Жүрөгүмдө бийлей бергин. Ай кызым, ай, ай кызым, Ай кызым менин. Жүрө бергин көңүлдө, Жүрөгүмдө бийлей бергиниң. Жомоктон келдиң ханзаадам, Сулуулардын периси белең, Мен издеген. Байкатпай жүрөк уурдаган, Бийчилердин сыйкыры белең, Мен билбеген. Алтын көкүл саамайыңдан, Аппак жүзүң, маанайыңдан.

Көчөлөрү ар түр жашылдан, Кере жутам таза абаңдан. Көз салсам төмөн тарапка, Көкмөк көлүң ойноп чалкыган. Кереметүү тоосу Шамшыкал Жер соорусу Арым, Итагар Капчыгай, Чычкан, Бейиш-Төр Узун-Акмат, Торкен дайралар. Кайырма: Биздин туулган жер ушул, Биз да ушул жерге уул, Акындын аты аталган жер, Токтогул. Ырчы кызы, ырчы уул, Биздин туулган жер ушул, Акындын аты аталган жер, Токтогул. Обон чыгат аска-зоосунан, Ыр татымы келет тузунан. Касиеттүү алтын бешигим, Күү угулат аккан суусунан.

Алтын бешигим, түшүмө кирдиң, Ансайын сага арналат сүйүүм. Ырымды сунам, сапарым улайм, Сагынып сени, элестеп улам. Анда мен бала чуркап ойногон, Андагы кыял сезим козгогон. Айлуу түн, кечтер, балалык кездер, Кусадар кылдың эсимден кетпей. Таңдын шооласы, эненин үнү, Таңкы шүүдүрүм, жоогазын гүлү. Айылдын деми, сагындым сени, Баратам сага, тосуп ал мени. Киндик кан тамган туулган жерим, Кадырыңа, эй, жетер бекенмин? Ала-Тоо — жерим, кыргызым — элим, Арча бешигим, Ата Мекеним… Кадырыңа мен жетер бекенмин? Баратам сага тосуп ал мени.