Песни про любовь на азербайджанском языке.
Страница 8

Жүрөмүн сага телефон чала албай, А-ха а-ха а-ха. Жүйөлүү себеп ага мен таба албай, А-ха а-ха а-ха. Кыйын деле эмес чалыңыз агатай, А-ха а-ха а-ха. Сурасаңыз болот жөн эле аба ырай, А-ха а-ха а-ха. Бүгүн кечти ырга шаңга бөлөйүн, Камынайын мен да чачты өрөйүн. А-ха а-ха а-ха Кайырма: Жүрөгүм бүгүн дүгүдүк, Сезим ой- санаа сени көздөй жүгүрүп. Түнөргөн асман түрүлүп, Жылдыздар түштү айланага күбүлүп. Дүгүдүк дүгүдүк, Дүгү дүгү дүк. Жүрөгүм менин дүкүдүк. Арманга батып кыйнабай көмөкөй, Ооба ооба ооба. Айтыныз баарын мен кызмын жөнөкөй, Ооба ооба ооба. Мен үчүн өзүң кол жеткис каныша, Мм мм мм. Аламбы билбейм жакындан тааныша, А-ха а-ха а-ха. Бүгүн кийип барайын ак көйнөгүмдү, Тартуу кылам анда аппак гүлүмдү. А-ха а-ха а-ха Кайырма:

Татымың тоонун балы, Аселдейим, Сүйөмүн, балким, алыс сезилбейин. Арзуумду аягандай туюлармын, Ичимден канча сага эзилбейин. Кайырма: Эзилбейин, эзилбейин, Аселдейим, Тоо булагы аккандай, Алма бүчүр ачкандай, Айга Чолпон жаккандай, Мен сени сүйөм. Жаздын таңы аткандай, Булбул гүлүн тапкандай. Айга Чолпон жаккандай, Мен сени сүйөм. Жыпарың тоонун балы, Аселдейим, Түшүнүп, ишен, башка эмне дейин? Түбөлүк эриш–аркак бололу бир, Жоготуп такыр сени издебейин, Издебейин, издебейин, Аселдейим. Кайырма: Тоо булагы аккандай, Алма бүчүр ачкандай, Айга Чолпон жаккандай, Мен сени сүйөм. Жаздын таңы аткандай, Булбул гүлүн тапкандай. Айга Чолпон жаккандай, Мен сени сүйөм.

Жайлоонун төрү кенен, Өрдөсө өрү кенен. Өзөндү бойлоп барат, Бир жигит кызы менен. Жарк этсе кокус чагылган, Жигити сылап чачынан, Кызды сүйдү. Дыбыр, дыбыр, Жаады го жамгыр. Шыбыр, шыбыр, Айтылды го сыр, ачылды го сыр, Чачылды го сыр. Бул махабат, жаралды махабат, Бул махабат, бул ыйык махабат. Бул махабат, жаралды махабат, Бул махабат, бул ыйык махабат. Шаарымдын өзү кенен, Аралайт сүйүү деген. Көчөнү бойлоп барат, Бир жигит кызы менен. Жарк этсе кокус чагылган, Жигити сылап чачынан, Кызды сүйдү. Дыбыр, дыбыр, Жаады го жамгыр. Шыбыр, шыбыр, Айтылды го сыр, ачылды го сыр, Чачылды го сыр. Бул махабат, жаралды махабат, Бул махабат, бул ыйык махабат. Бул махабат, жаралды махабат, Бул махабат, бул ыйык махабат.

Тандап тандап арасынан гүлдөрдүн Эң сулуусун сага алып келип жүргөнмүн Небере деп мээрим төккөн жубайым Ушул деги уйкусуз түндөрдүн Ата катары менин да бактым бар Ал күндөрдү сени менен бир көрдүм Кайырма : Карап карап туш тарап Баары бизге суктанат Уул-кыздарың асмандагы куш-канат Карап карап чач тарап Неберелер ыр арнап Ойноп жүрөт колдоруна кут кармап Убактыбыз көп болчудай эбегей Урдаттыкпы учту мезгил жебедей Жаратканым жалгап биздин бүлөнү Көз тийбесин тегиз болсун телегей Ак элечек оронупсуң жубайым Маган дагы жараштыбы тебетей

Мен сени жакшы көрөм Кабагыңды бүркөсөң да Сагынып тез эле куса болом Алыста жүрбөсөң да Мен сени жакшы көрөм Ууртуңдан жылмайганың Билип кой мен үчүн күлүп турсаң Жашоодо бул майрамым Кайырма: Жакшы көрөм жакшы көрөм жакшы көрөм Жамалыңа куюлушат жазгы көркөм Жасанып сен жашыл көйнөк кийип алсаң Теңелбейт го мажүрүм тал чачын өргөн Мен сени эки дүйнө жакшы көрөм Мен сени жакшы көрөм кучактап ыктаганың Эркелеп шоктонуп сөзүмдү укпай жакамдан жыттаганың Мени сени жакшы көрөм түнөрүп таарынсаң да Жазылбай кыйнайсың кайра өзүңдү жеңилип багынсам да

Тагдыр мага татаалданды, Бороондоду, катаалданды. Сагынычым да жан дүйнөмө, Сыйбай койду, бата албады. Кайырма: Калган кезде күүгүм байлап, Боз жоргомду минип жайдак. Сезимдерди сени көздөй, Келем айдап… Келем дедиң, келбей койдуң, Билер дедим, сен сезбей койдуң. Жүрөк отун сурап алып, Кайтып неге бербей койдуң? Кайырма: Келсең эгер нетер элем, Ээрчип сени кетер белем? Сенсиз курган турмушумду, Балким баарын кечер элем. Кайырма:

Кабагыңда ажарыңда айдын сыны бар беле Жамалыңда жанарыңда жаздын сыры бар беле Кыялдарда санааларда мен толкуймун кайыктай Сен жөнүндөбү сан ойлордон мен калдым окшойт айыкпай Кайырма: Сен дедим мен сен дедим Сен болбосоң ким дедим Сезимдерге гүлдөй оролгон Сени гана теңдедим Көңүлүмдө жүрөгүмдө гүлдүн сыры бар беле Күлгөнүңдө жүргөнүңдө күндүн сыны бар беле Сага арналган махабаттын жээгин бассам утурлай Сен жөнүндөгү сезимдерден мен калдым окшойт кутулбай

Адаштырып мени ар качан, Азаптаптарга жаным салбасаң. Өкүнүчтө калып сыздап калсамчы, Өмүрүмдун бүтүн эй, өмүрүмдүн бүтүн ий Өмүрүмдүн баарын сизге арнасам. Карындаш кимди сүйөсүң ээй? Сизди гана. Чынын айтчы кимдеп жүрөсүң? Сиздеп гана. Кара жаным карандай жаным, Анда алып качпа көздөрүң, Бери кара, мени кара, бери кара эээээй Сиз турмушта мени төктүрбөй Сактап калдыңыз мени чөктүрбөй. Карагым кантип жазылам өзүңө Капырай качып иий, капырай качып иий Капырай качып жүрсөн өптүрбөй, эээээй Агажан кимди сүйөсүз ээй? Сени гана Чынын айтчы кимдеп жүрөсүз? Сендеп гана Кара жаным, карандай жаным Анда алып качпа көздөрүң Бери кара, бери кара, бери кара эээй Күлкүм кетип күзгө өңдөшөм Күйүтүмө көңүл бөлбөсөң. Ишенем кантип курулай сөздөргө Көзүңүздү сиздин ээй, көзүңүздү сиздин ээй Көзүңүздү сиздин сүйүп көрбөсөм

Суктанам, суктанамын жапжашыл айланага, Укмуштай жаз көркөмү теңелбес сага гана. Тартынбай бери карап күлчү, жаным, Бек кучактап жүзүмдөн сүйчү, жаным, Түбөлүк гүлүм болуп жүрчү, жаным. Аралап жаш шиберди келесиң сен жаныма, Сезимиң уялыңкы сезилет мага гана. Тартынбай бери карап күлчү, жаным, Бек кучактап жүзүмдөн сүйчү, жаным. Түбөлүк гүлүм болуп жүрчү, жаным, Жүрчү, жаным. Суктанам, суктанамын жапжашыл айланага, Укмуштай жаз көркөмү теңелбес сага гана. Тартынбай бери карап күлчү, жаным, Бек кучактап жүзүмдөн сүйчү, жаным. Түбөлүк гүлүм болуп жүрчү, жаным, Жүрчү, жаным.

Билбейм ыйлап, мен түшүмдөн ойгондум, Соороно албай сени күтүп таң аткан. Түшүмдөгү экөө келет элеске, Улам-улам менден узап бараткан. Чыйрыгамын, ый угулат ыраактан, Өңбү же түшпү биз жолукчу бул ак таң? Кайырма: Сен белең, сен белең, ошол түшүм, Ошол аян сен белең, сен белең? Алыстагы ошол караан сен белең? Сен белең, сен белең, Менден узап кеттиң эле ким менен? Ким менен? Сен белең? Укпадың го, чакырганым билдиңби? Карап койдуң бир кылчайып алыстан. Асман жарып, дал ошондо ылдыйга, Эки жылдыз учуп түштү жарышкан. Тумчугамын, демим жетпей аптыга, Аттиң арман кечиктикпи бактыдан?

Сүйүүмдү байкабай сен сезбегениңден, Күтүүдөн жүдөп келем, кыйналып келем. Билбейсиң ийилбеген мүнөзүмдү сен, Каалаган максатыма мен баары бир жетем, Баары бир жетем. Кайырма: Сүйүүңдү уурдап кетем билгизбей сага, Көзүңдү көздөрүмө мен көндүрүп алам. Байланган сезимдердин баардыгын чечип, Көңүлүң жалгыз өзүмө көндүрүп алам. Ызамдан ызгаар болуп чыйрыгат денем, Ыкташып күлүп жүрсөң сен башкалар менен. Удургуп, ташкын болуп агылсам дагы, Урагыс пайдубалын мен, баары бир жеңем. Баары бир жеңем Кайырма: Сүйүүңдү уурдап кетем билгизбей сага, Көзүңдү көздөрүмө мен көндүрүп алам. Байланган сезимдердин баардыгын чечип, Көңүлүң жалгыз өзүмө көндүрүп алам.

Күнүм болуп дүнүйөмө баттыңбы Жүрөгүмө баттыңбы Сүйүү биздин бал ширинсин таттыңбы Көңүлүмө таттыңбы Мен тарапка дайра болуп агылып Дайра болуп актыңбы Сезимдерге жазып койдум саймалап Жаздым сенин атыңды Кайырма: Бүгүн жаным башкача бол башкача Ташкындачы өз нугунан ашканча Жоголушсун үзүлүшсүп топчулар Жомок бүтүп сүйүү таңын ашканча Сүйүү таңын ашканча Түн жамынып жаным келе жатканың Мага неге айтбадың Ишигилип бал уйкуда жатканмын Кайра неге кайтбадың Сезимдердин терезесин черткилеп Терезесин аттадың Сагындым деп моюнума оролдуң Ошондо болду айтканың

Искеймин алма гүлдөр шактарынан Издеймин Алыкулдун саптарынан. Жазылсын кусалыгым, күлүп койчу Жарк этип жылдыздардын катарынан Жарк этип жылдыздардын катарынан. Кайырма: Мажүрүм чачтарың таранганда Жашылдан жоолугуң салынганда. Карекке көз жаштан мончок тагып Мен сени ошондо сагынгам да. Мен сени ошондо, мен сени ошондо Сагынганда. Табышмак табигаттын сырларында Жаңырып Асанкалый ырларында. Жан биргем, жан дүйнөмө кирип келчи Төгүлүп эрте жаздын жамгырындай Төгүлүп эрте жаздын жамгырындай. Кайырма:

Ойнотуп жүрөк кылдарын, Өзүңө келди ырдагым. Чыйырчык жакка бет алдым, Карабай Оштун ызгаарын. Жол узак али, сен кайда? Көкүрөк тартса, барбы айла? Өзүң да келсең болбойбу, Күч күйөө кылбай, кылбай Алайга. Кайырма: Жашаган жери Гүлчө, Гүлчө, Жайнап турат экен күлсө, жүрсө. Алайдын тоосу гүлгө бай, Келатам эңсеп күлчөтай. Зымырап Мады, Баш-Булак, Кыздары калды кол булгап. Күйөө бала экен дештиби, Ашуудан кымыз, бал сунат. Керемет жериң келишим, Датканын кызы, элисиң. Күч күйөө болуп турсам да, эй, Алайдын сүйдүм, сүйдүм перисин. Кайырма: Күлчөтай жасап камданып, Тосорсуң ысык нанды алып. Жылуу-Суудан өтүп баратам, Жакындап улам, жанданып. Жол узак экен, сен кайда? Көкүрөк тартса, барбы айла? Мен жакка дагы келерсиң сен, Күч күйөө кылбай, кылбай Алайга. Кайырма:

Кирпигиңе кирпик кошпо, кереги не? Табигаттан сулуулукту берген болсо Эриниңди боеп койдуң, себеби не? Шириндигиң сүйүктүңө билген болсо. Кайырма: Боенбой кел, боенбой Сулууланып коендой. Ырдаласың жүрөктөн Жаңы чыккан обондой. Ошондой жаным, ошондой Ырдашабыз озондой Боегу жок чындык өзү ошондой. Атырыңды себинбечи, кереги жок Сагындым го мен өзүңдү, жыпарыңды. Бар нукура сулуулугуң, куюп койчу Анан кара, кантип сени жутаарымды. Кайырма:

Бакыттын ыйык гүлүн Махабат денизинде Арман ай үзө албадык Эрчишип сүзө албадык. Жанаша канат кагып Арман ай, уча албадык. Сезимдин сересинен эй Эмнеге чыга албадык. Кайрылбай сүйүү кушу Арман ай учуп кетти. Ансыз да ыза толгон Санаамды бузуп кетти. Жанында эриш аркак Арман ай боло албадым. Копуруп көөдөнүнө эй Көлкүлдөп толо албадым. Жанында болот эми Арман ай башка бирөө Тушунбойм эмне болдун эй Деги айтчы кимде кунөө Билбеймин эми сенсиз Арман ай, кантип жашайм. Жок болгон жан дүйнөмдү Кайра мен кантип жасайм.

Бирде жүрөктөн, бирде өрттөн Жазган катымды. Атай албайм, жаза албайм Сенин атыңды. Билсең мага жагаарыңды, Түшүнмөксүң абалымды Көтөрбөстөн баркыңды. Кайырма: Сумсайтпастан сунган колду Ак сүйүүмдү билсең болду. Улагага отурамын Уйкусурап карап жолду. Менден качпа, тетир баспа Салба артыңды. Сүйүп алам, сыйлап алам Сендей алтынды. Толуктачы катарымды, Кошчу турмуш сапарыңды Көкөлөтпөй баркыңды. Кайырма: Билип койчу, угуп койчу Берем антымды. Ырлар жазып чыгарамын Сенин даңкыңды. Бийик болсоң, бийик сүйөм, Жан дүйнөңдү ийип сүйөм Көтөрө бер баркыңды. Кайырма:

Бирде жыртып, бирде өрттөйм, жазган катымды, Атай албайм, жаза албай сенин атыңды. Билсең мага жагарыңды, Түшүнмөксүң абалымды, Көтөрбөстөн баркыңды. Кайырма: Сумсайтпастан сунган колду, Ак сүйүүмдү билсең болду. Улагада отурамын, Уйкусурап карап жолду. Менден качпа, тетири баспа, салба артыңды, Сүйүп алам, сыйлап алам сендей алтынды. Толуктачы катарымды, Кошчу турмуш сапарыңды, Көкөлөтпөй баркыңды. Кайырма: Сумсайтпастан сунган колду, Ак сүйүүмдү билсең болду. Улагада отурамын, Уйкусурап карап жолду. Сумсайтпастан сунган колду, Сүйөрүмдү билсең болду. Улагадан тосуп алар , Күткөн бар деп Билсең болду. Билип койчу, угуп койчу, берем антымды, Ырлар жазып чыгарамын сенин даңкыңды. Бийик болсоң бийик сүйөм, Жан дүйнөмдү ийип сүйөм, Көтөрө бер баркыңды.

Алыстан караймын терегинди Бере албай белегимди Уйундон чыгасын силкип силкип Ун болгон элегинди Башкалар сулуулук себебинди Билишпейт терененди Жомоко ишенип жолдо калдым Жок кылдын керегемди Кайрыма Журоктун журогун атып алып Журосун катып алып Ширелген кылычтай мелтиреймин Ширенди татып алып Коколоп учканын эми кандай Конулго батып алып Аруу тан агарып атпай койдун Кирпикти какпай койдум Журогум ооруду билбейм неге Мен сага жакпай койдум Катымдын жообун сен актай койдун Себебин айтпай койдун Жоголдум узулгон бир топчудай Сен мени таппай койдун

Көп ичинен сага окшош көрүнсө, Мен да караймын. Эсептеймин сенсиз жыл, ай, күн өтсө, Мен да самаймын. Сезбептирбиз ал күндөрдүн кадырын, Билбей кадырын. Азыр дагы куса болуп сагынам, Мен да самаймын, Эңсеп самаймын. Кайырма: Биздин сүйүү жашап калган ырларда, Барктабадык, бөлөбөдүк жыргалга. Кечир эми, сүйүү гүлү буралган, Кейитпечи, термелбечи, ыргалба. Кечиктик биз, эми башка арга жок, Кезигебиз муңдуу кайрык, ырларда. Сен да мендей өткөндү эстээр бекенсиң? Издеп жүрөмүн. Мен атамын, сен да балким, энесиң? Башка бүлөнүн. Тагдыр бизди жолуктурса капилет, Эгер капилет. Жашыбагын, мен жашыбайм күлөмүн, Мен да күлөмүн, Мен да күлөмүн… Кайырма:

Карындаш кайдасың Бирде жерде бирде айдасың Карындаш телефондо Отургандын айтчы пайдасын Байке отурамын көпкө тиктеп көзүмдү оорутамын Байке мен ушинтип баракчама көп лайк чогултам Ал анткени мага керек Кой антпегин ал оюңдан кайт Кой десеңиз койбойм Күлөсүң Инстаграмда жашап Жүрөсүң Күнү-түнү күнү-түнү күнү-түнү күнү-түнү Өзгөрүлдү эмне Мүнөзүң Интернетте өмүр Сүрөмүн Күнү-түнү күнү-түнү күнү-түнү күнү-түнү А сиз мага чалып Ала албай Кайда экениңди жүрөм Таба албай Күнү-түнү күнү-түнү күнү-түнү күнү-түнү Сүйүүнүн да анда баркы жок Качан токтойт айагы арты жок Күнү-түнү күнү-түнү күнү-түнү күнү-түнү Карындаш деги эле Тик ток деген айтчы ал эмне Карындаш түшүнбөйм Пайдасы деле жок деги эле Байке кой антип Айтпасаңыз мага негатив Байке ал тик ток Анда күлкү анда позитив

Билет элең жүрөк туйласа, Кымыздыктай болуп куураарым. Байкамаксан болосуң неге? Карап койчу сенден сураарым. Сөзгө сөздү араң уладым, Оо, Жами… Сага арнап төрт сап курадым, Ой, Жами… Угуп койчу махабат ырды, Сен үчүн деп ырдап турамын. Кайырма: Даңгыр жолдо араба айдап, оо, Жами, Жүрөк козгоп ырдап берейин, оо, Жами. Саманчынын жолун көрсөтүп, оо, Жами, Даниярың болоюн сенин, Болоюн сенин… Билемин мен уулуңду дагы, Колуңдагы шакегиң барын. Байкамаксан болосуң неге? Карап койчу мага бир, жаным. Эбептен мен себеп табамын, Бир күнү үйүңө мен кирип барамын. Ой, Жами… Жүрөктөгү болгон сырымды, Көздү жумуп айтып саламын. Кайырма: